Engar skattahækkanir, nei nei

er það sem fjölmiðlarnir ríkisreknu hafa um væntanleg fjárlög ríkisstjórnarinnar að segja.

Svona neðanmáls er greint frá því að AGS hafi mikinn áhuga á að það sé bara eitt virðisaukaþrep á Íslandi. Til þess að gera þeim til hæfis veltir ríkisstjórnin því fyrir sér hvernig 22 % flatur vaskur liti út í þeirra augum. Þetta er þá ekki hækkun heldur lækkun !  Fréttamennirnir láta alveg vera að skoða það að þetta þýðir 300 % hækkun á matarskattinum sem Þorsteinn Pálsson þá formaður Sjálfstæðisflokksins og núverandii trúboði Evrópusambandsins á vegum Baugsmiðla kom á fyrir margt löngu. Síðari ríkisstjórnir spiluðu skattinn svo niður í 7 % af augljósum ástæðum.  En Steingrímur ætlar með hann í 22 % Þetta er ekki nein hækkun sem skiptir máli að mati fjölmiðla sei sei nei.  Þetta er ekki skattahækkun segir Oddný G.Miklu fremur skattlækkun þar sem vaskurinn í efra þrepi lækkar ú 25.5 í 22 %!

Matarútgjöld eru líklega þriðjungur af öllum útgjöldum heimila og mun meira af útgjöldum fátæka fólksins. Þetta hækkar framfærslukostnaðinn um 3-5 % eða étur nærri upp umsömdu "kjarabæturnar"frá í vor. Þá þarf að gera nýja skrúfu til að fá þetta bætt. Osfrv., við kunnum öll framhaldið. Og öll verðtryggðu lán heimilanna hækka að sama skapi svo nóg verður fyrir hagsmunasamtök heimilanna að mótmæla.

Fjármálasnilld Steingríms er engu lík og framtíðarsýn norrænu velferðarríkisstjórnar Jóhönnu Sigurðardóttur örugglega það sem þjóðina hefur lengi vantað. Hækkun í  % x skattstofn þýðir hækkun tekna í þeirra höfði enda betri í  "coffee or tea and you and me" en Laffer-kúrfum.

Ég benti á Þráinn Bertelsson í pistli nýverið og spáði því að Kvikmyndaskólinn myndi fá allt sitt á fjárlögum. Ég virði Þráinn fyrir það að viðurkenna kinnroðalaust að hann beiti óhikað fjárkúgun í þágu listarinnar. Flestir aðrir stjórnmálamenn bregða á langar lygaræður við svipaðar aðstæður. Ekki Þráinn Bertelsson, það má hann eiga. En kann hann máltækið "divide et impera" til fulls?  Mun lengi  standa á  Guðmundi Steingríms til að svíkja nýja flokkinn sinn til að bjarga málum fyrir Steingrím og Jóhönnu og er kannski Siv kvenna vísust til að hjálpa honum byrjandanum?   Eða þá hvaða verð verður á Sigmundi Davíð þá stundina veit enginn fyrr en á reynir? Hann er nú einu sinni Guðfaðir stjórnarinnar sem hefur áberandi illa launað honum fyrir. 

Málunum verður reddað og allar skatthækkanir verða í höfn. Ríkisstjórnin er því hvergi á förum. Fjölmiðlarnir eru líka hennar megin og munar um minna. Skítt með þjóðina, hún er hvort sem er ömurleg og felldi Icesave fyrir öllu því gáfufólki sem ætlaði að hafa vit fyrir henni, ekki einu sinni heldur fjórum sinnum.

Skattahækkanir, nei nei nei!

Athugasemdir

[Kristján P. Gudmundsson, 11.8.2011 kl. 06:06]

Það er ef til vill ódýrara fyrir Steingrím og Jóhönnu að hafa Þráinn Bertilsson kátan, en að kaupa Guðmund og Siv sér til fylgilags ? Allavega er rétt mat þitt, Halldór, að slímseta stjórnarinnar heldur út kjörtímabilið.

Kveðja, KPG.