Flokksráðsfundur VG

verður haldinn næstu helgi. Dagskrá fundarins verður með hæfilegum hætti eftir því sem hægt er vegna þeirrar stjórnlausu gleði sem ríkir meðal flokksmanna yfir vel unnum störfum ráðherra flokksins.

Dagskrá:

1. Formaður Steingrímur J. Sigfússon flytur ræðu um stjórnmálaviðhorfið og
skýra framtíðarsýn flokksins um þáttöku Íslands í alþjóðasamfélaginu.

2. Fundarmönnum gefst tækifæri á að flytja stuttar ræður að því tilskildu
að texti hafi verið sendur til flokksstjórnar 3 sólarhringum fyrir
fundinn.Athugið að aðeins er heimilt að flytja texta sem falla að stefnu
stjórnar á jákvæðan hátt. Svavar Gestsson mun stýra umræðum. Ekki er
ætlast til að neitt verði rætt af málefnum sem eru eldri en 14 daga.

3. Fyrrum flokksmenn Jón Bjarnason, Atli Gíslason, Lilja Mósesdóttir
Ásmundur Davíð verða hýdd á sviði öðrum til viðvörunar. Framkvæmdaaðili
Þráinn Bertelsson. Til greina kemur að hýða Ögmund Jónasson einnig öðrum
til vonar og vara og ö0ðrum til viðvörunar.

4. Hylling formanns og flokksstjórnar. Svandís Svavarsdóttir ræðir framkomnar
áskoranir um að Steingrímur J. Sigfússon verði kosninn formaður ævilangt.
Til greina kemur að hylla Steingrím til þessa ef nægileg stemning næst upp

5 Önnur mál eru engin.

6. Fundarslit. Formaður Steingrímur J. Sigfússon flytur hvatningarræðu.

Fundarmenn eru áminntir um að ræða ekkert sín á milli sem getur leitt til að spilla stemningunni sem er ákveðin jákvæð og rísandi. Í ljósi þessa verður ekki gefið kaffilhlé á fundunum. Fundarmenn mega ganga í fundarsal 5 mínútum fyrir setingu hans. Þeir eru áminntir að hafa hljóð á fundinum. Þeir skulu hafa yfirgefið fundarsalinn 5 mínútum eftir að formaður slítur fundi. Húsið skal yfirgefið þegar í stað og allar viðræður á göngumeða úti fyrir eru bannaðar.

Flokksráðsfundur VG verður haldinn um næstu helgi.

Athugasemdir

[Jóhann Kristinsson, 20.8.2012 kl. 17:10]

Er þetta satt Halldór?

Þetta minnir bara á hvering fundir og foringjar gamla Sovét kommunistaflokksins voru handlaðir.

Steingrímur Júdas Sigfússon með formannsstöðu ævilangt, vá.

Með kommisar Svavar Gestsoon sem fundarstjóra, þá ætti þetta að ganga vel og prúðmannlega fram.

Kveðja frá Las Vegas.

[Björn Emilsson, 20.8.2012 kl. 20:13]

Já, þetta verður stórkostlegur fundur. Þvílíkur heiður fyrir flokksmenn, að fá að vera í nálægð valdamesta manns Islands. Sést best á því, að hann virðir vanlíðan flokksmanna og kvenna að engu um kúvendingu á kenningum flokksins. Eða, þögn er sama og samþykki!! En annars Halldór, það væri ekki amalegt að fá aðgang að þessum fundi, sem verður sögulegur atburður lýðveldisins Islands. Steingrímur J er tvímælalaust framtíðarleiðtogi Íslands í Norður Kórenskurm stíl.

[Sólbjörg, 20.8.2012 kl. 22:53]

Halldór þú ert svo gjörsamlega með þetta að líklega verður ein breyting gerð á dagskrá flokksráðsfundsins. Lesið verður upp hve harða refsingu sá hlýtur sem lak út fundarskránni - þ.e.a.s þegar viðkomandi finnst.

[Helga Kristjánsdóttir, 20.8.2012 kl. 23:22]

Og svo; Allir haldi í sér og hneygi höfuð.

[Halldór Jónsson, 21.8.2012 kl. 08:38]

Takk fyri þetta öll sömul. Þið bíðið í ofvæni eins og ég.

Sólbjörg, ef ég verð ekki mættur þá veistu hvar ég er.