Varanlegir vegatollar í Vaðlaheiðargöngum?

kemur í hugann þegar þeir rífast Ögmundur og Kristján Möller um það hvort eigi að grafa Vaðlaheiðargöng samhliða Norfjarðargöngum.

 Vaðlaheiðargöng sem eiga að verða 7.4 km á lengd. Nú er loksins sagt að þessi göng eigi ekki verða fríkeypis fyrir alla sem vilja þau keyra eins og venjan hefur verið með göng úti á landi. Eitt er að grafa göng og annað að borga þau eins og Vestfjarðagöngin.

En er því að treysta að vegtollum verði ekki breytt við fyrstu hentugleika og dæmið flutt yfir á höfuðborgarsvæðið vegna sérstakra aðstæðna sem þá koma upp? Má minna á Straumsvíkurhliðið og brennuna þar.

Það er svo einfalt ef ekki er búið til sérstakt félag þar sem fjármagnseigendur stjórna ferðinni fremur en ríkið og þá þingmennirnir. það væri hægt að grafa göng víða um land ef þeirri stefnu væri fylgt að tryggja rekstrargrundvöllinn í sérstökum félögum fyrst áður en grafið er, sbr. Hvalfjarðargöngin.

En það er sjálfsagt til of mikil mælst þegar Austfjarðaliðið á í hlut að ákveða að borga Norfjarðargöng með vegatollum eins og Vaðlaheiðargöng og grafa þau þá bæði í einu.Hjáleiðir eru þó  fyrir hendi í báðum tilvikum alveg eins og í Hvalfirði.

Athugasemdir

[Þórhallur Birgir Jósepsson, 5.8.2011 kl. 13:07]

Væri ekki ráð að vega kostnað við ávinning af Vaðlaheiðargöngum?

Ávinningur er um 10 mínútur að jafnaði, 15-16 kílómetrar. 

[Halldór Jónsson, 5.8.2011 kl. 13:22]

Takk fyrir Þórhallur.

Er þetta ekki reikningsstykki fyrir byrjendur í pólitík? Fá út stórgróða. Og deila svo með pí til að fá út rauntöluna.

[Þórhallur Birgir Jósepsson, 5.8.2011 kl. 15:16]

Rúmlega milljarður fyrir hverja mínútu sem sparast í akstri (m.v. kostnað við Héðinsfjarðargöng kannski sirka 1,5 milljarðar).

Einfalt fyrir byrjendur í kjördæmapotspólitík að reikna þetta. Þeir læra þá í leiðinni að margfalda umferðina (ársdagsumferð, svo við höfum hugtökin á hreinu) með t.d. samanlögðum sætistölum frumefna í berginu, sleppa vaxtakostnaði o.s.frv. Sannkallaður "Masterclass" fyrir alla pólitíkusa, líka lengra komna.

Já, svo má ekki gleyma listinni að flækja málin eða fara að tala um annað þegar spurt er um fjármögnun.