Margar yfirlýsingar frekar en ræða

Gillards eða Howards , er fyrri bloggfærslan mín hér á undan samkvæmt þessu vefsetri:

http://www.snopes.com/politics/soapbox/australia.asp

Samkvæmt þessari vefsíðu virðast hafa verið teknar orðréttar yfirlýsingar ástralskra ráðamanna s.s.Costello ofl. í sambandi við hryðjuverk og þeim raðað saman og sagt að séu ræða eftir Rudd, Howard eða Gillard. Þetta er líklega samsuða úr yfirlýsingum ástralskra ráðamanna fremur en ræða einstakrar persónu.

Efnislega er þetta samt rétt eftir haft áströlskum ráðamönnum en bara fleiri en einum.

Gillard er hinsvegar glæsileg kona sem er á Twitter og Facebook og var að missa föður sinn. Það var reynt að ata hana auri vegna þess líka sem sýnir að að það er ekki síður óþverri í gangi í aströlskum stjórnmálum en hérna hinu megin. Það er allt í lagi að spila ræður hennar fyrir sig. Við fylgjumst almennt kannski of lítið með stjórnmálum í Ástralíu. Sem er skaði því við eigum stóran hóp Íslendinga þarna neðanundir sem fóru þangað í stóru kreppunni 1968 eða svo. Ég hugleiddi þá alvarlega að flytjast þangað sjálfur en brast kjark af einhverjum ástæðum.

Ég biðst afsökunar á lélegri sagnfræði minni. Í stað þess að fjarlægja færsluna og hylja þannig slóðina og skömmina læt ég hana standa sem áminningu til mín um að vanda mig betur. Maður má ekki grípa allt hrátt sem manni er sent þó frá vinum manns sé komið. Þeir sem ég treysti létu líka blekkjast.

En innihaldið stendur sem mjög samhliða mínum skoðunum og minna líka á því hvernig við verðum að vanda okkur í innflytjendamálum ef aðlögun þeirra að íslensku samfélagi á að takast.

Okkur ber skylda til að stuðla að samþættingu okkar innflytjenda til að stuðla að þeirra lífshamingju. Því ef þeir ekki finna sig hérna meðal okkar þá höfum við ekki gert þeim neinn greiða í því að taka við þeim. Og þjóðfélagið okkar má ekki við því að þeir bætist í hóp biturs fólks í vanda eða lendi utanveltu eins og margir innflytjendur í nágrannalöndunum. Nógir eru nú erfiðleikarnir hjá okkur fyrir.

Það er ekkert rúm fyrir fólk á Íslandi sme ætlar að lifa eftir öðrum lögum en íslenskum. Það getum við ekki liðið og verðum að uppræta slíkt með harðri hendi ef þörf krefur.

Athugasemdir

[Árni Gunnarsson, 2.10.2012 kl. 10:12]

Hér á Íslandi leyfist bara ein skoðun í þessu máli.

Reyndar ekki skoðun heldur eitthvað óljóst sem segir að svona eins og þú talar eigi ekki að tala.

Það hljóti að vera ljótt og særandi.

Og það byggist á "vöntun á yfirgripsmiklum vanþekkingarskorti."