Nigel Farage

hrífur mig hreint út. Þetta ósvífna glæsimenni og ótrúlega mikli ræðumaður lætur engann ósnortinn. Hann er vissulega strigakjaftur en hann trúir því sem hann segir. Hann er einlægur þjóðernissinni og sem þingmaður á Evrópuþinginu stendur hann vörð um þjóðríkið og fólkið á móti kerfismennskunni og yfirþyrmandi völdum embættakurfanna í ESB, vanRompuey og Barrosso sem hann segir enga hafa kosið og enga geta sett af.Þessir menn hagi sér á gerræðislegan hátt við að keyra persónuleg hugðarefni sín í gegn á kostnað þjóðrikjanna. Og hann er með rök á bak við hverja upphrópun.

 

 

Ég naut þess að heyra hann taka hann Gordon Brown í gegn þarna á þinginu. Hann fletti ofan af þessum krata sem hefur ávallt sett hagsmuni ESB ofar breskum hagsmunum. Hann tók sem dæmi um heimsku Brown að hann seldi 400 tonn af gulli Breta á 265 follara únsuna við eitthvað tækifæri og tapaði þar fyrir hönd breska heimsveldisins 6 billjónum dollara á þessu eina asanastriki. Gordon Brown sat með fábjánaglott undir þrumuræðu Farage. Þessi lúði sem allir íslendingar eiga að minnast í bænum sínum fyrir hvernig hann fór með okkur sá erkiraftur.

 

 

Maður ber Farage í ræðustólnum ósjálfrátt saman við okkar heimaöldu þingmenn sem burðast við að lesa upp stílana sína á Aþingi Íslendinga. Það er helst að Steingrímur J. komist nálægt Farange að krafti og ofsa. Hinir tala eins og strengjabrúður flestir og auk þess illa læsir, stirðmæltir og vesælir sveitakurfar. Nema náttúrlega að Steingrímur er eins og hann er og á ekkert annað sameiginlegt með Farage en raddbeitinguna, handapatið og fylgnina. Steingrímur skilur hinsvegar áreiðanlega fæst af því sem Farange er að tala um svo við sleppum frekari samjöfnuði. En Farage er greinilega í pólitík af þvi hann hefur sannfæringu fyrir því sem hann er að tala um.

 

 

Hann er ekki strengjabrúða eða loddari heldur innblásinn maður með slifsi og flott í tauinu. berið hann saman við slifsislausu lúðana í Hreyfingunni eða Samfylkingunni til dæmis! Nigel Farage er ræðumaður sem menn sjá ekki daglega. Farið á www.youtube.com og leitið hann uppi. Það er þess virði. Svona menn vantar okkur í pólitíkina sem trúa því sem þeir eru að tala um og þora að segja það.

 

 

Nigel Farage er karl í krapinu.

Athugasemdir

[Sigurður Alfreð Herlufsen, 9.12.2011 kl. 00:34]

Ég tók þig á orðinu og skoðaði þennan Nigel sem tókst að heilla þig svo um munaði!

Ekki að undra, hann er sannarlega með munninn fyrir neðan nefið og notar hann ótæpilega. 

Svo hefur hann sterka rödd og að auki, eins og þú réttilega segir, þá meinar hann hvert orð sem frá honum kemur. Það er meira en maður fær að heyra oft á tíðum.

Allt of mikið af meiningarlitlu skrafi sem skilur ekkert eftir.

Versta er að ég er ekki nógu sleipur í enskunni til að njóta ræðumennskunnar til fullnustu.

[Jón Valur Jensson, 9.12.2011 kl. 00:49]

Já, Nigel Farage er gersamlega frábær, Halldór og Sigurður.

HÉR eru nokkur makalaus myndbönd með honum á YouTube.

[Halldór Jónsson, 9.12.2011 kl. 08:20]

Takk fyrir þetta báðir, við erum í hópi þeirra sem skilja innblásna menn sem meta ættjörð sína ofar öðrum löndum og ismum.

Sigurður, maður lærir ensku af því að hlusta oft á manninn flytja sömu ræðuna. Ég uppgötvaði mér til ánægju að ég skildi óvenju mikið í frönskunni hans vanRompuey , venjulega skil ég lítið nema þegar GiscardEstaing og Sarkozy tala skýrt. Ég ætla að spila ræðuna hans oftar.

Já Jón Valur, ég gleðst yfir orðum þínum. Þú ert í ætt við hans hugsjónaeld slíkur baráttumaður sem þú ert.

[Halldór Jónsson, 9.12.2011 kl. 08:21]

Takk fyrir linkinn, ég vona að Sigurður klikki á hann, þarna er úrval.

