Voru tengsl

milli átakanlegs viðtals við Guðrúnu Ebbu um brot föður hennar gagnvart henni og útkomu bókar hennar sem var samtímis sögð komin í sölu í Eymundsson? Ekki var tímasetning viðtalsins samhæft útkomu bókarinnar? Kom ekki fram að frú Guðrún Ebba hefði ekki fengið bætur eins og önnur fórnarlömb föður hennar? Geta peningar yfirleitt nokkru sinni bætt þjáningar fórnarlamba eins og til dæmis Breiðuvíkurdrengjanna? Eru peningar hið æðsta af öllum náðarmeðölum?

Ég var oft samtímis séra Ólafi biskupi í Sundlaugunum. Hann kom ágætlega fyrir og virtist hinn dagfarsprúðasti maður.Aldrei heyri maður neitt misjafnt um hann, hvorki tengt kvensemi né öðru. Og veit þó potturinn ýmislegt. Og svo komu þessar ásakanir allar og sundferðum hans fækkaði líklega.

Nú er þessi fyrrum sundfélagi látinn og getur engu svarað. Er ekki óvenjulegt að látnir menn fái slíkt fjölmiðlabað hafandi ekki verið fundnir sekir fyrir rétti svona eins og AlCapone og svipaðir kónar? Finnst engum leitt að horfa upp á slíka meðferð á látnum manni? Er nokkur réttarheld sönnun eða játning til um sekt sr. Ólafs? Aðeins orð á móti orðum? Liggur ekki sr. Ólafur óbættur og varnarlaus hjá garði? Úrskurðaður sekur en ekki heldur sannaður saklaus? Sterklega grunaður?

Nú er stöðugt verið að segja þvílíkar sögur af sr.Ólafi að einhver gæti spurt sig hvort slíkur brotamaður eigi skilið leg í vígðri mold? Hvort menn vilji helst grafa hann upp og husla utangarðs? það er eins og allir eigi að liggja yfir þessu máli og fordæma fjórum sinnum á dag í það minnsta? Rennur ekki mikið fé og orka um þjóðfélagið vegna þessa máls sem ekki nýtist til annars? Eða halda menn að fordæmið fæli aðra frá?

Vita venjuegir karlmenn og feður dætra, agndofa yfir svona frásögnum,í hvorn fótinn þeir eiga að stíga? Er óhætt fyrir feður dætra að knúsa þær og kjassa án þess að liggja undir grun þegar einn faðir er sagður svona innréttaður? Hvað með þig og mig?Væri slíkur maður með réttu ráði? Skilur svona maður, óbrjálaður að öðru leyti, trúaður maður með samvisku, alls ekki hvað hann var að gera við barn? Óttaðist hann ekki Guð sinn eða var hann trúlaus? Þekkja mörg okkar menn sem vilja börnum illt? Þekkir fólk nokkurn sem sé svona andsetinn að hugleiða eða gera svona nokkuð? Er ekki svona ólýsanlega hræðileg hegðun barnaníðinga óskiljanleg venjulegu fólki?

Byrjar svo ekki aftur krafan um afsögn núverandi biskups til þess að endurreisa kirkjuna? Setja lög og reglur? Hvernig á að bæta ímynd kirkjunnar ? Hver getur það nema hún sjálf? þarf hún að óttast þá vantrúuðu?

Hvert leiðir þetta allt saman? Lina fjölmiðlar sálarkvalir fórnarlamba? Verður einhver betri maður af því að lesa meira um mannlega harmleiki? Er ekki of seint að afstýra þeim? Tengjast peningar eðlilega við sálarkvalir?

Athugasemdir

[Valdimar Samúelsson, 10.10.2011 kl. 22:45]

Góð grein en spurningin hefir alltaf verið í mínum huga hversvegna kirkjunnar menn bentu ekki á lögregluna. Svona mál eru mál laganna en ekki kirkjunnar.

[Halldór Jónsson, 10.10.2011 kl. 23:46]

Valdimar,

Ég get ekki stýrt fortíðinni frekar en aðrir, þó svo ég vildi stundum að ég gæti það.

Þessi mál voru aldrei rannsökuð, bara áburðir og ásakanir, mótmæli og frávísanir. Hvað er með Gunnar í Krossinum? Fékk hann ekki líka svona áburði?Billy Graham sagði að snemma á ferli sínum hafi hann áttað sig á því að hann mætti aldrei vera einn með kvenmanni, hvorki i lyftu né annarsstaðar, hann yrði sífellt að hafa virni með sér í öllum samskiptum við fólkþ Þetta er sjálfsagt verðið sem menn borga fyrir að vera menn fjöldans,

[Kristján P. Gudmundsson, 11.10.2011 kl. 10:10]

Góður pistill, Halldór, og sömuleiðis athugasemdir. Gæti glórulaus feminismi verið undirrót þessarra "nornaveiða" í fjölmiðlum hér á landi ?

Með kveðju frá Fjallabyggð, KPG.

[Ómar Bjarki Smárason, 11.10.2011 kl. 23:07]

Góður pistill Halldór og það er frekar óheppilegt þegar ríkisfjölmiðill er notaður til að auglýsa útkomu bókar, þó svo að bókaútgáfa á Íslandi sé kannski arðvænlegur kostur svona yfirleitt, nema fyrir einstaka vinsælan höfund. En að blanda svona málum saman við hugsanlega gróðrastarfsemi er vissulega vafasamt.

Annars er stefna Kastljóssins orðin frekar undarleg og þar virðist nú til dags helst vera dregnar upp svartnættissögur af dekkstu hliðum mannlífsins. Kannski ekki akkúrat það sem þjóðin þarfnast helst núna.

Og það má spyrja sig, óháð sakleysi eða sekt, hvort það eigi að líðast að það sé hægt að ráðast með þeim hætti sem gert var að látnum persónum svo skömmu eftir andlátið a.m.k. Stenst þetta siðfræðiskoðun blaðamanna og landslög...?

[Kristján P. Gudmundsson, 14.10.2011 kl. 08:16]

Ómar Bjarki, athugasemd þín var sem töluð úr mínum munni !

Kveðja, KPG.