Þjóðnýtum bankana!

Íslands-og Arion-banka.

Það ber brýna nauðsyn til þess að taka til baka það fullveldisframsal sem Steingrímur J. Sigfússon framdi með því að afhenda "erlendum kröfuhöfum" þessa banka, Í hópi hluthafanna eru vogunarsjóðir og íslenskir útrásarvíkingar sem hafa keypt kröfur annarra á hrakvirði og hafa þau sjónarmið helst að blóðmjólka íslensk heimili og fyrirtæki.

Eigendur þessara banka hafa skiljanlega sáralitlar hugsjónir um að stunda hér bankastarfsemi eins og þjóðin þarfnast heldur að komast úr landi með eins mikið fé og þeir geta náð.

Alþingi þarf að taka hér myndarlega á málum. Þjóðin þarf bankakerfi sem ætlar að vera þáttakandi í uppbyggingu landsins en ekki erlend rukkunarfyrirtæki í þágu misjafnra sauða sem margir hverjir eiga óuppgerðar sakir við okkur sjálf.

Þjóðnýtum Íslands-og Aríon-banka!

Athugasemdir

[Eyjólfur Jónsson, 10.11.2011 kl. 18:58]

Sæll Halldór, satt er þetta og ég skal hjálpa þér að henda þeim út úr íslands og aríon banka, en en en það er ógerlegt í dag og verður þannig áfram. Samstaða er ekki til hér og verður ekki í náinni framtíð.