Dorrit !

áfram á Bessastöðum ef ég fæ að ráða.

Þessi  demantaprinsessa vann minn hug og hjarta þegar hún gekk óhrædd á móti Austurvallarindjánunum þegar öldurnar risu hvað hæst.  Þá sást sköllóttur skuggi skjótast að baki þingmannanna og koma sér í skjól inn um bakdyr Alþingis. Eru leiðtogar ekki greinilega annaðhvort fæddir þannig eða eru það ekki?. 

Í annað sinn gekk þessi kona hnarreist að mótmælendum og fór yfir girðinguna til múgsins án þess að skeyta hið minnsta um upphefð sína og tign, hvað þá öryggi lífs og lima.

Ég vil að þessi kona verði áfram húsfreyja á Bessastöðum. Hún gerði mig að stórasta Íslendingnum við þessi tækifæri.  Hún þarf auðvitað að hafa Ólaf Ragnar með sér til þess að þetta megi verða.

Að Dorrit fari á Bessastaði 2012 er minn pólitíski vilji um þessar mundir.

Þó það kosti það að margir þurfa að kjósa Ólaf Ragnar sem Forseta. Gleymum því ekki hvað hann gerði fyrir okkur í Icesave og stóð í fæturnar gegn Mökkurkálfum Alþingis.

Hann er líka maðurinn hennar Dorritar.

Athugasemdir

[Jón Magnússon, 17.12.2011 kl. 00:24]

Viltu meina að "Diamonds are forever."  Er nokkuð gullfiskaminni í gangi?

[Halldór Jónsson, 17.12.2011 kl. 09:08]

Jón minn góður,

Ég hét því þegar Ólafur Ragnar stóð með þjóðinni að veita honum ef hann þyrfti lítils við. Aldrei þessu vant ætla ég að standa í lappirnar og standa við pólitískt loforð mitt en ég er annars hverfull og óábyggilegur með gullfiskaminni. En þetta eru "diamonds forever!"

[Sigurður Alfreð Herlufsen, 17.12.2011 kl. 11:49]

Halldór, þú ert brautryðjandi. Tilbúin með rekurnar og kraftinn.

Ég er tilbúin að standa með þér og kjósa Dorrit, vegna þess hvað hún er sjálfstæð og sérstök. Jákvæð og alþýðleg. 

Hún hefur haft góð áhrif á sinn ektamann. Hann er nú sjálfstæðari en nokkru sinni áður og það í góðum skilningi.