Guðlaugur Þór góður

á fjölmennum fundi í Kópavogi þar sem hann skýrði tillögur Framtíðarnefndar Sjálfstæðisflokksins. En þær tillögur hefur formaður Framtíðarnefndar Kristján Þór Júlíusson og margir góðir menn með honum unnið mikið starf og óeigingjarnt við að semja og kynna fyrir flokksmönnum um allt land. 

Þetta eru viðamestu skipulagsbreytingar sem nokkru sinni hafa verið settar fram fyrir Landsfund. Í stuttu máli miða þær allar að því að auka gagnsæi í flokksstarfinu og virkja fleira fólk til starfa en áður hefur verið. Dreifing ákvarðanatöku er aukin, embætti tveggja varaformanna er skilgreint og þeim settar starfsreglur og verkefni.  Kjöri til miðstjórnar er gjörbreytt og kjördæmisráð fá aukið vægi. Sumar tillögurnar voru taldar glannalegar eins og að opna fyrir setu á Landsfundi sem gæti leitt til innrásar þröngra hagsmunahópa og töldu menn að fara þyrfti gætilega í því. Meginstef er það að til þess að taka þátt í starfi flokksin verði menn að vera greiðandi félagsmenn og þar með alvöru félagar en ekki allskyns hlaupalið í prófkjörum flokksins.

Guðlaugur svaraði svo fyrirspurnum fundargesta og voru þær af ýmsum toga og hjó Guðlaugur hvert spjót af skafti sem á hann var skotið. Því aldrei er lognmolla eða hallelúja söngur á þessum fundum Sjálfstæðisflokksins í Kópavogi. Athygli  vakti þegar Guðlaugur skýrði frá athöfnum Árna Páls Árnasonar sem skærrar vonarstjörnu Framsóknarflokksins. En hann þáði þá sem Framsóknarmaður milljónatugi fyrir ráðgjöf til Valgerðar Sverrisdóttur iðnaðarráðherra sem Samfylkingin núna taldi höfuðsök í máli Páls Magnússonar til að geta ekki orðið forstöðumaður í Bankasýslu Ríkisins. 

Guðlaugur ræddi gengistryggðu lánin og benti á hvílik fjarstæða væri í því fólgin að þeir sem frömdu glæpinn, bankarnir sem veittu fjölskydlum og fyrirtækjum ólöglegu gengislánin, ættu núna að ákvarða refsinguna sem lántakendurnir ættu að hljóta samkvæmt hinum vitlausu lögum Árna Páls. Dómar Hæstaréttar væru skýrir þó ýmsir væru að reyna að skjóta sér undan þeim.

 Sturla Jónsson bílstjóri gerði harða hríð að Guðlaugi vegna þess hve lítið miðaði í lánaleiðréttingum og hampaði lærðum ritgerðum sem einhverjir góðir menn höfðu skrifað um málin og farið með niður á þing til að kynna málin.  En Guðlaugur skaut til baka og sagði ekki skrítið að þeir hefðu komið þangað því hann hefði fengið' þá til þess sjálfur að koma sem sýndi að það væri ómaklegt af Sturlu að ásaka sig um að gera ekkert í málum skuldara og heimila.  Benti hann líka á lánareiknir sinn á heimasíðu sinni til áréttingar um að hann væri virkilega að leggja sig fram í þessum málaflokki og bað Sturlu um að sjá sig um hönd.  Skipaðist Sturla allvel við þær upplýsingar Guðlaugs og tók hann í sátt, allavega í bili, því Sturla er sókndjarfur og vel lesinn.

Þessir laugardagsfundir Sjálfstæðismanna eru orðnir fastur liður í starfsemi flokksins og eru fjölsóttir. Flokkurinn er að ná til fólksins og þingmenn eins og Guðlaugur Þór leggja á sig erfiði til að vinna flokknum það gagn sem þeir  mega.

