Loksins maður með viti!

til að tala okkur út úr heljartaki kommúnistanna í ríkisstjórn og Seðlabanka, þessa lýðs sem ætlar að festa Íslendinga í kreppunni. Robert Wessmann segir svo:

..."að er hins vegar til önnur leið út úr þessum vanda. Sú leið myndi auka hagvöxt á Íslandi og fjölga atvinnutækifærum. Þessa leið mætti kalla „íslensku leiðina”, en með því að velja þá leið, þurfum við hvorki að reiða okkur á inngöngu í Evrópusambandið né taka upp erlendan gjaldmiðil. Ísland getur metið kosti og galla þess að ganga í Evrópusambandið í framhaldinu, óháð núverandi gjaldeyrisvanda landsins og þannig tekið upplýsta ákvörðun á eigin forsendum, án þess að vera stillt upp við vegg í efnahagslegu tilliti.

....Lausnin felst í því að ríkissjóður gefur út út langtíma skuldabréf í evrum eða bandaríkjadal til lengri tíma, t.d. til 20 til 30 ára á lágum vöxtum. Þessir vextir gætu verið fastir vextir, ef til vill 2,0% árlegir vextir. Til samanburðar fór ríkissjóður nýverið í skuldabréfaútgáfu í Bandaríkjunum þar sem vextir voru 6% á skuldabréfum til 10 ára. ( Innskot Þar er Már í Seðlabankanum að greiða með láninu milljarða í vöxtum þar sem það leggur peningana inn á 0,5 % erlendis)

Þeim sem eiga krónur á Íslandi væri gefinn kostur á að skipta á krónum og þessum bréfum með 40% afslætti. Þeir sem hinsvegar nýta sér ekki slíkt skiptitilboð verða fastir með krónueign sína á Íslandi þangað til búið er að greiða upp þessi skuldabréf. Á sama tíma myndi ríkið þrengja, og í reynd takmarka, alla þá fjárfestingakosti sem þessum krónueigendum stæðu til boða, sem skapar frekari vilja til að kaupa þessi erlendu skuldabréf ríkisins."

Róbert segir að miðað við þessar forsendur myndu erlendar skuldir ríkisins hækka um 600 milljarða. Hinsvegar megi reikna með að hægt sé að minnka gjaldeyrisvaraforða Seðlabanka Íslands um svipaða upphæð. Samhliða eignist ríkið um 1.000 milljarða í íslenskum krónum. Skuldastaða ríkissjóðs lækki því sem nemur 400 milljörðum íslenskra króna. Ríkið gæti því mögulega komið til móts við skuldsett heimili, en mjög hefur verið kallað eftir raunhæfum aðgerðum í þeim efnum. Áætlað er að að flöt 20% lækkun verðtryggðra lána hjá Íbúðalanasjóði myndi kosta ríkissjóð um 120 milljarða, svo dæmi sé tekið.

"Við slíkar aðgerðir mun allt efnahagsumhverfið á Íslandi breytast verulega. Ríkið myndi lækka gjaldeyrisforðann og greiða niður að hluta innlendra skulda. Á móti reiknast vextir af nýju erlendu skuldabréfi. Mjög gróflega áætlað gæti því ríkið sparað um 50 milljarða íslenskra króna á ári með þessum aðgerðum, einungis í vaxtagjöldum. Til samanburðar má geta að verðmæti þorskaflans uppúr sjó eru um 50 milljarðar íslenskra króna á ári. Er þá fjölmargt annað ótalið sem reikna mætti til ávinnings í beinhörðum peningum," segir Róbert ennfremur.

Ég er að vísu mjög ósammála því að reyna að svíða eigendur krónubréfanna með nokkru móti. Við eigum þvert á móti að sýna þeim fyllst vinsemd, bjóða þeim háa vexti til langs tíma bara af því að við getum ekki annað i augnablikinu sem við biðjum þá vinsamlega að skilja. Við þurfum á trausti umheimsins að halda og náum því ekki með því að bölva og sparka eins og naut í flagi eins og Jóhanna og Steingrímur.

Ef við sýnum þeim vinsemd þá verða þeir góðir við okkur. Maður nær nefnilega ekki ástum kvenna með því að byrja á því að lemja þær og hrekja. Það verða Íslendingar einhverntíman að skilja og fara að hegða sér eins og siðaðir menn sem beita ekki bara gjaldeyrishöftum og sértækri skattlagningu eins og núverandi stjórnarfífl okkar.

Allavega talar þarna loksins maður með viti í stað kommúnistabullsins sem flæðir frá ríkisstjórn og Seðlabanka. En þar verður að skipta um áhöfn hið fyrsta til að endurreisnin geti hafist.

Athugasemdir

[Björn Emilsson, 15.5.2012 kl. 23:45]

Gott og vel Halldór. En ég fæ með engu móti skilið afhverju ekki að stórauka fiskveiðarnar, amk uppí 500 þúsund tonn, eða jafnvel 1000.000 - Milljón tonn - og feta þar í fótspor ekki ómerkari þjóða en Noregs, Russlands og Bandaríkjanna. Þessi núverandi sparðatíningur 160.000 kvóti gefur í Landskassanum 40% af tekjum Ríkisjóðs. Eftir hverju eru menn að bíða? Að þorskurinn drepist úr hor, æti hverfi og fuglalífi stefnt í voða. Eða hvað? Það er fullkomlega tími til kominn að framkvæmdamenn fái frelsi til athafna.

NB. Það má líkja þessu við, að ef td Boeing verksmiðjurnar, sem eru með meir 1000 pantanir af flugtvélum, segðu.. nei við ætlum sko ekki að framleiða meir an 100 flugvélar, Afhverju? Ekkert svar. Svo má líkja fiskveiðunum á Islandi við bílaiðnaðinn í Bandaríkjunum. ´Það opinbera´ jós peningum í bílaverksmiðjurnar. Árangurinn lét ekki á sér standa. Ford Motor Company voru þeir einu sem þurfu ekki á aðstoð að halda. Af hverju, Nýi forstjórinn þeirra kom nefnilega frá Boeing.

[Halldór Jónsson, 16.5.2012 kl. 07:36]

Já segðu Björn

Hér veður allt í golþorski sem hafró hefur ekki hugmynd um hvaðan kemur. Þessi fiskur er á leið að tapast okkur.

Önnur aðferð til að laga ríkisfjármálin er að skattleggja inngreiðslurnar í lífeyrissj´´oðina og hætt að láta þessa spekinga vera að feilspekúlera og tapa þessum skattpeningum ríkisins. Reiknaðu staðgreiðslu af öllu tapi lífeyrissjóðanna og gáðu hvaða tölu þú færð út. berðu það sevo saman við fjárlagahallann og alla launaveltuna í landinu. Til hver erum við að láta þess þorgeira alla tapa peningum ríkissjóðs.