Frábær þáttur í RÚV

um Ingimar Eydal tónsnilling og fyrirmyndarmann sem lést 1993 langt fyrir aldur fram.

Ingimar Eydal var einstakur maður sem var í stöðugri framför í list sinni til æviloka. Hljómsveit hans hljómar í ljósvakanum enn eins og ekkert hafi í skorist og nýtur ávallt vinsælda.

Mjög gaman að sjá hvernig allt leit út á þessum dögum á Akureyri. Nú eru þessir tímar liðnir og allt orðið með öðrum brag.

Þessi þáttur var frábær að mínu mati og hefði mín vegna mátt vera miklu lengri.

Athugasemdir

[Ómar Bjarki Smárason, 6.11.2011 kl. 22:54]

Tek undir það að þátturinn var frábær um Ingimar og synd hvað jarðvist hans varð stutt. Þetta var frábær hljómsveit, skipuð frábæru fólki.

Þú hefur vonand sloppið við að hlusta á þátt þeirra Margrétar og Felix um miðjan daginn, þar sem ágætu lagi Oddgeirs Kristjánssonar var misþyrmt með frekar döprum flutningi.  

[Halldór Jónsson, 6.11.2011 kl. 23:02]

Já ég slapp við það. Það er frekar undantekning en regla að maður hrífist af dagskráratriðum í sjónvarpi yfirleitt.Þetta var eitt

[Helga Kristjánsdóttir, 6.11.2011 kl. 23:27]

  Ég notaði plúsinn,til að sjá og hlusta aftur,, svona örlítið meiri discant,,.

[Jón Atli Kristjánsson, 7.11.2011 kl. 09:49]

Sæll Halldór. Gaman að þú vekur máls á þessu. Ég er alinn upp á Akureyri og hef farið á mörg böllin, þar sem hljómsveit Ingimars spilaði. Það mátti segja að þessi hljómsveit væri ákveðin uppeldisstöð góðar hljómlistarmanna. Í henni byrjuðu sinn feril margir góðir listamenn. Þekki Ingimar og hans fólk, en æskuvinur minn Gunnar Eydal lögmaður er bróðir hans.

[Sigurður Alfreð Herlufsen, 7.11.2011 kl. 14:46]

Þátturinn vakti mikla hrifningu á mínu heimili. Mamma mín var í himinsælu, en hún býr í Danmörku og er hér aðeins á ferðalagi, orðin 94 ára.

Þessi þáttur var svo frábær og hitti í mark hjá okkur öllum.

[Halldór Jónsson, 7.11.2011 kl. 15:24]

Gaman að heyra Sigurður, Helga  og Jón Atli að þið eruð mér sammála um hvað þetta var skemmtilegur þáttur og vel gerður. Einn landsliðsmaður í fótboltanum sagði hinsvegar í Sundlaugunum;"Sástu Hemma?", hann var nú flottur fyrir 20 árum. Ég sagði að mér fyndist Hemmi flottur ennþá, ég hef hitt hann oft í Ameríku síðustu ár og hann er alltaf sami stuðpinninn þó bláedrú sé, þó ég sé það nú ekki alltaf í Vínlandinu sjálfu. En bæði Hemmi og Ómar voru frábærir.