Óforritaður Árvakur

berst fyrir lífinu skv.fréttum. Góðu tíðindin eru að það örlar fyrir von um að þrengingum Morgunblaðsins sé að ljúka. Ekki er að efa að aðkoma Davíðs Oddssonar að blaðinu skipti sköpum. Undir síðasta ritstjóra og efnistökum stefndi blaðið lóðbeint á hausinn.Hver nennti að lesa endalausar endursagnir úr Fréttablaðinu upprunnar í kratisma Samfylkingarinnar? Og ritstjórinn þar áður var beggja handa járn í pólitík eins og elstu menn muna.

Undir stjórn Davíðs Oddssonar og fyrir störf frábærra blaðamanna er Morgunblaðið orðinn eini óforritaði fjölmiðill landsins. " Mogginn lýgur ekki " var sagt í gamla daga og nú vita landsmenn aftur hvar helst er að leita óvilhallra frétta.Enda er Davíð Oddsson sá maður sem mesta trausts nýtur af öllum íslenskum stjórnmálamönum, sbr. könnun mína hér til hliðar á síðunni.Og menn skulu muna að hann er ekki formaður Sjálfstæðisflokksins lengur og getur því talað frjálst um málefni hans eins og annarra flokka.

Morgunblaðið á undir högg að sækja á auglýsingamarkaði, þar sem voldugar viðskiptablakkir sniðganga það, Það eru því áskrifendurnir sem eru ennþá bakbein blaðsins. Og Netmiðillinn Mbl.is er líka ómetanlegur fyrir almenning hvort sem hann græðir eða ekki. Við frjálshyggjumenn þurfum að styrkja Morgunblaðið með áskrift okkar um þessar mundir, á meðan ritstjórnarstefnan er með núverandi hætti. Hugsið ykkur hvernig færi fyrir frjálsri hugsun í landinu ef Morgunblaðsins í núverandi mynd nyti ekki við gegn blekkingarstefnu stjórnvalda og embættakerfisins?

Ef okkur almenningi bærust aðeins forritaðar fréttir úr öllum hinum fjölmiðlunumá yrði leiðin upp úr öldudalnum lengri en hún væntalega verður fyrir fólk með óforritaðar fréttir og upplýsingar Morgunblaðsins.

Áfram Árvakur!

Athugasemdir

[Vilhjálmur Stefánsson, 1.9.2011 kl. 09:22]

Halldór Mogginn er okkar blað og góður Leiðari blaðsins nú til dags er flottur.Dagurinn hjá mér er ónýtur ef ég fæ ekki moggann.

[Rafn Haraldur Sigurðsson (IP-tala skráð) 1.9.2011 kl. 09:29]

Gleðilegt að Mogginn sé að rétta úr kútnum. Sem frjáls maður er munur að geta ráðið hvort blaðið kemur inn um lúguna en er ekki troðið upp á mann  eins og önnur Fréttablöð.

Mogginn ber af öðrum fjölmiðlum.

[Jón Ríkharðsson, 1.9.2011 kl. 10:24]

Vissulega ber að fagna því að mogginn sé að rétta úr kútnum, þetta er vandaðasti fjölmiðill landsins.

Til þess að þroska sjálfan mig, þá hef ég leitast við að kynnast mönnum sem eru gáfaðri en ég.

Eftir að hafa fengið að kynnast Styrmi Gunnarssyni og Mathíasi Johannessen og eiga við þá góð samtöl, þá undrast ég þetta hugtak "moggalygi".

Engum mönnum hef ég enn kynnst, sem borið hafa hag íslensku þjóðarinnar meira fyrir brjósti og skrifað fyrir hönd hennar hagsmuna á sama hátt og þessir heiðursmenn hafa gert.

Styrmir sagði mér einu sinni og brosti, að oft hefðu ýmsir málsmetandi menn innan Sjálfstæðisflokksins kallað hann sósíalista, því hann gekk ekki í takt við þeirra hugmyndir.

Þeir sem þekkja Styrmi vita að hann er engin sósíalisti, Matthías ekki heldur.

Davíð Oddsson er vitanlega öflugasti stjórnmálamaður samtímans og sá, sem hefur gert hvað mest fyrir íslenskt samfélag og hann stendur sig vel í ritstjórastólnum. 

Matthías sagði mér fyrir stuttu, að hann væri ánægður með moggann, honum finnst hann sannarlega á réttri leið og fáir hafa eins mikið vit á blaðamennsku og Matthías Johannessen. Ekki þarf að taka fram, að ég er sammála Matthíasi í þessu máli.

[Guðmundur Kristinn Þórðarson, 1.9.2011 kl. 12:07]

Mogginn er yfirburða dagblað,það er ömurlegt að sjá hvernig Hagar sniðganga blaðið í aulýsingum það er greinilegt að sömu stjórnendur eru hjá Högum í dag og fyrir hrun

[Halldór Jónsson, 1.9.2011 kl. 21:37]

Takk fyrir þetta allir saman. Ég bjóst við að kommatittirnir myndu láta í sér heyra en þeir bara seinþegja. Eru þeir að bila við það?