Sjálfstæðisflokkurinn er í mikilli sókn og félagar eru búnir að vinna þrekvirki í að hreinsa loftið og skýra fyrir fólki fyrir hvað hann stendur. En flokkurinn hefur aldrei þurft að breyta grundvallaratriðum í stefnu sinni frá stofnun sinni 1929. En fyrrihluti sjálfstæðisstefnunnar er  "að vinna í innanlandsmálum að víðsýnni og frjálslyndri umbótastefnu, á grundvelli einstaklingsfrelsis og atvinnufrelsis, með hagsmuni allra stétta fyrir augum." Seinni hlutinn felst í nafni flokksins. Þessi flokkur þolir samkeppni við hvern flokk eða flokksbrot sem er.

Guðlaugur Þór og allt okkar lið í Sjálfstæðisflokknum er tilbúið til baráttu fyrir betra Íslandi! Ekki veitir af.

 

Athugasemdir

[Ólafur Örn Jónsson, 12.11.2011 kl. 21:13]

Halldór hvorki Guðlaugur né Sjálfstæðisflokkurinn eru til í neitt fyrr en búið er að henda Kvótapúkanum út úr Valhöll. Sjálfstæðisflokkurinn á ekki að skríða fyrir sérhagsmuna hópum það fer honum ekki.

[Halldór Jónsson, 12.11.2011 kl. 21:54]

Þú skrifar mikið um kvótann. Fékkstu aldrei skipstjórakvóta sjálfur sem togaraskipstjóri?

Átri þú aldrei kvóta?

[Ómar Bjarki Smárason, 12.11.2011 kl. 23:24]

Það gæti orðið sterkari flokkur sem stígur fram að loknum Landsfundi með Hönnu Birnu og formann Framtíðarnefndar Kristján Þór Júlíusson í forystusveitinni..... Vonandi hefur Guðlaugur Þór vakið athygli fundarins á þessu, með beinum eða óbeinum hætti undir rós.....

[Ólafur Örn Jónsson, 13.11.2011 kl. 10:26]

Jú Halldór og meira en það "ég fór í fíflið Halldór Ásgrímsson og fékk þá breytiungu á lögunum í gegn að "ef skipstjóri ásamt meirihluti áhafnar færi milli skipa fengi hann að halda úthlutuðum kvóta.

Við á Snorra Sturlusyni höfðum verið meðal 3 aflahæstu skipa flotans frá 1979 og fengum stærsta kvóta sem úthlutaður var á skip. Við vorum búnir að ráða okkur á annað skip áður en þessi kvóta vitleysa kom til tals og heðfum orðið verklausir á því skipi en við hefðum ekki "okkar" aflaheimildir.

Á þessum tveim fundum sem ég átti með Halldóri spurði ég hann hvernig honum dytti í hug að láta kvótann fylgja skipunum en ekki skipstjórunum sem veiddu kvótann og kynnu til verka. 

"ÞÁ GANGIР ÞIÐ AFLASKIPSTJÓRARNIR KAUPUM OG SÖLUM" sem mátti alls ekki ske. 

Kvóti okkar áhafnarinnar á Viðey/Snorra Sturlusyni er nú inní Granda ásamt 926 tonna úthafskarfa kvóta sem ég náði síðasta árið áður en ég var rekinn frá fyrirtækinu fyrir skoðanir mínar á kvótanum. 

Staðreyndin er sú Halldór við sitjum uppi með ónýtt kerfi sem sett var á til að þóknast fáum SÍS frystihúsum sem voru nýbúin að endurskipuleggja sig fyrir Ameríku markað og gátu ekki sætt sig við að vinna í kerfi þar sem allir sátu við samaborð varðandi veiðar ú hinum ýmsu stofnum. Og núna enn þann dag í dag styður Sjálfstæðisflokkurinn af öllum flokkum þetta spillta framsóknar kerfi og svikamillu.

Einokun, mannréttindabrot og einstaklings kúgun eru stefnumál sjálfstæðisflokksins í stað frelsi einstaklingsins til athafna. 

[Halldór Jónsson, 13.11.2011 kl. 14:39]

Heyrðu Ólafur, ég er ekki að skilja hvort þú seldir kvótan þinn eða var honum stolið af þér?

[Halldór Jónsson, 13.11.2011 kl. 14:41]

Ég hélt að' Þorsteinn Vilhelmsson hefði sjálfur átt kvótann sem hann fékk svo borgaðan?