"Samskip voru færð úr félaginu"

stendur neðanmáls í frétt Morgunblaðsins um athafnir Ólafs Ólafssonar í Samskip, sem var þáttakandi í mestu fjárglæframálum sem upp hafa komið á Íslandi og þótt víðar væri leitað, m.a.eigandi stórkuldaskuldafélagsins Olíufélagsins hf síðar N1, þar sem hann yfirtók hluti annarra hluthafa nauðugra.

Í fréttinni segir m.a.:

"Arion banki eignaðist í gær þriðjung hlutafjár í HB Granda. Bréfin voru áður í eigu Kjalars, sem er að mestu í eigu Ólafs Ólafssonar sem kenndur er við Samskip.... Kjalar skuldaði bankanum 77 milljarða og gerði kröfu um uppgjör á gjaldmiðlaskiptasamningum á mun hærra gengi en bankinn sætti sig við. Málaferli hafa staðið yfir vegna þessa en í gær var fallið frá öllum málaferlum.....

Haraldur Eiðsson hjá samskiptasviði Arion banka segir að skuld Kjalars hafi numið 77 milljörðum, en hluturinn í HB Granda sé ekki svo verðmætur.... Kjalar framseldi Arion banka hlut sinn í HB Granda en miðað var við rúmlega 7,5 milljarða í því uppgjöri. Arion fékk einnig skuldabréf og reiðufé, um sex milljarða.....Kjalar hafði mikið umleikis um tíma. Meðal eigna fyrirtækisins voru Samskip sem voru færð úr félaginu 2009."

Þar hafið þið það. Blessaður öðlingurinn hann Ólafur, uppalningur Sverris Hermannssonar, heldur áfram að flytja okkur varninggn heim með Sverrisgáfunni Samskip í fullu samþykki Arion banka, sem verður að horfa á eftir einhverjum milljarðatugum af því að Ólafur "færði Samskip úr Kjalari 2009".

Hann var áður búinn að færa ýmislegt til og úr lagi í Kaupthing-banka með snillingunum Heiðari Má, nú stórfjárfestis í Luxemburg og Sigurði Einarssyni nú kaupsýslumaður í London, Al-Thani sheik, Tenghuiz og fleiri þekktum valmennum. Skyldi fyrningafresturinn vera akkúrat liðinn núna við þetta uppgjör við Aríon?

Ólafur Ólafsson þessi býr nú ríkmannlega í Sviss. Hann er sagður kaupa kröfur á íslensku bankana á einhver 3 %. Fékk Aríon eitthvað svoleiðis bréf í millgjöf? Því verður ekki svarað því að enginn spyr nema Guðmundur Franklín í grein sinni í Morgunblaðinu í dag. En íslensk yfirvöld hafa líklega annað við sinn tíma að gera en rekast í svona skíteríi..

Í Sviss háttar víst svo einkennilega til að útlendir sakamenn eru ekki færðir til síns heima þótt beðið sé um framsal.

Athugasemdir

[Kjartan Sigurgeirsson, 11.10.2011 kl. 15:20]

Það er í raun alveg með ólíkindum að bankarnir skuli vera að grugga þessar tæru tjarnir.  Af hverju í and......... hefur enginn manndóm í sér til að ná peningum af þessu liði upp í skuld þeirra við Íslenska þjóð.  Maður fær einkennilega tilfinningu í magann og alveg upp undir kok þegar maður les um þennan aumingjadóm.

[Ómar Bjarki Smárason, 11.10.2011 kl. 22:55]

Ég held, Halldór, að þú ættir að róa yfir til eyjunnar þarna fyrir sunnan þig og fá góð ráð hjá leiðtoganum aldna.... Þjóðin á þá peninga sem þessir aðilar "rændu" frá henni og eina ráðið til að ná þessu fé til baka er með uppreisn og þjóðnýtingu í framhaldinu.... þá getum við haldið haldið okkar verðtryggðu krónu og tekið svo upp dollara í alþjólegum viðskiptum, því Evrópsku bankarnir og Evran verða fallin þegar grös taka að grænka aftur í vor........