[Guðmundur Jónsson, 9.12.2011 kl. 09:45]

Það fer sjaldan samann afburða greind og góð ræðumennska en þegar við bætist þessi hugrekki, hreinskilni og sannfæring um góðan málstað sem hann virðis hafa til að bera getur maður ekki annað en hrifist.

Svo er hann líka höku jaxl

[Guðmundur Jónsson, 9.12.2011 kl. 10:28]

"Hörku Jaxl"

átti þetta að vera

[Gunnlaugur I., 9.12.2011 kl. 11:05]

Ég horfi alltaf þegar ég hef tök á á ræðusnillingin Nigel Farragh og vissulega er hann kjaftfor en hann er samt á sinn einstæða enska hátt ákaflega kurteis og háttvís.

En ég hef oft hlegið mig máttlausan þegar hann þrumar yfir þeim Van Roupey og Barrasso.

Sjá óttasvipinn og örvæntinguna sem skín úr andlitum þeirra og fylgisveinana. Þegar Nigel spyr; Hvað haldið þið eiginlega að þið séuð og hver kaus ykkur og hver vill ykkur, því segi ég enginn kaus ykkur og enginn vill hafa ykkur hér, burt með ykkur þið eruð hér með reknir !

Nigel og reyndar líka Bretinn David Hannan veita þessari samansúrruðu Valdalítu oft skemmtilegt aðhald.

[Sigurður Alfreð Herlufsen, 9.12.2011 kl. 12:00]

Takk fyrir þennan Link inn á Nigel Farage.

Hreint og klárt magnaður maður og þvílík mælska og málstaðurinn er samhljóma mínum !

Hitt er svo annað mál að það þurfti ekkert að kristna mig gagnvart Evrópusambandinu, því að þangað langar mig ekki inn, frekar en ykkur.

Hins vegar styrkir hann það álit okkar að betra sé að rækta sinn garð, án þess að múlbinda þjóðina í Brussel batteríið.

[Júlíus Björnsson, 9.12.2011 kl. 14:00]

Niegel er ekki uppskafningur og maður að mínu skapi.

[Jón Valur Jensson, 9.12.2011 kl. 14:59]

Sem sagt: hann er ekki uppskafningur; hann er maður að þínu skapi. Já, vitaskuld, Júlíus, auðvitað sér þú það.

Þakkirnar hér eiga að ganga beinustu leið til Nigels Farage. Þær verðskuldar hann svo sannarlega ótæpilega, Halldór minn.

Gætu menn ekki sæmt hann nýrri grasrótarorðu frjálshuga, evrópsks almennings?

[Gunnar Waage, 9.12.2011 kl. 16:10]

Maðurinn er stórkostlegur hreint út sagt.

[Halldór Jónsson, 9.12.2011 kl. 17:18]

Tók þig á orðinu Jón Valur, sendi þetta á síðuna hjá honum:

Dear Mr. Farange

I made a blog entry on you. The response is very favorable and you have evidently many fans her in Iceland in the circles of anti-EU people. They have requested to me that I forward their support and admiration for you.

My blog is : www.halldorjonsson.blog.is. if you care to bother.

Carry on your work and wonderful speeches giving them hell as Harry S.Truman might have said! I just savoured when you gave the ......d Gordon Brown a going over on the 400 tons gold sale. We here in Iceland have special feelings toward that man to say the least.

My poltical party in Iceland is Sjalfstaedisflokkur which translates directly as the Independence Party. We are in favor of freedom, independence from the EU and the likes, we are for free trade and enterprise and western civilization, we believe that every family should own its house and people should work hard towards their own fortune and happiness. I wish that you could visit Iceland and give a lecture, I am sure we would fill a 1000 seat hall because you may have more fans here than you realize.

Best Seasons greetings for you and your family. Merry Christmas.!

Halldor Jonsson

[Jón Valur Jensson, 9.12.2011 kl. 17:31]

Frábært hjá þér, Halldór! Þetta átti hann inni hjá okkur.

Einstakt væri að fá hann hingað, já, fyllum Háskólabíó!

[Óskar Arnórsson, 9.12.2011 kl. 18:42]

... það sem skilur Nigel Farage frá mörgum öðrum á þinginu er að hann er ekta. það er engin ósvífni eða leikaraskapur í honum. Hann er einn liprasti ræðumaður sem ég hef hlustað á sem er jafnframt jákvæður og sannur.

Endilega að benda fólki á að hlusta á hann ef þeir þurfa að læknast af ESB veikinni...

[Jón Valur Jensson, 9.12.2011 kl. 18:57]

.

They have suffered hugely in losses

of reputation, the bosses

of that monstrous 'Union'–––who told them

the truth, and who dared to scold them?

Yes, no one should really disparage

our friend, Mr Nigel Farage!

.

.

Eins má enda þetta svona:

So, no one should really disparage

our excellent friend Mr Farage !

