Þá er Hanna Birna komin

fram til að hleypa fjöri í Landsfund Sjálfstæðismanna. Nú hafa menn um nóg að tala í kaffistofunni og geta falið miðstjórn og þingflokknum framgang mála meðan þeir eru uppteknir. Kannski skiptir ekkert heldur svo miklu máli í þjóðfélaginu að það taki því að æsa sig yfir því. Látum okkur því líða í draumi og upphafningu um landsfundarsali, hver er með, hver er á móti...?    

Er Hanna Birna ekki örugglega á móti ESB? Er Hanna Birna með þessu eða á móti hinu?  Hvað segir hann Bjarni? Hvert er samband Hönnu Birnu við Jóhönnu Sig.? Ragnheiði Ríkharðs., Óllöfu Norðdahl. Hvar stendur hún í kvótamálunum?  Fylgist með næsta þætti í  foringjaleikriti Sjálfstæðisflokksins í boði S....

Þá er Hanna Birna er komin til að frelsa Sjálfstæðisflokkinn og allri óvissu eytt.  Hep hep.. !

Athugasemdir

[Sigurður Alfreð Herlufsen, 3.11.2011 kl. 20:07]

Hanna Birna minnir mig á mælsku Einars Olgeirssonar, en hún hefur meiri samvinnuvilja heldur en Einar, enda gjörólíkir tímar á milli þeirra.

Það verður erfitt fyrir landsfundarfulltrúa að velja milli Hönnu og Bjarna, en það mun kitla fulltrúana að verða fyrstir til að kjósa konu sem foringja - nýr foringi a la Thatcher !

Hanna Birna er kona sem sópar af, alveg sérstaklega fær og svo er hún líka aðlaðandi á fleiri vegu !

Eins og þú segir Halldór, þá verður meira fjör í stjórnmálunum eftir að þetta framboð kom fram.  

Þú ert einn landsfundarfulltrúa ef ég hef skilið það rétt. Þú þarft þess vegna að taka afstöðu, sem þú trúlega hefðir viljað komast hjá. Er það ekki rétt hjá mér?

[Vilhjálmur Eyþórsson, 3.11.2011 kl. 20:12]

Það voru Baugs- miðlarnir, Samfylkingin og VG, sem komu þessu framboði á koppinn. Hún er frambjóðandi þeirra, manneskjan, sem gekk í bandalag við Jón G. Narr. Hún blaðrar líka um e.k. „samræðustjórnmál“. Nei, þótt Bjarni hafi svikið í Icesave er hann miklu, miklu skárri kostur, fyrst Davíð fæst ekki.

[Gunnar Rögnvaldsson, 3.11.2011 kl. 20:46]

Halldór, hvað á ég að hugsa um Hönnu Birnu? Ég þekki hana ekki. Segðu mér það vinsamlegast. Hvað stendur hún fyrir?

[Ómar Bjarki Smárason, 3.11.2011 kl. 23:42]

Það sem þjóðin þarfnast er "pólitíksk jómfrú". Kannski hefur Sjálfstæðisflokkurinn loksing fengið tækifæri til að þóknast þjóðinni og þa er bara að bíða og sjá hvort Landsfundarfulltrúar taka afstöðu með þjóðinni eða "gömlu klíkunum"....?

[Sigurður Þórðarson, 4.11.2011 kl. 11:47]

Bjöggarnir stjórnuðu borginni aðalega í gegn um Steinunni Valdísi án þess að Gamli góði Villi tæki mikið eftir því.  Bjöggarnir vildu hvorki Gamla góða Villa né Óla F. Sá yngri af Bjöggunum, samdi beint við Gísla Martein en Kjartan Gunnarsson hélt alltaf góðu sambandi við Hönnu.  Hanna og Gísli felldu Gamla góða Villa en Hanna var klókari og naut dyggs stuðnings gömlu vinkonu sinnar og gondólaferðafélaga Svandísar Svavarsdóttur. Það voru ekki "stjórnarskipti" í borginni heldur bankahrunið forðaði þeim stöllum frá því að fremja umhverfisslys á Laugaveginum.  Af öðrum góðum vinkonum má nefna Ásdísi Höllu og Þorgerði Katrínu.  Í gær kom yfirlýsing frá henni um að hún vilji draga umsóknina um ESB aðild til baka og nota krónuna áfram.  Bjarni Ben er mikklu þekktari stærð.   

[Vilhjálmur Stefánsson, 4.11.2011 kl. 15:32]

Sigurður þórðarson..Bjarni Ben þekkir ekki munin á já og nei..

[Halldór Jónsson, 4.11.2011 kl. 17:25]

Já Sigurður Herlufsen, ég var nú  búinn að spekúlera í því hvaða áhrif þetta hefði á störin á landsfundinum, í ljósi þeirra mál sem uppi eru. Ég óttaðist að þetta dragi orku frá  því starfi. Annar vinur minn segir þetta nauðsynlegt til að sýna muninn á okkur og hinum, þar sem stalíniskt stjórnarfar ríkir ef þú horfir á fomannskjörin í VG  og Samfylkingunni.

Vilhjálmur, þú hefur margt til þíns máls að vanda. Gunnar Rögnvaldsson og Ómar Bjarki velta þessu líka fyrir sér. 

Hanna Birna er ekki pólitískt hrein mey. Við munum skilaboðin "til í allt án Villa" sem ekki er á hreinu hver sendi en allavega var ákveðinn hugur að baki. Hún er uppalningur Kjartans Gunnarssonar og hún retir ekki beinlínis af sér brandarana til dagligt brug. Hún hefur ekki getilð sér neins orðstírs í málefnum OR, hún hefur talað fyrir r samstarfi við Ganrrinn og Dag B. og verið í samvinnu við þá.Mun gún yfirfæra þetta á Jóhönnu og Steingrími? Um samband hennar við Svandísi Svavarsdóttur veit  ég ekki en vinur vina hennar vilja einhverjir áreiðanlega engir vera ef maður les ummæki Sigurðar Þórðarsonar.

Vilhjálmur virðist óaánægður með að Bjarni hefur skiipt um skoðun einhverntímann. Hann greiddi líka atkvæði með Icesave og hefur það á móti sér. Honum er velt uppúr Vafningsmálinu hversu oft sem hann hefur útskýrt það.

En Bjarni þá og Bjarni nú er ekki endilega sama tóbakið. Menn læra af mistökunum og tannaför okkar flokksmanna sem á honum eru herða hann og prýða. Hann hefur alla burði til að geta verið formaður ef hann hefur vit til að velja sér ráðgjafa og samstarfsmenn við hæfi. En það getum við ekki gert fyrir hann og hvort hann getur það sjálfur er spurning dagsins.

[Sigurður Þórðarson, 4.11.2011 kl. 20:33]

Ég átti um tíma samleið með Ólafi F; og kynntist því að menn urðu oft  góðir kunningjar og jafnvel vinir þvert á flokksbönd. Hanna Birna hefur örugglega lagt sig fram um að gera sitt besta en það hefur reynt meira á Bjarna sem mér finnst koma vel fyrir.  En ég þarf ekki að velja sem er eins gott því ég er ekki viss um hvað flokknum er fyrir bestu.