Af hverju borðar fólkið ekki bara kökur

ef það á ekki brauð?

5.906 hafa flutt úr landi síðan Jóhanna Sigurðardóttir varð forsætisráðherra.4 menn á dag meðan Jóhanna túlkar hávaðann við Alþingishúsið sem mótmæli við stjórnarandstöðuna.Ein íbúð tæmist á hverjum degi.

Á AMX stendur: ..."Smáfuglarnir hafa í morgun rannsakað tölur Hagstofunnar um búferlaflutninga. Þar kemur fram að frá árinu 2008 hafi 5.906 Íslendingar flutt frá Íslandi umfram þá sem fluttu til landsins. Erlendir verkamenn eru ekki inni í þessum tölum þar sem aðeins er átt við þá sem skráðir eru íslenskir ríkisborgarar....

Tölurnar eru sláandi og til marks um algjört vonleysi þúsunda Íslendinga. Nær ótrúlegt er að síðustu fjögur árin hafi að jafnaði fjórir Íslendingar á dag ákveðið að flytjast búferlum frá Íslandi. Það merkir að fjórum fleiri Íslendingar á dag flytjast frá landinu en til þess. Það er heil fjölskylda á hverjum einasta degi!

Jóhanna Sigurðardóttir hefur hækkað alla skatta, hækkað gjöld, þanið út hið opinbera og ráðist gegn atvinnulífinu. Íslendingar flýja nú í þúsundavís.

Til að setja tölurnar í samhengi má hugsa sér að ein íbúð tæmist á degi hverjum og sú fjölskylda sem þar bjó sé nú flutt til útlanda og sest þar að. Þetta er veruleikinn undir vinstristjórn Jóhönnu Sigurðardóttur."

Smáfuglarnir velta því fyrir sér hvort Íslendingar sætti sig við þennan veruleika næstu 570 dagana fram að kosningum? Ef svo þá munu 2.280 Íslendingar - 4 á dag - flýja land til viðbótar. Hversu margir af þessu fólki eru læknar? Eða kennarar? Eða fólk sem þörf er á hér á Íslandi?

Smáfuglarnir ítreka töluna, 5.906 frá því að Jóhanna tók við völdum."

Bætum þessum tölum við skráð atvinnuleysi. Þá getum við farið að hlusta á Steingrím J Sigfússon tala um landrisið sem er alveg handan við hornið í samhengi.

Heilsugæslustofnanir um allt land eiga að skera niður hjá sér um 60-70 milljónir hver. Allstaðar er hörfað frá draumnum um norræna velferðarstjórn.

Alþingi ætlar á meðan þetta fer fram að fara að leika sér með að boða til þjóðaratkvæðis um tillögur Stjórnlagaráðs. Þór Saari virðist vera kominn í sandkassaleik niður við Austurvöll og nýstirnið Guðmundur Steingrímsson með honum.

Af hverju borðar fólkið ekki bara kökur ef það á ekki brauð?

Athugasemdir

[Gunnar Heiðarsson, 5.10.2011 kl. 05:17]

Steingrímur sér atvinnuleysið minnka og notast þá við tölur um þá sem eru á atvinnuleysisbótum. Hann gleymir þeim sem hafa flúið land, hann gleymir þeim sem eru fallnir af atvinnuleysisbótum og komnir á sveitina og hann gleimir þeim fjölda sem ekki eiga rétt á atvinnuleysisbótum vegna þess að þeir voru einyrkjar.

Þegar samnlagðar tölur allra þessara hópa eru skoðaðar kemur í ljós að raunverulegt atvinnuleysi er nærri 20.000 manns. Sú tala liggur mun nær þeirri tölu sem kemur í ljós þegar fækkun starfa er skoðuð. Það er eini raunverulegi mælikvarðinn.

[Rafn Haraldur Sigurðsson (IP-tala skráð) 5.10.2011 kl. 08:41]

Það er búið að banna það líka, heimilið verður að hafa eu stimpil til að leyfilegt sé að baka, annars bakarðu sjálfum þér bara vandræði

[Anna Sigríður Guðmundsdóttir, 5.10.2011 kl. 09:53]

Halldór. Ég get ekki annað en tekið undir þennan pistil þinn, því samviska mín og réttlætiskennd leyfir ekki annað.

Hér er góð vísa, samin af Bólu-Hjálmari. sem lýsir ástandinu á Íslandi í dag mjög vel:

Það er dauði og djöfuls nauð,

er dyggðum snauðir fantar,

safna auð með augun rauð,

en aðra brauðið vantar.

M.b.kv.

[Halldór Jónsson, 5.10.2011 kl. 15:12]

Anna Sigríður,

Já hann Bólu-Hjálmar hittir nalann á höfuðið. Allstaðar frá Wall Street til Vallarstrætis er verið að að mótmæla akkúrat þessu sama-græðgi peningavaldsins og óbilgirni sem er merkileg, því ef við settum þá í bann myndur þeir leysast upp í frumeindir sínar.

Rafn,

Mamma má víst baka áfram en ókeypis oní okkur án sekta frá ESB

Gunnar

Þú ert glöggur og greining þín er rétt sýnist mér, ég var sjálfur búinn að geyma einyrkjunum. Og gleymdi líka einyrkjanum sjálfum mér sem er kominn á aldur en get ekki lifað á ellistyrknum og verð því að vinna svo lengi sem ég andann dreg. Við erum fleiri sem ég þekki sem eru eins settir atvinnulega. Þessvegna viljum við koma ráðleysi Steingríms J. og skilningsleysi Jóhönnu frá völdum sem allra fyrst því útséð er að nokkuð muni breytast meðan þeu eru við völd.