Furðuflokkur

forsætisráðherra er sagður skjóta sér framhjá að borga virðisaukaskatt af starfsemi sinni með því að halda fundi í skólum og éta í skólamötuneytum. Sjálfsagt hefur formaður VG ekkert við þetta að athuga þar gegn því að hann fái að gera þetta líka.

En boðskapurinn sem gekk uppúr forsætisráðherranum á fundinum var stórkostlegur og minnti hellst á Kim Il Sung eða Kastró. Þar hótaði hún því að fjárglæframenn, ofurlaunalið og stóreignaelítan, sem er sjálfsagt öll úr Sjálfstæðisflokknum skuli nú ekki fá að soga til sín arð þjóðarinnar og nýbyrjaðan hagvöxt í skjaldborgarhugarheimi ríkisstjórnarinnar. Vonandi lenda þessar ráðstafanir ekki á Mávi Guðmundssyni í Seðlabankanum,en ekki hefur heyrst neitt nýlega um það hvort hann fékk kaupkröfum sínum framgengt,

Stéttabaráttan gamla lifir góðu lífi hjá forsætisráðherra landsins. Manni sýnist hún toppa formann VG algerlega í marxískum stílbrögðum um alræði öreiganna. Enginn á uppá pallborðið hjá Jóhönnu Sigurðardóttur nema hann sé vesæll og blankur beiningamaður sem lifir á mjóum þvengjum.

Samfylkingin er furðuflokkur í fleiri en einum skilingi.

Athugasemdir

[Ragnar Gunnlaugsson, 4.6.2011 kl. 14:38]

Og búinn að vera það lengi.

[Vilhjálmur Stefánsson, 4.6.2011 kl. 20:03]

Halldór, Við megum ekki sverta Kastro gamla með því að bera hann saman við Jóhönnu Sigurðardóttur Einræðisherra Íslands.

[Björn Birgisson, 4.6.2011 kl. 22:45]

Nákvæmlega! Þetta segir Sjallasnillingurinn sem gekk í Framsóknarflokkinn, þegar Gunnari Birgissyni var hafnað í Kópavogi. Maðurinn sem heimtaði niðurgreitt kaffi í Kópavogslaug!

Maðurinn sem tímdi ekki að borga sitt kaffi, en vildi dreifa greiðslunum á bæjarbúana, syndandi, syndgandi, sem aðra sundlausa!

Snilld þessarar færslu er fólgin í kíkinum og blinda auganu síðuhafans á bak við kíkinn!

Góðar stundir!

[Halldór Jónsson, 5.6.2011 kl. 11:53]

Ja, þú segir nokkuð Vilhjálmur. Líklega er hún skapverri en Fidel ef marka má lýsingar Agnesar á henni í Mogga.

Gamli kratakommi úr Grindavíkinni, kodu margblessaður. Ég tel eftir mikla íhugun nauðsynlegt að menn séu í fleiri flokum en einum. Ég get ekki horft uppá það að hundraðmanna kaffihúsfundur selji forystumann fyrir Samfylkinguna hér í Kópavogi án þess að ég skipti mér af því. Það kjör skiptir alla bæjarbúa máli, ekki bara Samfylkinguna. En sá flokkur sendi her manns til að hjálpa Sjálfstæðismönnum við það að fella Gunnar Birgisson. Þarna sérð þú að samfélagsleg ábyrgð hlýtur að leiða til þess að menn taki almennari þátt í stjórnmálum heldur en að vera eins og vagnhestur með spjöld fyrir augunum að draga einn flokksvagn eins og mér skilst að þú gerir.

Við skulum því halda vöku okkar Björn minn, það skiptir máli hverjir eru kosnir. En hinsvegar stunda ég Laugardalslaugina og fer eiginlega aldrei í Kópavogslaugar. Í Laugardal er frítt kaffi á föstudögum sem ég drekk með ánægju auðvitað en drekk ókeypis vatn hina dagana.

Ég veit ekki hvernig þú hegðar þér í sundlaugum Björn minn þegar þú sérð blómarósirnar spranga um, kannski syndgar þú upphátt eða innvortis eða harmar gamla daga og missir heilsu og hreysti?