Hver á að vera atvinnulaus?

lýðurinn í Kína eða við?

Svo segja fréttir:

"Atvinnuleysi mælist 8,1% í Bandaríkjunum í nýliðnum mánuði. ... Dræmar viðtökur við atvinnutölunum komu skýrast fram í gengislækkun á hlutabréfamarkaði vestanhafs við upphaf viðskipta.... Aldrei færri fyrirtæki stofnuð í Bandaríkjunum... Til samanburðar mældist hér á landi 7,1% atvinnuleysi í mars."

Hvað hefði atvinnuleysið verið hér ef Noregur hefði ekki tekið við öllum þessum æskublóma þessa lands sem flýr ríkisstjórn mestu vitleysinganna á Íslandi?

Bandaríkin eru að vakna til vitundar um það hversu vitlaust það er að skapa atvinnu í Kína og leggja niður störf í Bandaríkjunum. Sama vitlausa hugsun sendi smíðina á varðskipinu Þór til Chile og aðrar skipasmíðar úr landi. Enginn kann lengur að smíða skip hérlendis því gömlu smiðirinir eru flestir hagfræðilega dauðir úr elli. Það sem Bandaríkjamenn gera og hugsa kemur samt fyrr eða síðar hingað,hvort sem eru dellur eða dásemdir.

"Hagfræðingar eða vitleysingar" bera bara saman innkaupsverð en sjá ekki innlenda þáttinn í sköpun vörunnar. Skattana, börnin,afleidd störf,innlenda eyðslu. Sameinaðar í sömu persónunum er þessi stétt manna langt komin að eyðileggja ekki bara bakbein Íslands heldur líka Vesturlanda ásamt stjórnlausu innflæði óþjóða. Til þess eru þær studdar af heimskum stjórnmálamönnum sem trúa á vefara keisarans og dást að nýju klæðunum.

Stundum þurfa menn að velja hver eigi að vera atvinnulaus. Þeir eða þú?

Athugasemdir

[Sigurður Alfreð Herlufsen, 5.5.2012 kl. 17:37]

Þú hefur oft vel mælt Halldór!

Þegar verkefnin eru send út fyrir landsteinana þá fer um leið afleiddur hagur verkefnisins á sama stað.

Ég efast um að reiknimeistararnir hafi þær tölur alltaf með þegar þeir taka ákvörðun um hvar verkefninu skuli komið fyrir.

[Sigurður Alfreð Herlufsen, 5.5.2012 kl. 17:39]

Er ekki einmitt verið að vinna eftir hagfræði fjármagnsins með því að taka alltaf "lægsta" tilboði?

[Halldór Jónsson, 5.5.2012 kl. 18:55]

Netop Sigurður. Það er þetta "ískalda mat" sem stundum byrgir mönnum sýn.

[Hrannar Baldursson, 5.5.2012 kl. 20:17]

Ískalt mat gleymir oft að okkur líður best við 37 gráður.

[Ingibjörg Guðrún Magnúsdóttir, 5.5.2012 kl. 22:29]

Já auðvitað á að huga að þeim vinnuhring í hagfræðinni sem Þjóðin þarf til þess að samfélagið geti gengið. Ég segi að hvert ríki á að hafa sitt innbyggða vinnuöryggi fyrir þegnana sína svo samfélagið geti gengið allann hringinn.

[Hrólfur Þ Hraundal, 6.5.2012 kl. 00:26]

Auðvita eigum við að styðja við atvinnusvæðin í kringum okkur.  Gott atvinnu ástand á vesturlöndum er okkur styrkur.

En við þurfum að hafa meiri viðskipti í austur og vestur á meðan Evrópa er á þessu flippi sínu og þar er eingin þjóð undan skilin nema ef væru Rússar. 

Þeir eru lausir við ESB óværunna, en þeir sem ekki hreinsa af sér þann kláða sjálfir verða bara að hafa hann.

 

[Anna Sigríður Guðmundsdóttir, 6.5.2012 kl. 02:46]

Hrólfur orðaði staðreyndirnar mjög vel í athugasemd sinni. Það er ekki mögulegt að vera ósammála því sem hann segir hér.

M.b.kv.