Rógsherferðin gegn Bjarna

Benediktssyni herðir ferðina. Nú hefur Capacent bæst í hópinn með því að gera skoðankönnun um hversu margir vilja fá Davíð aftur í formennsku í Sjálfstæðisflokknum.Auðvitað verður niðurstaðan notuð til að klekkja á Bjarna Benediktssyni. Það verðu galað :Bjarni nýtur ekki trausts, fólkið vill Davíð eða Hönnu Birnu !Bjarni verður felldur á landsfundi!

Þetta er svo greinilega maskínerað af hatursöflum Sjálfstæðisflokksins úr Samfylkingunni og Baugsmiðlunum, að það dylst engum sem vill sjá. Auðvitað liggur það fyrir, hér á síðunni til dæmis, að Davíð nýtur meira en þrefalds trausts á við nokkurn annan íslenskan stjórnmálamann. Þó hann sé hættur ! Það er því algerlega lúalegt af þessu Capavent fyrirtæki að láta nota sig til þess að rægja núverandi formann Sjálfstæðisflokksins með þesum hætti.

Af hverju spyr ekki Capacent líka um það hversu margir treysti Davíð Oddssyni betur en Jóhönnu eða Steingrími J.? Hvað þýddi niðurstaðan fyrir þau? Jú, fylgi við áframhaldandi forystu þeirra í sínum flokkum myndi snarminnka og er þó ekki beysið fyrir. Þetta verður túlkað með því að flokksfólkið þeirra vill ekki sjá þau ef kostur er að fá einhvern annan. Þau eru búin að vera, niður með þau!

Auðvitað væri Davíð aftur til forystu fyrir þjóðinni tíu sinnum betri kostur fyrir þjóðina en að hafa þau Jóhönnu og Steingrím áfram í Stjórnarráðinu.Það yrði örugglega niðurstaða samkvæmt könnunum Capacent. Eini gallinn við þetta er bara sá, að það eru ekki kosningar og Davíð hefur ekki boðið sig fram. Sem sagt tilgangslaus spurning en auðvitað hægt að nota niðurstöðuna í pólitískri refskák.

Gæti ekki þetta fyrirtæki ekki alveg eins spurt hvort menn vilji ekki fá Ólaf Thors eða Bjarna Benediktsson eldri aftur til valda? RÚV stóð sig að vonum vel í því kvöld, að fá einhvern mann til að ráðast á Bjarna Benediktsson eldri, sem var líka formaður Sjálfstæðisflokksins, og láta þennan einhvern í viðtali velta honum upp úr því að hann hafi beðið Bandaríkin um að eyðileggja Kiljan? Birta mynd af J.Edgar Hoover og Johnson til að sýna tengingu skuggabladrannna við Sjálfstæðisflokkinn.

Enn eitt sprekið í bálköst Bjarna Benediktssonar núverandi formanns Sjálfstæðisflokksins!

Af hverju spyr ekki Capacent um hvort landsmenn vlji ekki bara fá Jesús Krist í Stjórnarráðið frekar en heilaga Jóhönnu, Steingrím. Hafa kannski Davíð með? Hver skyldi verða númer eitt? Það væri ljótan ef Davíð yrði númer tvö?

Vinstri öflin tefla nú öllum rógi og undirferli fram til að reyna að draga úr vaxandi trausti fólks á Sjálfstæðisflokknum sem er komið yfir helming landsmanna undir formennsku Bjarna Benediktssonar núverandi fomanns. Þeir snúast til varnar með því að gripa til rógsins og villandi upplýsinga.

Er ekki rökréttur leikur þessa rottuhóps í stöðunni er að grafa undan formanni Sjálfstæðisflokksins með síbylju um hver eigi að taka við formennskunni af Bjarna á landsfundinum næsta?

Af hverju svörum við ekki Sjálfstæðismenn ekki sem um munar? Látum okkur það varða að Jóhanna ætlar að halda áfram í Samfylkingunni? Getum við ekki fundið nóg á hana? Eigum við ekki að finna kandídata á móti henni? Eða væri þetta okkur ekki sæmandi?

Af hverju stöndum við þá ekki upp og verjum flokkinn okkar og formann hans? Kommana og kratana varðar ekkert um innri mál Sjálfstæðisflokksins. Það er okkar flokksmanna að ráða fram úr þeim.

Sjálfstæðsimenn ! Tökum ekki meðvirkan þátt í þessari skipulögðu rógsherferð á hendur núverandi formanni Sjálfstæðisflokksins, Bjarna Benediktssyni.

