Welcome to Silfur Egils

að vanda til að mæra og tala fyrir Evrópusambandsaðild Íslands.

Egill sækir Sjálfstæðismenn í þennan þátt sinn, sem ég er mikið til hættur að nenna að horfa á, vegna einhæfninnar í því að halda því að fólki að verulegur aðildaráhugi sé meðal flokksmanna Sjálfstæðisflokksins. En þetta fólk er auðvitað til og ekki er að efa að það mun gera atlögu á landsfundi eins og síðast þegar þeir plöntuðu sér skipulega í alla umræðuhópa og sveigðu talið gjarnan þannig frá öðrum málum til Evrópumálsins.Þeir Evrópusinnar eru skipulagðir og þeir virtust þannig vera mun mun fjölmennari í byrjun síðasta landsfundar en síðar reyndist.

Þessi aðferð er enn í gangi og kratar og jafnvel kommar ganga vasklega fram íþví að koma því inn hjá fólki að til sé einhver sérstakur Evrópuarmur innan Sjálfstæðisflokksins sem sé leiddur af fólki eins og Þorsteini Pálssyni, Þorgerði Katrínu og Ragnheiði Ríkharðsdóttur. Þetta fólk hljóti að hafa fjöldann með sér og muni helst velta Bjarna Benediktssyni úr formannsstóli vegna djúpstæðs Evrópuklofnings í flokknum! Ekki er ég bær til þess að kveða endanlega uppúr með fjölda þessa fólks en "það kæmi mér á óvart" svo maður noti orðatiltæki Þorsteins í Silfrinu, ef veruleg tíðindi yrðu á landsfundi af þessum sökum einum. Andstaðan var svo afgerandi síðast þegar hugsanlega 95 % fundarmanna voru einhuga gegn aðildarviðræðum. Sjálfstæðisflokkurinn er þekktari fyrir annað að sveiflast eins og vindhani á burst. Enda eru önnur mál mun brýnni fyrir þjóðina en þetta mál og vonandi verður það ekki látið komast upp með að draga umræðurnar frá aðalatriðunum í innanlandsmálum. En það er hægt að stórskemma svona fund með skipulagðri þrákelkni og málþófi. Vonandi taka landsfundarfulltrúar á þessu máli í byrjun fundar og afgreiða það.

Vinstri elítan, þar sem Egill Helgason er ekki síðastur meðal jafningja, vinnur samt mikið starf við að ráða málum til lykta fyrir Sjálfstæðisflokkinn, bæði hvað varðar forystumál og flokksstefnu. Þeir reyna sem þeir geta að eyðileggja fyrir komandi landsfundi og stýra honum sér í hag.En það verður samt landsfundur sem hefur öll ráð í hendi sér og hann mun vonandi halda ró sinni. Og kvíða mega kommarnir meira fyrir því Að tala um Evrópusambandsmálið á sínum landsfundi í lok mánaðrins, þegar Hjörleifur er búinn að leggja fram knallharða tillögu fyrir Steingrím. Það verður fróðlegt að sjá hvernig VG bregst við að vera beðið um að standa á stefnumálum sínum.

Verði ég meðal landsfundarfulltrúa og verði að greiða atkvæðu um að hætta aðildarviðræðum, þá sé ég ekki ástæðu til annars en að vera samþykkur því. Mér finnst þetta svo mikil ókurteisi, sem við sýnum þessu ágæta fólki í ESB með svona umboðslausu falsi eins og að standa í aðildarviðræðum fyrir þjóð sem allir vita, líka viðsemjendurnir, að er ekki á því að ganga inn eins og mál standa nú. Alvöru viðræðunefnd finnst manni verði að hafa þjóðarvilja á bak við sig. Þau "kíkja í pakka" rök sem kratarnir, og jafnvel sumir velmeinandi Sjálfstæðimenn, halda að okkur standast bara ekki. Það er aðeins verið að kanna með hvaða hætti við treystum okkur til að samlagast Evrópusambandinu, þar sem 27 þjóðir hafa fyrir löngu komið sér saman um sameiginlega stjórnarskrá. Það er útilokað fyrir nokkurn mann hjá okkar smáþjóð að draga þá ályktun að slíkt sé mikilvægi Íslands að rófan muni sveifla hundinum og að þjóðarsannfæring okkar um þessar mundir trúi því. Ég held að þjóðin sé skynsamari en svo.

En "Welcome to Silfur Egils" og byggingar skýjaborga hins alþjóðlega kratisma.

Athugasemdir

[Elle_, 16.10.2011 kl. 15:59]

- - - Það verður fróðlegt að sjá hvernig VG bregst við að vera beðið um að standa á stefnumálum sínum.- - -

Steingrímur hefur eytt málinu og KOMIST UPP MEÐ að ræða það ekki.  Hví kemst hann upp með það?????  Völdin eru honum of dýrmæt að hann fari nú ekki sjálfviljugur að ræða það sem hann hefur stórsvikið.   

[Júlíus Björnsson, 16.10.2011 kl. 18:23]

Stjórnarskráin í EU tekur yfir hlutafallslega samanburðamælikvarða og tekjustöfnum fjármálauppbyggingar í Meðlimaríkjum, Árstekjur Meðlima Ríkis umfram gjöld[Meðlima skatta], fer í þeirra eigin fjármála[eignarmillifærslu: jöfnunar] geira.  Í samræmi við Alþjóðlegu gullnu höfuðbókunarreglurnar og skattakerfi í samræmi. Í Þýskalandi er hægt almennt 100 % að skila skatta uppgjörum 2 jan. janúar eftir uppgjör. Þar þurfa ekki einu sinni lítil eða millistór fyrirtæki að skila skattauppgjörum. Otto von Bismark var rökréttur að mínu mati. Þegar stöðugleiki ríkir græða almennt allir jafnt á tímabilum lengri en 60 mánuðir, þeir fáu sem eru undantekning hafa ekki áhrif á heildarmyndina.    Í vanþroskuðum ríkjum er það sértækar bókhaldshefðir og skattakerfi sem gera skattskil flókin. Sá ekki getur reiknað sinn skatt, á ekki að hafa rekstrarleyfi sem lögaðili. Sá sem ekki skilar hagnaði  í formi söluskatta, starfsmannaveltuskatta á ekki að hafa tækfæri rekstraleyfi inn á sameiginlegum neytendamörkuðum. Ef allir á sama markaði skila hlutfallslega jafnt [m.t.t. eðli rekstrar: rökrétt metið] til samtryggingargrunnsins þá sitja allir við sama borði og allur skattur verður táknrænn í framhaldi. Gæði skattsins skipta meira máli en tölugildis magnið.

Ruv minnir helst á TASS í gamladaga, og mætti leggja niður.