Komið ykkur af stað!

Steingrímur J og Ögmundur ! Hættið þessu þrasi um arðsemi Vaðlaheiðarganganna. Þið kunnið hvorugur neitt í að reikna. Allt sem þið gerið í efnahagsmálum er vitleysa því þið eruð kommar sem getið aldrei neitt nema hækka skatta og vera á móti framkvæmdum af því að þær séu ekki tímabærar, eigi eftir að meta umhverfisáhrif til fulls, eitthvað hljóti að liggja að baki og bla,bla. Þið eruð þroskaheftir en þið getið reynt að gera gott úr því.

Þjóðin er desperat að fá vinnu og framkvæmdir af stað. Börnin eru að flýja land með foreldrum sínum. Landinu er að blæða út vegna þess hversu vitlausir þið eruð og blindir á raunverulegar afleiðingar vitleysunnar í ykkur. Þjóðin þarf helst að losna við ykkur sem fyrst og best væri ef þið færuð báðir til Noregs og væruð þar helst lengi. En meðan þið eruð þarna enn, reynið að gera eitthvað af því sem betri menn ráðleggja ykkur.

Byrjið á Vaðlaheiðargöngum strax. Eftir svona tuttugu ár verða munu allir minnast ykkar í bænum sínum þegar þeir þurfa ekki að keyra Víkurskarð. Þá man enginn eftir einhverjum arðsemisútreikningum sem hafi verið misvitlausir, hvað sem menn þá segja. Aðalatriðið þá er að göngin eru þarna. Ég man eftir að forfeður ykkar í kommeríiunu sögðu að það væri engin arðsemisglóra í Búrfellsvirkjun eða selja rafmagn til Straumsvíkur á þessu skítaverði. Það skiptir engu máli þó jafnvel þið teljið núna að þetta hafi betur verið gert en ógert. Þetta var geert sem betur fer.

Svo hættið að leika einhverja spekinga sem þið eruð ekki og verðið aldrei.
En þið getið byrjað á göngunum og það strax. Svo skuluð þið strax stofna félag um Seyðisfjarðargöng og láta byrja á þeim líka á sömu forsendum. Það er hægt að leigja sér verkfræðinga og hagfræðinga til að fá hvaða útkomu sem er ef ykkur líður eitthvað betur. En aðalatriðið er að mjaka sér úr sporunum og gera eitthvað. Reynið einu sinni að skilja þetta. Steingrímur, þú hlýtur að muna það frá æskudögum á Gunnarsstöðum hjá bróður þínum, hver er munur á kyrrstæðum vörubíl og vörubíl keyrandi með hlassi á. Reyndu greyið mitt að vera eins og maður einu sinni og taktu Ögga með þér.

Komið ykkur af stað!

Athugasemdir

[Ómar Bjarki Smárason, 8.11.2011 kl. 14:47]

Hressilegur pistill hjá þér, Halldór. Þú hefur greinilega fengið eitthvað kraftmikið, íslenskt, í hádeginu.....!

[Halldór Jónsson, 8.11.2011 kl. 21:32]

Takk fyrir þaðOmar Bjarki, maður er að gera tilraun til að vekja þessa leðtoga okkar með hótunum eða fortölum. En það er eins og þeir hvorki sjái né heyri. Þeir ættu að fá sér síld, hákal og rúgbrauð i hádeginu og eitthvað hæfilegt með. Þá myndu þeir fyllast bjartsýni og bora helvítis göngin strax.

[Ómar Bjarki Smárason, 8.11.2011 kl. 22:10]

Það gæti kannski þurft að auka á loftræstinguna í göngunum ef starfsmenn verktakans fengju þessar veitingar reglulega í hádeginu.

Það er mikil þörf fyrir þessi göng og gjaldið má ekki verða svo hátt að þau séu ekki notuð. Svo eru það göng milli Eskifjarðar og Norðfjarðar sem ráðast þarf í hið fyrsta ásamt göngum undir Fjarðarheiðina. Og svo finnst mér að það mætti gjarnan gera göng undir Berufjörðinn til að stytta hringveginn og bæta samgöngur á Austfjörðum. Það yrði mikil samgöngubót að þeim göngum, sérstaklega þegar fyrirtæki á Hornafirði eru farin að hasla sér völl á Breiðdalsvík. Reyndar hef ég lagt til að það verði komið á vinabæjarsambandi á milli Breiðdalsvíkur og Hornafjarðar, en það er önnur saga!

Kannski kemur aukinn kraftur í vegagerðina þegar farið verður að skattleggja steinolíuna...? Það munar um það ef flutingabílar eru farnir að drýgja eldsneytið mikið með ódýrri steinolíu....

[Jón Atli Kristjánsson, 8.11.2011 kl. 23:10]

Sæll félagi. Ekkert vol og múður á þínum bæ.  Borða góðan íslenskan mat og drífa sig að verki.  Ég dyrfðist um daginn að tala um pólitíska vegagerð og fékk skammir í hattinn. Tjáði mig um þessa dásamlegu arðsemisútreikninga sem notaðir eru í þesskonar vegagerð. Svoleiðis vefst ekki fyrir þér, fóstri, enda má segja að nú er nauðsyn. Ég verð þá bara að skammast mín, fá mér skóflu og byrja að grafa með þér.

[Sigríður Jósefsdóttir, 8.11.2011 kl. 23:47]

Mér finnst alveg lágmark að koma vegakerfinu á Vestfjörðum inn í 21. öldina áður en farið er að huga að lúxusframkvæmdum eins og Vaðlaheiðargöngum.

[Halldór Jónsson, 9.11.2011 kl. 07:50]

Sigríður mín,

Sjálfsagt að grafa göng hjá þér eins og ðrum ef þú bara vilt borga veggjald. Þið megið ekki vera svona heimtufrekir á Vestfjörðum að vilja ekki borga neitt eins og í Vestfjarðagöngin. Ef þið hefðuð borgað þar þá væri búið að grafa göng einhversttaðar annarsstaðar.

Jón Atli,

Arðsemisútreikningur sem er gerður í politískum tilgangi eins og í Hörpunni og sýna sig svo auðvitað að vera vitlausir, þeir eru bara lagaðir til eftirá og öllum er sama.