Ónýtt lífeyrissjóðakerfi

landsmanna er líklega mesta ógæfa Íslendinga og launþega frá upphafi.

Í stað þess að skattleggja inngreiðslur að fullu þegar greitt er í lífeyrissjóðinn er einhverjum handvöldum þorgeirum, finnbogum og víglundum falið að braska með peninga ríkisins. Ef þeir tapa svo sem þúsund milljörðum þá hafa þeir snuðað ríki og bæi um nærri helminginn. Hvað er það í mörg fjárlagagöt?

Og þetta heldur áfram. Af hverjum þúsund milljörðum í launaveltu taka þessir aðilar sjens á að tapa álíka upphæð. Nú hefur auðvitað margt tekist í varðveislu þessarra sjóða sem eru nú orðnir það digrir að kommúnistarnir eru farnir að leita leiða til að komast yfir þá í frelsunaráráttu og forsjárhyggju sovétsins.

Að öllu skoðuðu hallast ég að því að ég hefði heldur viljað eiga mínar ævigreiðslur í lífeyrissjóð á séreignarreikningi í Seðlabankanum og verið laus við skerðingarnar sem ég hef mátt þola vgena útlánatapa sjóðsins míns. Mér gæti auðveldlega reiknast til að minn lífeyrir væri helmingi hærri í dag ef svo hefði verið.

Hættum að láta þetta lið sem enginn hefur kosið vera að gambla með peninga sem þeir eiga ekki. Tökum skattinn af þeim strax í þessu ónýta lífeyrissjóðakerfi og minnkum áhættuna.

Athugasemdir

[Þórir Kjartansson, 16.5.2012 kl. 09:04]

Algerlega sammála Halldór.    -   Lífeyrissjóðakerfið, kvótakerfið og verðtryggingin, eru eins og Guð almáttugur hafi skapað þetta og þess vegna ósnertanlegt óumbreytanlegt og alfullkomið þó flestum sé ljóst að allt er þetta stórgallað.

[Anna Sigríður Guðmundsdóttir, 16.5.2012 kl. 14:13]

Halldór. Ég er innilega sammála þér. Lífeyrissjóða-kerfið er óverjandi rányrkja. Sumir fá ekkert af aurunum sínum, en aðrir fá óverjandi háar greiðslur.

Ekkert réttlæti í þessu bulli gamblaranna (áhættufíklanna). 

Þórir Kjartansson lýsir þessu rányrkjakerfi mjög vel, en því miður eru það einhver öfl, sem ekkert eiga sameiginlegt með almættinu góða, sem sköpuðu þetta ræningja-kerfi.

M.b.kv.

[Halldór Jónsson, 16.5.2012 kl. 17:50]

Þórir , já þetta er í sama flokki og Schengen. Það má ekki ræða Schengen af því að sjálfur Björn Bjarnason er með því og Halldór Ásgrímsson kom því á, að sögn af því hann var ekki alltaf lipur að draga upp passann sinn þegar hann kom úr flugvélunum. Þetta er tabú sem við höfum ekki vit á og eigum að þegja um.

Ég er feginn að þú ert sammála Anna Sigríður. Misskiptingin er hroðaleg. Sjáðu opinberu starfsmennina sem fá allt sitt á þurru með ríkisábyrgð meðan við erum fórnardýr þorgeiranna og víglundanna.

[Hrólfur Þ Hraundal, 16.5.2012 kl. 20:45]

1965 þá varð ég stofnfélagi í lífeyrissjóði og þá var okkur sagt að við ungu mennirnir fengjum sem svaraði meðaltalslaunum okkar þegar stafsæfi okkar lyki. 

Alla mína æfi hef ég unnið mikið og nú um daginn þá kom snepill frá umráða fólki þessa lífeyrissjóðs, þess efnis að  líklega fengi ég á bilinu 26000 til 31000. 

Ég er auðvita orðinn löggilt gamalmenni og að sjálfsögðu elli ær og á þar með ómögulegt að skilja þennan hátæknisnepil.   

Á öðrum stað stendur sameiginleg leið IV.  Hvernig er það, lærði þetta fólk hjá Rómverjum eða hefur það aldrei lært að skrifa tölur?  Og hvað þíðir aldur 85. Og hvað þíðir 70.577 og svo 58.911? Hvað þíðir 3.5% - 4.5%- 5%.

Ég ætlast ekki til að þú svarið þessu Halldór, en ég er að átta mig á því að í 47 ár þá hefur einhver verið að stela af mér.

         

[Halldór Jónsson, 16.5.2012 kl. 23:11]

Hrólfur

Mér var líka sagt að ég fengi miklu meira en ég svo fæ.

Þetta var allt lygi frá upphafi vega. Það þýðir ekki að reyna að skilja þetta myrkviði. það var nefnilega vitlaust gefið.