Það stóð heima

að fram komu tillögur um bann við byssueign á Íslandi vegna atburðanna í Noregi á síðasta sumri.

Þá skirfaði ég svo:

27.7.2011 | 08:55

" Bönnum ,bönnum er lausn vinstrimennskunnar og ofstjórnarsinna við öllum vandamálum. Og leggjum á skatta til að aðfla fjár til að framfylgja bönnum.

Ég skrifaði fyrir nokkrum dögum svo:"...Er hægt að undirbúa varnir gegn svona með öðru en upphrópunum um bönn við byssum, bönn við áburði, bönn við andúð á Islam, bönn við því að vera á móti stjórnlausri fjölgun innflytjenda?... "

Það stendur ekki á því. Nú er Ögmundur farinn af stað með að endurskoða vopnalögin. Arnþrúður geysir sig á Útvarpi Sögu og hneykslast á lögreglunni að tala um að það sé auðvelt að búa til sprengjur úr áburði. Agalegt af löggumanni að tala svona segir hún. Og blessað fólkið hringir inn og óskapast yfir því að byssur séu ekki skráðar og gangi milli manna án þess að þær séu skráðar og bullar áfram um hluti sem það þekkir ekki.

Auðvitað er þessi umræða byggð á vanþekkingu. Byssur eru undir miklu og góðu eftirliti. Ef einhver gerist brotlegur með ólögleg vopn eða meðferð þá er það alvarlegt mál. Að halda það að að menn geti bara keypt sér áburðarpoka og búið til sprengju er bull. Það er getur enginn nema fleira komi til sem ekki liggur á lausu og Arnþrúður má alveg varpa öndinni léttara yfir því.

Það er nóg af hlutum í umhverfinu sem má nota sem vopn ef brotaviljinn er fyrir hendi. Skrúfjárn er til dæmis hættulegt vopn og maður hefur verið veginn með slíku verkfæri svo ég man til.

Mér finnst meira liggja á að við förum að horfa á okkur sjálf. Hvernig erum við?

Mér er sagt að það verði að fara heilar sveitir manna á göturnar í miðbænum til að hreinsa ruslið eftir skrílinn sem er blindfullur í miðbænum á nóttunni. Menn fleygja frá sér tyggigúmmí, brjóta flöskur ó götunni frekar en að láta þær í rusladall, henda sígarettustubbum frá sér, hegða sér eins og svín. Ætli þetta fólk hafi verð uppalið til að láta svona heima hjá sér? Af hverju eru veitingahúsin ekki gerð ábyrg fyrir þessum kostnaði borgarinnar sem af starfseminni hlýst? Af hverju hagar fólk sér illa? Eru heimilin ekki að standa sig, skólarnir ? Af hverju er ekki sekt við því að fleygja frá sér rusli á götuna? Og líka að selja mönnum eitthvað sem þeir verða vitlausir af ig verða að svínum?

Við leysum ekki skrílsmennskuna með bönnum. Vantar ekki heldur tilfinnanlega uppeldi og aga í þetta þjóðfélag ? "

Mér finnst ástæða til að endurtaka þetta í ljósi nýju frumvarpi til vopnalaga frá Ögmundi Innanríkis. Þetta frumvarp er áreðianlega ekki frá honum komið heldur henni frú Humpfrey sem er búin að starfa lengi í ráðuneytinu. Því maður þekkir sömu atriðin dúkka upp frá fyrri atrennum til þrenginga á skotvopnaeign heiðarlegs fólks sem miða að því einu að veita glæpamönnum og vélhjólagengjum einkaleyfi til að eiga byssur á Íslandi.

Svona er ég framsýnn! Þetta frumvarp kom fram eins og ég spáði strax eftir hina hörmulegu atburði í  Noregi á síðasta sumri.

. Það stendur heima að flest er fyrirsjáanlegt á Íslandi ofstjórnarinnar.

Athugasemdir

[Gunnar Heiðarsson, 30.1.2012 kl. 21:29]

Þeir sem ætla sér að nota skotvopn, eða önnur vopn, í glæpsamlegum hætti, sækja ekki um byssuleyfi, þeir sækja heldur ekki um leyfi til að kaupa skotvopn. Þeir einfaldlega útvega sér þau vopn sem þeir vija, sama hvað lög og regla segir.

Því koma þessi nýju lög um skotvopnaeign ekkert glæpamönnum við, þeir fara sínar eigin leiðir. Þau gera hins vegar þeim sem stunda skotveiði og skotæfingar mun verra að stunda sitt sport.

En það er með þetta eins og allt annað hjá þessari afturhaldsstjórn, ef hægt er að fina einhverja ástæðu til að banna eitthvað, er það gert!!

[Halldór Jónsson, 30.1.2012 kl. 22:15]

Mæltu manna heilastur Gunnar Hreiðarsson. Hvert orð semþú segir er rétt.

Þetta frumvarp er svo óttalega barnalegt og sveitamannslegt, eitthvað eins og það komi frá "konuíVesturbænum" sem jesúsar sig við tilhugsunina um að einhver vilji skjóta úr byssu, hvort sem það er í skotíþrótt í skotfélagi með hálfsjálvirkri skammbyssu, eða með stórum rifflum á löngu færi á siluhettur eða með fleirskota haglabyssuautomötum sem menn nota í alþjóðlegum leirdúfukeppnum.

Þetta fróma og saklausa fólk sem hefur áhyggjur af blaðlengd tygilhnífa þegar lengri hnífar eru til í hverju eldhúsi hinnar hagsýnu húsmóður sem kannski sker sig í puttana annanhvern dag á flugbeittum sagtgtenntum oddmjóum áttatommu hnífum, sem hvaða glæpamaður sem er væri auðvitað fullsæmdur af.

Bullið er svo mikið í kring um þetta og skammsýnin og fáfræðin sem birtist í svona ritgerðum úr ráðuneytunum eins og þetta frumvarp til vopnalaga er svo yfirþyrmandi og útúr samhengi við allt sem annarsstaðar gerist, að það er til að æra óstöðugan.

Af hverju bannar þetta fróma fólk ekki bíla sem eru stórhættulegir, bannar tóbak, áfengi, kynhvötina, sem allt er stórhættulegt í höndum illa siðaðs fólks?

[Helga Kristjánsdóttir, 31.1.2012 kl. 00:42]

Þau pöntuðu ráðherra bíla sína með skotheldu gleri,ég held að það hafi nu verið fyrirhyggja, Það er ekki pantað nema grunur sæki að fólki,erlendis er þett alltaf að gerast að ráðamönnum er ógnað.