Góður, betri, bestur !

burtu voru reknir

Illur, verri verstur

voru aftur teknir.

Mér datt þessi húsgangur í hug þegar ég hlustaði á hann Eirík Stefánsson og Höskuld á Útvarpi Sögu í dag. Eiríkur sagaði að búsáhaldabyltingin hefði ekki breytt neinu. Vinstri menn hefðu getað fengið fólkið til að kjósa sig í stað íhaldsins og framsóknar. En það hefði ekkert breyst? Það væru sömu valdablokkirnar sem héldu öllum þráðum í höndum sér. Lífeyrissjóðirnir sætu á sínum gullhrúgum og gerðu ekkert. LÍÚ heldi um kvótann og gerði út Sjálfstæðisflokkinn sem hagsmunagæsluarm sinn.   Alþingismenn væru ekki hugsjónamenn heldur fulltrúar einhverra sérhagsmuna. Þeir væru þarna ekki af hugsjón. Þeir væru allir að verja einhverja hagsmuni. Stjórnmálamönnum dytti því ekkert í hug sem yrði þjóðinni lyftistöng enda launin þannig að enginn kærði sig um að standa í þingmennsku. Fjórflokkurinn ríkti hér óumbreytanlegur. Nýir flokkar hefðu aldrei fengið nema 4 þingmenn þegar reynt væri að breyta einhverju nema þegar Albert gerði Borgaraflokkinn og fékk 7.  Nú væri talað um að fá ungt og vel menntað fólk til valda og láta það stjórna.

 En hverjir hefðu stjórnað í hruninu spurði Eiríkur? Var það ekki  allt háskólafólkið, hagfræðingar og hámenntamennirnir. Allit voru keyptir í greiningardeildir bankanna til að dásama efnahagsundrið og keyra upp hlutabréfaverðið. Nú ætti að gera Ingibjörgu Sólrúnu að sendiherra.Fyrir hvað spurði Eiríkur? Hún yrði svosem ekkert verri sendiherra en hver önnur kona en hvað hefði hún til þess unnið?

Höskuldur sagði að besta fólkið væri sem óðast að flytja úr landi því það nennti þessu fokki hér ekki lengur.  Fólkið var fjúkandi illt og kaus Sjálfstæðisflokkinn í burtu, kenndi honum um hrun Lehmannsbræðra og glæpaverk bankastrákanna og verstu útrásarvíkinganna. Kaus Jón G.Narr fyrir borgarstjóra.

Það sem það sá ekki fyrir hvernig málin myndu þróast. Hversu illa gengur í þjóðlífinu. Enginn læknir hefur flust til landsins í 3 ár. Umönnunarstéttirnar flytja nú unnvörpum burt. Enda getum við ekki borgað fyrir þær.

Höskuldur vildi velta upp framtíðinni og ellinni upp með Eiríki. Hann sagði að best væri fyrir eldri borgara að gerast glæpamenn og fara á Litla Hraun í sérherbergi með tölvu og sjónvarpi í og fínum baðherbergjum  stað þess að vera sett í fjölbýli með öðrum gamalmennum og verða spúlað með slöngu einu sinni í mánuði þegar væri komin nógu mikil  fýla af því. Því við hefðum ekki ráð á að sjá um gamla fókið lengur. 

Höskuldur fann ekki íslenska orðið brain drain en það hefur verið kallaður atgerfisflótti á íslensku. Og það er áreiðanlega í fullum gangi hjá okkur um þessar mundir. Fólkið er að flýja framtíðarleysið. Þetta fólk mun ekki sjá fyrir okkur í ellinni.

Aldrei þessu vant var ég núna nokkuð ánægður með Eirík Stefánsson enda maðurinn bæði greindur og víðlesinn.  Eiríkur virðist hinsvegar virkilega trúa því að ný stjórnarskrá frá nefndinni gæti bjargað landinu. Ekki deili ég nú þeirri skoðun með honum. Ég held að nákvæmlega ekkert muni gerast. Þó að einhver bitastæð tillaga slysaðist fram þá verður hún kafskotin af hagsmunaaðilunum sem Eiríkur var áður búinn að tala um.

Er það kannski hin pólitíska stefna á bak við tjöldin að keyra hér allt nægilega mikið niður í svaðið þar til að fólkið sem eftir er sér sitt óvænna og samþykkir að ganga í Evrópusambandið? 