.

[Jón Valur Jensson, 9.12.2011 kl. 18:59]

Þetta varð til í huga Íslendings á leið út í Bónus - áðan.

[Jón Valur Jensson, 9.12.2011 kl. 19:19]

Til hugleiðingar um ESB o.fl.

[Halldór Jónsson, 9.12.2011 kl. 22:31]

Jón Valur, Frábært ljóð. Ég held að seinna niðurlagið sé betur kveðið. En bæði gott.

Hann hefur linkinn á þessa síðu, kannski les hann ljóðið og þú verður frægt ljóðskáld in the Independence Party eins og Kipling til dæmis sem orti um orrustur á stórveldistíma Bretanna!

[Halldór Jónsson, 9.12.2011 kl. 22:33]

Þú ert ekkert smáveldi Jón Valur!. Ég vissi ekki að þú héldir úti svona glæsilegri erlendri síðu. Bravó fyrir þér.

[Halldór Jónsson, 9.12.2011 kl. 22:34]

Farið allir á þennan link:Til hugleiðingar um ESB o.fl. sem er í athugsemd Jóns Vals hér að ofan

[Sigurður Þórðarson, 9.12.2011 kl. 23:15]

Ég myndi gjarnan vilja að við hefðum fáeina Nigela á alþingi.  Íslendingum myndi vegna betur ef þeir kynnu að standa með sjálfum sér. Ég gef mig ekki út fyrir að vera talsmaður Jóns Bjarnasonar en býst við að margur kratinn (þeir fyrirfinnast í öllum flokkum) hefði lyppast í hnjáliðonum fyrir ESB varðandi hvalveiðar svo ekki sé talað um makríl. Nýleg ummæli dýralæknis þeirra framsóknarmanna eru einn ein sönnun þess, því miður.

[Sigurður Þórðarson, 9.12.2011 kl. 23:37]

Tók þig á orðinu og skoðani linkana hjá Jóni Val. Hann er afar glöggur og vandvirkur enda verður maður alltaf margs vísari við lestur pistlana hans.

[Júlíus Björnsson, 9.12.2011 kl. 23:53]

Falco er Latína sem víkingar töluð um VAL og áttvísi, völskur eru ekki svalar og þeira eðli mönnum ekki að skapi.

[Alfreð K, 10.12.2011 kl. 01:01]

Halldór,

gaman að sjá að þú ert búinn að uppgötva Nigel Farage á netinu.  Það er endalaust til af kallinum á YouTube, hér eru tveir littlir gullmolar:

http://www.youtube.com/watch?v=npU3g5YnD4A&feature=fvst

http://www.youtube.com/watch?v=058BBJ-HgLc  

[Alfreð K, 10.12.2011 kl. 01:06]

Gleymdi að virkja tenglana, prófa þetta aftur:

http://www.youtube.com/watch?v=npU3g5YnD4A&feature=fvst

http://www.youtube.com/watch?v=058BBJ-HgLc  

[Gunnar Waage, 10.12.2011 kl. 01:27]

 Svo er Hannan ekki heldur slæmur

Daniel Hannan MEP GORDON BROWN GO NOW PLEASE GORDON BROWN!

[Halldór Jónsson, 10.12.2011 kl. 09:22]

Já Gunnar Waage,

Hannan er helvíti góður líka. ég var búinn að hlusta á tenglana þína alfreð, Farage er óhræddur við að rifja upp fyrri syndir nomenklatúrunnar á þinginu og maður vex í aðdáuninni. Ég held að við eigum að hafa hliðsjón af og sækja okkur fyrirmyndir í erlenda stjórnmálamenn um það hvernig við berum okkur til. Þetta var sosum gert, einn var td. kallaður Gitler í gamla daga vegna aðdáunar sinnar á erlendum ræðuskörungi. En mér finnst að pólitíkusar verði að vera æfðir og geta komið fram skammlaust, rakarar og bakarar af götunni eins og stjórnlagaráðsfólkið og nýja framboðsfólkið virðist halda þurf að fá þjálfun í pólitík áður en þeir ryðjast fram og þykljast allt vita og öllu geta reddað.

[Jón Valur Jensson, 10.12.2011 kl. 12:43]

Kærar þakkir fyrir vinsamleg orð, kumpánar mínir!

[Anna Grétarsdóttir, 10.12.2011 kl. 13:32]

Ég sendi honum línu á Fésinu fyrir um ári síðan og bað hann að koma og taka yfir stjórn á klakanum okkar en fékk að sjálfsögðu aldrei svar ;Þ

[Anna Grétarsdóttir, 10.12.2011 kl. 13:51]

Annars gaman að sjá að fleiri eru að uppgötva þennann ræðusnilling :)