Hvað kostar Svíinn á Sólheimajökli?

þegar allar björgunarsveitir eru á fullu að leita hans? Hver borgar svona ævintýri útlendra ferðamanna?

Er það sjálfgefið að menn geti farið til fjalla og á jökla á eigin vegum eins útbúnir og þeim dettur í hug. Geti svo týnst á kostnað þjóðarinnar? Þarf ekki að kyrrsetja þennan Svía ef hann þá finnst eins og skipið Ölmu og krefjast björgunarlauna af sænska ríkinu sem á þennan skattþegn?

Er ekki góð byrjun að skylda alla fjallamenn að kaupa sér ELT-senditæki sem sýnir staðsetningu þeirra í neyð?

Jöklaráp er ekkert einkamál asna.

Athugasemdir

[Kristin stjórnmálasamtök, 10.11.2011 kl. 23:47]

Það er okkar að setja hér reglur um öryggi ferðamanna -- og hjálparsveitarmanna um leið, Halldór.

Nú verður umfram allt að leita að manninum og bjarga honum.

B. kv. --J.

[Helga Kristjánsdóttir, 11.11.2011 kl. 02:48]

 Ég er að bíða eftir góðum fréttum vonandi að hann finnist lifandi. Landsleikur Íslands í fótbolta hjálpaði til að gleyma þessu um stund. En ég er sammála þér Halldór,allt of margir fara í óbyggðir illa búnir,Íslendingar eru engin undantekning.

[Skarfurinn, 11.11.2011 kl. 16:37]

Að sjálfsögðu vonar maður það besta í þessu máli, en það er ekki nema sjálfsagt að maður bvelti fyrir sér kostnaði við slíka leit, um 300 manns á ótal farartækjum auk 1-2 þyrla, mér skilst að einn klukkutími þyrlu kosti um 400 þúsund krónur.

Þetta er á sama tíma og deildum sjúkrahúsa er lokað og meira að segja líknardeildum og ríkissjóður tómur segir SJS, spurning um í hvað aurar okkar fara og kannski þarf að fara að setja strangar reglur um að menn séu gangandi á jöklum í mörgum tilvikum þrátt fyrir aðvaranir og slæma veðurspá.

[Sigrún Jóna (IP-tala skráð) 11.11.2011 kl. 19:42]

Ómekkleg spurning núna.

Það eiga að vera reglur um ferðir á jökla eða hálendi, sérstaklega að vetri til. En þetta er ekki rétti tíminn að kasta fram svona spurningu.

Og allir sem fara á hálendið eða í jöklaferðir eiga að þurfa að kaupa sér tryggingu. það á við íslendinga jafnt sem útlendinga

[Ragnar Hilmarsson, 11.11.2011 kl. 20:37]

Frændi þú veist að svíar eru dýrmætir.

[Gunnar Th. Gunnarsson, 11.11.2011 kl. 22:45]

Sigrún Jóna, þetta er einmitt rétti tíminn. Þessi leit kostar tugi miljóna og það á að senda reikninginn til Svíþjóðar.

Ég held að vesalings maðurinn sé dáinn.

[Halldór Jónsson, 12.11.2011 kl. 23:21]

Ragnar frændi minn og þið raunar öll hin

Við erum öll dýrmæt. Sérhver mannslíf er fjárjóður."It is a helluva thing to kill a man" sagði Clint Eastwood í glutverki dráparans í myndinni " Unforgiven," " take away everything he has got and will ever have". Það er stundum hugsað of lítið um það í hverju lífið skilur sig frá dauðu efni.

Takk öll sem velta þessu fyrir sér. Clint líka sem gerði þessa hroðalega sterku mynd sem ég er bínn að sjá mörgum sinnum.