Hvað er fólkið að hugsa þegar það kýs eins og segir í vísunni um þann góða og betri?

Athugasemdir

[Björn Emilsson, 8.7.2011 kl. 00:01]

Athyglisvert, Norðmenn sniðu stjórnarskrá sína eftir stjórnarskrá Bandaríkjanna er þeir hlutu fresli undan dönum! Hefur greinilega gefist þeim vel. Bandarísk fyritæki komu jú olíuæfintýrinu í Stavanger í gang á sínum tíma.

[Júlíus Björnsson, 8.7.2011 kl. 04:01]

EU byrjaði um 1957 og varð að veruleika nánast 50 árum síðar. EU Seðlabankinn er 65% eign höfundanna Þjóðverja og Frakka, ásamt UK og Ítölum. Hirða öll jafnan hagnað. Einnig er EU Seðlanbankinn yfir Þjóðaseðlabankakerfi Meðlima Ríkjanna og Kauphallarnetkerfum EU. Leikreglur eru einfaldar bein lán milli ríkja bönnuð allt fer í gegnum kauphallir [kallað opin markaður undur rós] bréf seljast ef keypt eru meðmæli frá einhverjum þjónunust Seðlabankanna.  80% til 100 stjórnu á öllu reiðfé innan EU. Toppur er kalla þetta einkaframtak og ráða passalega lítt greinda til vera eigendur, og þá mun almenningur allur sem læra að hata einkafrantakið eins og pestina  og lofa Miðstýringuna sem greiðir allt niður sem hún skattlagt áður. Peningar eru  5. valdið.  Sauðirnir sækjast eftir áhrifavaldinu, enda er metnaðurinn ekki meiri. EU er hernaðstórveldi á pappírunum með varnarsókanar á kvæði. EU er stofnum með sjálfdæmi í skatta álagningu, og ákveður hámarksafla á öllu fiskum útahafanna, í nafni verndarsjónarmiða. Ísland hefur ekki ekki fengið að vita um lámarks Meðlima-skatta sem fylgja formlegri inngöngu inn í áhrifadeild EU.

[Sigurður Þórðarson, 8.7.2011 kl. 08:17]

Sæll Halldór og takk fyrir skemmtilegan pistil.

Það er öllum nauðsynlegt að eiga von. Meira að segja tálvon er betri en engin von. Sjálfur er ég ekki áhugamaður um breytingu á stjórnarskránni enda felldi hún ekki Ísland.  En gefum þessu séns. 

Sammála Eiríki í því að brjóstvitið öðru nafni heilbrigð skynsemi hefur látið í minni pokann fyrir  áliti sérfræðinga sem samkvæmt hinu kapítalíska lögmáli eru styrkt (keypt) af kostunaraðilum (sérhagsmunaaðilum).

Það er nóg af innantómum slagorðum um skjaldborg og norræna velferðarstjórn osf. 

Vantar ekki frjóa hugmyndavinnu um hvert við viljum stefna?

[Halldór Jónsson, 8.7.2011 kl. 15:21]

Sæll Sigurður, long time no see in Laugar, why?

Það er alltof mikið af þessum sérfræðilegu álitsgjöfum, alltof mikið af samráðshópum, vinnuhopum, nefndum og bulli. Það vantar einhvern Davíð til að afgreiða eitthvað með hraði þó eitthvað mislukkist gerir það ekkert til. Þ´ví eins og Hannes sagði: Ef skipið aðeins fer í för og fúnar ekki í naustum

[Halldór Jónsson, 8.7.2011 kl. 15:21]

Björn, Nojarinn er nú með kóng og samsuðustjórnir eins og við er það ekki ?

[Sigurður Þórðarson, 8.7.2011 kl. 19:01]

Ég  er ekki að forðast neinn, þvert á móti, tók bara upp á því að fara í Sundhöllina. Lífið er vani.

Hannes góður og sígildur. Já og Davíð blassaður, þó ég sé ekki sammála honum varðandi kvótann verð ég að segja að ólíkt fannst mér hann betri formaður, svo ekki sé talað um hvað hann var  þjóðlegri, en Þorsteinn Pálsson (í mínum munni er það hrós).   Hann hefði örugglega haft tíma og dug til að tala við kínverska forsætirráðherrann svo mikið er víst.