Smálán

er eitthvað sem Guðhræddir og góðir menn með svartar tungur á ÍNN, þeir Birkir Jón og Sigmundur Ernir vildu banna. Svona háa vexti á að banna með lögum sögðu þeir báðir.

Hversu háir eru háir vextir?

Gamli Sveinn sagði að vextir ættu að vera svo háir sem til væru fífl að borga. Eru ekki alltaf tveir í svona dæmi. Lánveitandi og lántakandi? Ef lántakinn þarf svona mikið á peningum að halda að hann er reiðubúinn að lofa að borga 600 % vesti þá er ástæða fyrir því hjá lánveitandanum að hafa vextina svona háa. Ætli það hafi ekki eitthvað með endurgreiðsluhlutfall að gera og tapsprósentu á því að lána til dæmis dópista fyrir fixi eða fyllibyttu fyrir afréttara? Hverjir aðrir þurfa hraðpeninga?

Trúir því einhver að það séu einstæðar mæður sem verði að taka þessi lán til að kaupa mjólk handa börnunum af því að vondu bankarnir vilji ekki lána þeim? Það verði að setja lög til að koma í veg fyrir þetta.

Hinsvegar eru lán á háum vöxtum til fólks sem ekki fær lán annrsstaðar allstaðar á vegum glæpasamtaka. Mafían er stærst í þessu bransa í USA. Þeir hafa sérstakar innheimtuaðferðir eins og hjá kapmanninum í Feneyjum.Borgað með holdi ef peningana vantar. Hefur einhver skoðað þá sem að baki þessara Hraðpeningafyrirtækja eru? Erlendis verða konur oft að borga með líkama sínum ef greiðslufall verður, karlmenn þurfa kannski að fremja glæpi til að borga. Hérna?

Hefur einhver spurt hvernig innheimtan gangi fyrir sig hjá þessum Hraðpeningafyrirtækjum? Ætli Jón stóri hafi eitthvað með það að gera úr því að bæði Annþór og Börkur eru uppteknir?

Banna þessi smálán með lögum?. Þetta er auðvitað bannað í Bandaríkjunum en viðgengst samt.Loansharking er tugthússök. Hvað er verið að rukka þegar menn eru barðir og keyrðir uppí sveit í bílskotti? Er ekki verið að innheimta lán?

Hvaðan koma þessir menn Birkir Jón og Sigmundur Ernir? Af hverju opna þeir ekki neyðarlínu á vegum sinna flokka til að lána fólki 100 þúsund kall á lægri vöxtum en 600%? Hvernig væri að þeir byrjuðu með 200 % ef menn gengju í flokkinn um leið og afhentu atkvæðið? Lifi samkeppninn segja þessir miklu markaðssinnar svo hinn daginn þegar þeir tala við Tryggva Þór.

Come on. Hversu vitlaus halda þeir að maður sé? Smálán?

Athugasemdir

[Gunnar Heiðarsson, 22.8.2012 kl. 07:03]

Um hvort banna eigi þessi lán má deila. Það þarf hins vegar ekki að deila um að þeir lánveitendur sem smálán stund eiga að hlýta sömu lögum og aðrir lánveitendur. Þar stendur í raun hnífurinn í kúnni.

Af einhverjum óskiljanlegum ástæðum þótt við hæfi, þegar lög um lánastarfsemi voru samin, að halda utan þeirra laga lánum sem væru skemmri en þrír mánuðir.

Um þá sem þessi lán taka þá er kannski dekksta dæmið þar sem unglingar og jafnvel börn geta tekið þessi lán. Það virðist ekkert vera skoðuð greiðslugeta þeirra sem lánin taka og þegar um börn er að ræða, þá lendir skuldin á foreldrum.

Hitt er svo annað mál, eins og þú bendir á, að neðanjarðarlánastarfsemi hefur um aldir verið stunduð og er Ísland ekkert unanskilið þeirri starfsemi. En þaða er sama hversu forhertur glæpamaður er, hann lánar ekki peninga á ofurvöxtum nema hafa einhverja von um endurheimtu, með einhverjum hætti. Ef ekki í peningum, þá með glæpatengdri vinnu.

Því er útilokað að börn geti fengið peninga frá slíkum mönnum, þó þau geti tekið upp símann sinn og sent eitt sms og fengið tugi eða hundruð þúsunda færða á reikning sinn. Þar er ekki spáð í endurgreiðslu, hvorki í peningum né vinnu.

[Sigurður Alfreð Herlufsen, 22.8.2012 kl. 11:05]

Það sem er nýtt við þetta lánafyrirbrigði er framgangsmátinn.

Nú er sett yfirbragð heiðarleika og eðlilegra sölustarfsemi yfir klassísk okurlán.

Það er auglýst með flottum hætti, en það er samt sjálfgefið að 99% lántakenda munu vera fólk í einhsverkonar vandræðum með sína tilveru.

Það freistast til að henda sér út í laugina þó þar séu eingöngu hákarlar á sveimi.

Hið versta við þetta allt saman er, að saklausir aðstandendur ólánsmanna verða að lokum fyrir afleiðingunum.

Með þetta í huga þá er full ástæða fyrir löggjafann að vera mjög vel á verði, því þarna eru mörg og stór vandamál í uppsiglingu.

[Jóhann Kristinsson, 22.8.2012 kl. 12:01]

Ættli verðtryggðu lánin sem Ríkið og Bankarnir eru með séu eitthvað betri. Ég veit til að 5 miljóna krónu lán sem var tekið hjá Ríkinu og hefur verið borgað af mánaðarlega í yfir 20 ár, er komið í yfir 7 miljónir.

Hver er verri glæponinn Ríkið og Bankarnir eða þessir smálána menn?

Kveðja frá Las Vegas.

[Sigurður Alfreð Herlufsen, 22.8.2012 kl. 17:45]

Jóhann, smáláninn eru verri og virðist vera fljótlegra að koma þeim í gröfina.

Hins vegar eru stökkbreytt lán skandall og á að leiðrétta hið snarasta.

Vonandi deila menn ekki um svo sjálfsagðan hlut.

[Þorgeir Ragnarsson, 23.8.2012 kl. 15:14]

Hvaðan hafa menn það að ef unglingar/börn fái smálán þá beri foreldrum að borga? Má vera að margir foreldrar kjósi þá röngu uppeldisaðferð að gera svo en varla er þeim það skylt.