Athugasemdir

[Björn Birgisson, 14.9.2011 kl. 21:06]

Veistu nokkuð hver bað Capacent að gera þessa könnun? Ertu ekki að fullyrða hér um of?

Kveðja, Björn

[Björn Birgisson, 14.9.2011 kl. 21:13]

Sjá þetta: "Eyjan hefur ekki staðfestar upplýsingar um það hverjir hafa keypt þjónustu Capacent til að spyrja um fylgi við Davíð Oddsson ásamt helstu núverandi foringjum flokksins, þótt ætla megi að það séu einstaklingar sem standa Davíð nærri.

Í kjölfar fréttarinnar um könnun stuðningsmanna Hönnu Birnu kölluðu ýmsir stuðningsmenn eftir því að gerð yrði könnun á stuðningi við Davíð, þar á meðal Styrmir Gunnarsson, fyrrverandi ritstjóri Morgunblaðsins, sem ritaði pistil um málið á Evrópuvaktina og sagði meðal annars:

„Stuðningur við Hönnu Birnu Kristjánsdóttur í umræddri skoðanakönnun kemur ekki á óvart. Í umræðum flokksmanna á milli á undanförnum mánuðum hafa tvö nöfn fyrst og fremst verið til urmæðu sem hugsanleg formannsefni auk Bjarna. Það eru Hanna Birna og Davíð Oddsson, en þeir eru býsna margir flokksmenn, sem kallað hafa eftir endurkomu hans."

[Halldór Jónsson, 14.9.2011 kl. 21:31]

Ekki batnar þér Björn minn. En Styrmir er ekki að segja annað en það sem maður heyrir á götunni og raunar segir sjálfur stundum: Bara að hann Davíð væri kominn aftur ungur og hress til að taka helvítin í bakaríið. En þú hlýtur að sjá það sjálfur að svona tal er útí bláinn. Davíð ungi kemur ekki aftur frekar en við sjálfir.

En stattu á götuhornum og gargaðu þetta, og þá segir einhver sem fer framhjá, "mikið er íhaldið óánægt með hann Bjarna, hann Björn Birgisson er ekki að draga úr því skal ég segja þér ". Og ein fjöður er orðin að fimm hænsnum áður en nokkur veit.

[Björn Birgisson, 14.9.2011 kl. 21:55]

Halldór minn! Mér batnar sjaldan eins og maðurinn sagði! Þú svarar ekki spurningu minni:

Veistu nokkuð hver bað Capacent að gera þessa könnun?

Þú gerir því skóna að hér samsæri, óvinafagnaður, á ferðinni. Hvað hefur þú fyrir þér í því?

Kveðja, Björn

[Halldór Jónsson, 14.9.2011 kl. 22:07]

Meðan Capacent gefur það eki upp þá álykta ég að þeir hafi alveg eins fundið það upp sjálfir

[Jón Ríkharðsson, 14.9.2011 kl. 22:18]

Því miður eru sjálfstæðismenn lélegir í að verja Sjálfstæðisflokkinn og okkar kjörnu fulltrúar handónýtir í því, þótt þeir standi sig vel á öðrum sviðum.

Bjarni Benediktsson er hvorki Davíð né Ólafur Thors og þaðan af síður nafni sinn eldri. En hann er heiðarlegur og hann hefur meiri kjark en margir aðrir, það ber að virða það við hann.

Það voru mistök hjá honum að samþykkja Icesave, en hann mætti á opinn fund í Valhöll og svaraði fyrir sig, hann flýr ekki af hólmi.

Hann stóð með sinni sannfæringu, það ber vott um karlmennsku og kjark.

Hanna Birna er góð sem leiðtogi í borgarmálunum og vissulega yrði hún líka góð sem formaður.

En við þurfum ekki á því að halda, að búa til deilur á landsfundi og valda sundrung út af formannsslag sem er óþarfur.

Við höfum góðan formann og eigum að styðja hann til góðra verka, en ekki, eins og þú segir réttilega Halldór, láta vinstri menn og andstæðinga okkar segja okkur hvaða formann við eigum að hafa.

Við eigum að ræða það okkar á milli og standa saman.

[Halldór Jónsson, 14.9.2011 kl. 22:24]

Yakk fyrir Jón Ríkharðsson,þetta tek ég undir. Landfundur ákveður hver verður formaður, ekki Bkörn Birgisson og hans nótar.

