Fullir Alþingismenn

eru þeir í lagi?

Menn hafa iðullega orðið vitni að þingmenn eru góðglaðir í ræðustól Alþingis. Ekki veit ég hvernig á að taka á því. Þó var ég alinn upp við það og vandist við það á minni ævi, að menn ættu ekki að vera fullir í vinnunni og hef leitast við að fara eftir því sjálfur.

Ef flugstjóri er tekinn fullur á bíl þá er það ekki bara ökuskírteinismissir. Flugvélagið hans spyrs sig strax hvort maðurinn hafi áfengisvandamál sem verði að skoða. Hann er því oft grándaður til sama tíma. Því maður sem brýtur lög í þessu, hvað getur hann gert næst? Er ekki ástæða til að skoða málið.

Margir Alþingismenn hafa verið teknir fullir undir stýri og misst teinið. En þeir missa ekki þingmennskuna og geta haldið áfram að gera sig breiða. En er það í lagi? Er þingmönnum treystandi sem fylgja ekki lögum landsins að setja landsmönnum lög ? Af hverju eru þeir ekki reknir kauplausir af þingi meðan þeir eru próflausir? Af hverju kemur ekki varamaður inn á meðan hinn tekur út straffið?

Af hverju má þingmaður keyra fullur en ekki flugstjóri? Er þingmennskan svona ómerkilegt starf að það sé sam hvort þeir eru fullir eða ófullir? Eiga þeir ekki að blása áður en þeir fara inn í þingsal að valsa með fé landsmanna?

Ég veit ekkert hvort sumir þeirra batni nokkuð við að vera edrú. En því skyldu menn þurfa að geta sér til um fylleríisástandið á þingmönnum? Af hverju eiga Alþingsimenn ekki að vera edrú í vinnunni og virða lög landsins?

Það er svo annað mál að reglurnar um prómillin miðast við vitleysinga. Venjulegur maður getur alveg keyrt eitthvað fullur því hann vandar sig þá og er ábyrgðarfullur. En ósiðaður vitleysingur getur ekki keyrt, eiginlega hvorki fullur né ófullur því hann er ábyrgðarlaus ruddi og hættulegur sjálfum sér og öðrum.Það er nóg af svoleiðis liði í umferðinni. En prómillin verða að miðast við þá verstu alveg eins og venjulegur borgari fær ekki parkódín af því að róninn misnotar þær.

Í Ameríku liggur löggan ekki í leyni fyrir borgurunum til að þefa af þeim. Borgarinn er ábyrgur fyrir bíl sínum og bíllinn er framlenging af heimilinu sem friðhelgt. Löggan stoppar þig ekki ef ekkert er sýnilega að og maður brýtur ekki neitt af sér. En þín er áhættan ekki síðri en hér. Þeir eru ekkert lamb að leika sér við og þessvegna keyrir almennilegt fólk ekki fullt í Ameríku. Þeir beita stundum þeim aðferðum að parkera löggubílnum með fullum ljósum fyrir framan ballstaðinn svo allir sjá hann uppljómaðan. Það dugir fjandi mörgum bara að sjá þá.

Skríllinn í USA keyrir hinsvegar blindfullur á ótryggðum bílum og menn sem lenda í slysi af þeirra völdum fá engar bætur. Athæfi íslensku löggunnar er hinsvegar fáránlegt. Að liggja fyrir venjulegum borgurunm sem keyra eðlilega og með bílinn í lagi bara til þess að þefa af þeim og reyna að klekkja á þeim er fíflalegt. Svo láta þeir vitleysingana keyra um göturnar og grýta flöskum út um gluggana, brjóta allar reglur og berja þá meðborgara sem gera athugasemdir við framferðið.

Það er orðið svo dýrt að taka leigubíl að margir taka sjansinn sem ekki ættu að gera það. Hvernig væri að leyfa mönnum sem eru búnir að smakka það að setja grænt blikkljós á bíltoppinn og keyra heim í fyrsta gír á eigin ábyrgð að sjálfsögðu? Þá sjá allir að þeir eru fullir og passa sig á þeim.

Maður er tekinn fyrir að gleyma að gefa stefnuljós. Löggan kemur fram eins og maður sé glæpamaður. heimtar að maður blási í apparat, ellt grannskoðað og förin tafin í hálftíma í það minnsta við sllskyns skriftir. Af hverju líðst löggunum svona ómerkileg framkoma við borgarana?

Bullurnar vaða svo um og eira engu og það þýðir ekki að hringja á lögguna af því að það er enginn á vagt. Búið að skera allt niður af velferðarstjórninni.

Svo það er víst ekkert annað að gera en að allir séu edrú og þá Alþingismenn og lögreglumenn líka. So be it. En það er samt hrein fanatík í gangi þegar verið er að taka prófið af mönnum sem hafa ekki smakkað það síðan í gær og ruglast ekkert þannig á glasafjöldanum.

Athugasemdir

[Sigurgeir Jónsson, 11.6.2012 kl. 21:27]

Það á enginn að blogga undir áhrifum.Vinur er sá er til vamms, segir eða þannig.

[Halldór Jónsson, 11.6.2012 kl. 23:09]

Ef þú helsur að ég hafi verið fullur þegar ég skrifaði þetta þá get ég ekki hálpað þér. Édttannsjálfur

[Kristján B Kristinsson (IP-tala skráð) 12.6.2012 kl. 07:42]

Þingfólk og fólk sem starfar í æðstu embættum Ríkisins ætti alltaf skilyrðislaust að víkja úr starfi ef það verður uppvíst að hverskonar lagabroti, það ber vott um alvarlegan siðferðisbrest hjá slíkum einstaklingi að halda sig ekki réttu megin laga og reglna, og sérstaklega brotum eins og ölvunarakstri sem setur líf og limi borgaranna í hættu.

[Halldór Jónsson, 12.6.2012 kl. 08:44]

Kristján

það var eiginlega þetta sem ég var að fara. Hæstaréttardómara var brugðið um siðferðisbrest af því hann keypti of mikið ódýrt brennivín og þeir þingmenn ráku hann úr embætti. Lögreglumenn og dómarar hafa verið húkkaðir fullir og héldu áfram eins og ekkert hefði í skorist. En flugstjórinn er settur í land.

Áfengisnotkun er allmikil allstaðar af einhverjum ástæðum. Líklega finnst fólki þetta gott.Svo er einn aðili sem græðir á að selja það og hefur svo nautn af því að klekkja á þér fyrir viðskiptin. Ríkisvaldið.Tvískinnungurinn allsráðandi.

Mér fannst ástandið í áfengismálum hafa skánað hjá Íslendingum við bjórinn. En ég hef ekki tölur um slagsmál almennt. En kannski hafa menn orðið kaldari við að keyra eftir einn bjór sem maður lyktar líklega hvað mest af. Ég held að menn lykti jafnvel minna af hvítvíni.

Sjálfur nenni ég ekki að taka neitt nema gos í dúfnaveislum, ef ég er á bíl. Mér finnst ég bara ekkert verða skemmtilegri eftir einn svo ég sleppi því bara. Það er annað mál eftir þrjá. En þá er maður ekki á bíl ef manni þykir vænt um teinið sitt.

Áfengi er vandmeðfarið. Einn gamall vinur minn orðaði það svo: Einn er hæfilegt, tveir eru of mikið. Þrír,-- eru of lítið.