Eldmessa Eiríks

Stefánssonar á Útvarpi Sögu sem ég datt inná í bílnum rétt áðan er umhugsunarefni. Örvænting stjórnlagaþingssinna er farin að taka á sig óþekktar myndir æsings og gargs.

Jón Magnússon er skotspónn Eiríks í Eldmessunni nú rétt áðan þar sem hann hamast að Jóni fyrir að vera Sjálfstæðismaður og í þeim spillingarflokki sem jafnvel Eirikur á ekki nógu mikið af lýsingarorðum til að lýsa vanþóknun sinni á. Svo kallar hann Jón vin sinn inná milli fúkyrðana. Maður segir nú við sjálfan sig að ekki væri gott að vera óvinur Eiríks Stefánssonar ef vinir hans fá svona gúmmoren.

Jón hefur á síðu sinni skrifað 3 greinar af yfirvegun og skynsamlegu viti um stjórnarskrármálið. Hann vitnar þar af þekkingu um hvað annarsstaðar hefur verið gert. Hann hefur einnig verið með þætti á þessu dæmalausa Útvarpi þar sem hann hefur komið inn á stjórnarskrármálið. Heyrst hefur að nú hafi útvarpsstjórinn rekið tappa í Jón og tilkynnt honum að þáttagerð hans sé lokið þar til eftir kosningarnar á laugardaginn. Ekki veit ég hvað satt er en hjónakornin á Sögu fara linnulausum hamförum á hverjum degi í þessu máli rikisstjórnarinnar og Sigmundar Davíðs. Þar verða menn eiginlega vitni að ástum samlyndra hjóna og hveernig þær geta orðið að samhljómi.

Og ekki finnst fólki nóg að gert með Jón Magnússon hæstaréttarlögmann. Það er fólk í herferð gegn honum sem persónu vegna þess að hann hefur sjálfstæða skoðun á stjórnarskrármálinu. Að hugsa sér að menn skuli skrifa svona um jafn mikinn ljúfling og hann Jón er:

"Það ætti að vera siðferðisleg skylda hvers manns á Íslandi að gefa Jóni Magnússyni svo kölluðum "lögmanni" utanundir þegar honum er mætt á götu. Það má furðu sæta að þessi vitfirringur skuli enn ganga laus á meðal fólks."

"Jòn Magnùsson er audvitad løggiltur f...... En thad er athyglisvert ad staksteinaòthverrinn skuli vitna ì hann med jàkvædum hætti? Thad segir nù eitthvad?"

"En því miður er það staðreynd að flest allir þeir lögmenn sem tjáð hafa sig um málið eru keyptar mellur LÍÚ og Sjálfstæðisflokksins."

Pétur Gunnlaugsson (sjálfur lögmaður og kollegi Jóns) er búinn að fara hamförum alla daga og tönnlast á ágæti tillagna stjórnlagaráðsins sem hann sat sjálfur í. Hann fær til sín jábræður í skoðunum til að vitna um ágæti skoðana sinna. Þorvaldur Gylfason stimplar hvern þann mann nærri galinn í ræðu og riti sem ekki vegsamar tillögurnar.

Það verður eiginlega fróðlegt að virða fyrir sér á sunnudaginn hvernig atkvæði hafa fallið. Mér finnst þó ekki að þessi málflutningur ofstækismanna sé að virka. Miklu fremur að andstaðan sé að harðna ef nokkuð er.

En hlustið endilega á eldklerkinn hann Eirík Stefánsson á Útvarpi Sögu. Það er ekki hægt annað en dást að tilbrigðunum sem hann hefur um stjórlagaráðskosninguna á laugardaginn kemur.

Athugasemdir

[Ómar Bjarki Smárason, 15.10.2012 kl. 20:52]

Er reyndar svo lánssamur að hafa ekki enn fundið Útvarp Sögu á neinu af mínum útvarpsviðtækjum. Hef einstöku sinnum álpast inn á skrifstofur manna sem hafa verið að hlusta á einhverja undarlega stöð þar sem stundum heyrist í skapstyggri nöldrandi konu og flýti mér þá yfirleitt bara út aftur.... En þú verður að fá þér nýjan bíl og betra útvarp, Halldór, ef bíllinn þinn hefur mengast af hljómum þessarar stövðar....!

[Anna Benkovic Mikaelsdóttir, 15.10.2012 kl. 22:44]

Ég náði útvarpi sögu fyrir 2 árum í nokkra mánuði, en skökkti oft, því Jón Valur Jensson var alltaf á línunni!

[Halldór Jónsson, 16.10.2012 kl. 07:30]

Jón Valur var nú hátíð miðað við marga aðrar stjórnlagaspekinga sem nú ber hæst. Ég held að Pétur hafi skrúfað fyrir hann út af einhverju. En Saga velur úr skoðanir sem henta málstaðnum hver sem hann nú er annar en að vera á móti sem flestu.

Oft undra mig líka grasalæknar sjálfmenntaðir sem vita uppá hár hvaða flókin efnasambönd stjórna hverju líffæri manna og selja þeir þau í röðum eftir ítarlega fyrirlestra um verkun hvers og eins og hversu algerlega lífsnauðsynlega þessar vörur þeirra séu.

Og allir sjórnmálafræðingarnir sem messa um vondar náttúrur Sjálfstæðisflokksins og ekki fer erkiklerkurinn Pétur lögfræðingur minnst í þekkingu á þeim flokki þó hann hafi aldrei séð hann né heyrt. að maður tali ekki um eldklerkinn Eirík.