[Halldór Jónsson, 14.9.2011 kl. 22:24]

Björn Birgisson ætlaði ég að hafa það

[Björn Birgisson, 14.9.2011 kl. 23:00]

Það stefnir allt í að ég verði einmitt með eitt atkvæði á landsfundinum! Skil svo ekki þessa viðkvæmni í minn garð. Því má ég ekki tjá mig um þessu Capacent spurningu um Davíð? Hvað gefur þér rétt til að slengja þessu fram:

"Þetta er svo greinilega maskínerað af hatursöflum Sjálfstæðisflokksins úr Samfylkingunni og Baugsmiðlunum, að það dylst engum sem vill sjá."

Vertu málefnalegur Halldór minn!

Venlig hilsen, Björn

[Óskar Helgi Helgason (IP-tala skráð) 14.9.2011 kl. 23:20]

Heill og sæll Halldór; líka sem og, aðrir gestir, þínir !

Jón Ríkharðsson; fornvinur okkar Halldórs - beggja !

Hægan; hægan, hægan Jón minn. Nú; verð ég að leiðrétta þig, all snarlega, Sæfari góður.

''Heiðarleiki'' Bjarna hlandbleygju pjacks, úr Engey, er nú ekki meiri en það, að hvergi, hefir hann getið ferða / og eða; ferðar sinnar, austur til Makaó, á sínum tíma - hvað þá; um Vafninga flækjur sínar, svo ég viti til, Jón minn.

Markó Póló; hinn Ítalski vinur okkar, á öldinni 14., gaf okkur þó nákvæma leiðar lýsingu, jafnt; um Silkileiðina fornu - Kashgar borg; einhverja kunnustu verzlunarmiðstöð Austur- Asíu, á Miðöldum, auk undanfara - sem eftir mála, ferða sinna.

Þannig að; betur væri Markó Póló uppvakinn, ykkur Halldóri verkfræðingi til leiðsagnar - en að þið hélduð áfram, að binda trúss ykkar, við Engeyjar undrið, eða aðrar viðlíka topp fígúrur, í samtímanum,Jón minn; þér, að segja - og Halldóri, vitaskuld.

Með beztu kveðjum; sem æfinlegast, úr Árnesþingi /

Óskar Helgi Helgason    

[Halldór Jónsson, 14.9.2011 kl. 23:55]

Kynningin sem þú skrifar um sjálfan þig er svona Björn minn: Ísfirðingur, búsettur í Grindavík síðan 1975, óflokksbundinn alla tíð, en áhugasamur um þjóðmál, smærri sem stærri. Afrekaskráin mín í lífinu er vel varðveitt leyndarmál. Er þó tvöfaldur einherji, þrátt fyrir 18 í forgjöf! Ef mikið liggur við er síminn minn 692-8060.

Hvað kemur til að Grindvíkingar ætli að senda þig á Landsfund, óflokksbundinn manninn? Ertu á vegum einhvera annarra samtaka en Sjálfstæðisflokksins ?

Ég er ekki endilega búinn að gleyma þingflokknum og Icesave ef þú heldur það. En ber mér ekki skylda til að verja flokkinn og formann hans eins og öllum Sjálfstæðismönnum, milli landsfunda?

Ætli Óskar Helgi komi nokkuð á fundinn með þér Björn góður? Ég get ekki séð að Capacent sé að styðja hann Bjarna? Og sá sem ekki er með mér er á móti mér sagði Napóleon

[Björn Birgisson, 15.9.2011 kl. 00:02]

Er að hugleiða að ganga í D félagið í Grindavík, gegn því að mér verði tryggt sæti og atkvæði á flokksþinginu!

[Halldór Jónsson, 15.9.2011 kl. 09:19]

Ég er líka ákveðin í því að láta flokksmönnum í Samfylkingunni ekki eftir að velja sér forystumenn sjálft án þess að ég hafi áhrif. Til þess geng ég í flokkinn, borga árgjald og kýs. Flokksmönnum þar er ekki treystandi til að hafa vit til þess.Og ég er að hugsa um að gera sama við hina flokkana, sem alltaf mæta í prófkjör hjá mér og fella mína menn.

Er það á sömu forsendum sem Björn Birgisson gengur í D-félagið?

[Björn Birgisson, 15.9.2011 kl. 10:36]

Ertu ekki enn skráður í Framsókn?

[Halldór Jónsson, 15.9.2011 kl. 11:57]

Ómar hefur aldrei sent mér flokksskírteinið eða rukkunina. Það sýnir að þeir sem ekki geta rekið eigin flokk eiga ekkert með að vera að reka eitthvað fyrir aðra eins og bæjarfélög eða svoleiðis. Ég bíð eftir vígslunni.

[Björn Birgisson, 15.9.2011 kl. 12:53]

Góður!