Kommarnir brjálaðir

yfir úrslitum kosninganna.

Sem dæmi eru skrif Björns Vals á Smugunni. Þar segir m.a.:

"Það er þrennt öðru fremur sem stendur upp úr eftir forsetakosningarnar í gær.
Í fyrsta lagi er það áhyggjuefni almennt séð hvað kjörsókn er lítil...."

Þetta get ég tekið undir. Það eru aðeins 36 % atkvæðisærra manna sem kýs Ólaf. Af hverju eru ekki hafðar tvær umferðir í þessum einu lýðræðislegu kosningum sem fram fara á landsvísu. Eða þá af hverju er bara ekki kosið eftir kjördæmum þar sem atkvæðin vigta eins og þau gera til Alþingis? Hvar er samhengið í lýðræðisást Björns?

Svo segir Björn:

..."Í öðru lagi hlýtur lítill stuðningur við sitjandi forseta að valda áhyggjum. Framboð hans nú var nokkurskonar tilraun hans til að bæta ímyndin sína og endurskrifa söguna sér í vil. Það tókst ekki. Helmingur þjóðarinnar er ósáttur við forseta sinn, vill hann frá. Það undirstrikar klofninginn meðal þjóðarinnar sem forsetinn sjálfur átti ekki svo lítinn þátt í að skapa í aðdraganda hrunsins. Tilraunin mistókst – skiljanlega...."

Sá er fúll mar...Þetta er eignlega glórulaust

......."Í þriðja lagi er það áhyggjuefni að upp úr þeim ósköpum sem dunið hafa yfir landið á undanförnum árum og sitjandi forseti átti drjúgan þátt í að skapa hafi ekki fundist nógu kraftmikill frambjóðandi til að fella þann sama forseta í kosningum. Enginn forseti hefur reynst eins mikill örlagavaldur í sögu lýðveldissögunnar og lagt jafn miklar byrðar á herðar þjóð sinni sem Ólafur Ragnar Grímsson hefur gert. Sagan mun skrifa sig sjálf hvað það varðar þó tilraunir verði gerða til að hagræða henni. Forsetinn hefur nánast boðað að hann muni afnema þingræði í landinu þegar honum sýnist svo. Hann hefur í aðdraganda kosninganna talað þannig um stjórnskipan landsins að rétt er að hafa verulegar áhyggjur af. Samt stígur enginn fram sem þjóðin getur gert að sameiningartákni sínu sem forseta landsins.
Hvernig ætli standi á þessu? "

Hvernig Björn getur fundið það út að Ólafur hafi lagt byrðar á þjóðina hafi hann ekki beinlínis verið ábyrgur fyrir falli Lehmans-bræðra, sem hleypti hruninu af stað, er manni ekki augljóst.

Þjóðin dansaði öll með í útrás bankanna. Það voru hinsvegar meðkommar Björns sem ætluðu að leggja drápsklyfjar á þjóðina, þeir Steingrímur J. og félagi Svavar, sem ætluðu að gera Icesave l samninginn. Og svo Alþingi með hjálp allra Sjálfstæðisþingmanna nema fjögurra sem ætluðu að gera Icesave lll með Birni Vali. Sá samningur væri núna búinn að safna á sig 60 milljörðum í vöxtum. Þetta stöðvaði þjóðin þar sem Ólafur gaf henni tækifæri. Ég get ekki kallað þetta klyfjar.

Birni Vali má virða það til vorkunnar að hann gat ekki fundið neinn þann komma meðal þjóðarinnar sem hefði geta fellt Ólaf fyrir hann. Að hann reyndi það ekki bara sjálfur liggur nokkuð í augum uppi eða hvað?

En það þýðir ekki að vera brjálaður núna eða hvað?

Athugasemdir

[Marteinn Sigurþór Arilíusson, 1.7.2012 kl. 10:17]

Ég held Halldór að Björn Valur ætti að hafa vit á því að halda kjafti.Ekki virðist hann hafa áhyggjur þó fylgi þess sem á að kallast ríkisstjórn nálgist 20% hratt.Nei annars það er fínt að Björn valur tjái sig því í hvert sinn sem hann opnar á sér trantinn tapar stjórnin fylgi.

[Halldór Jónsson, 1.7.2012 kl. 14:52]

Já Marteinn,

er ekki líka sagt að sá sem á slíka vini þurfi ekki óvini?

[Ómar Bjarki Smárason, 1.7.2012 kl. 17:31]

Það er sorglegt að þurfa að hlutsa á fulltrúa stjórnameirihlutans eftir þenna glæsilega varnarsigur ÓRG. Þau virðast ekki geta beygt sig undir vilja meirihluta kjósenda í neinum málum sem sýnir að það fer að verða mál til komið að gefa þeim frí.... og þá aðeins lengra en bara sumarfrí...!!!