Berlusconi í betrunarhúsið

fyrir skattsvik segja þeir.

Ætli ákæran á hendur honm sé ekki runnin undan rifjum álíka stórmenna eins og sendu Geir Harrde fyrir Landsdóm á Íslandi? Þeirra Steingríms J., Magnúsar Orra og hveð þeir allir hétu dánunennirnir. Fyrir upplognar sakir og ímyndaðar sem eru sjálfsagt alveg eins grundvallaðar á öfund yfir kvenhylli og ríkidæmi Sylvíos heldur en réttlætistilfinngu Peppone borgarstjóra.

Örflokkar hafa tröllriðið stjórnmálalífi Ítalíu árum saman eftir stríð. Sífelld stjórnarskipti og bull. Þessvegna hefur löngum lítið gengið hjá Ítölum þar sem ótal hendur skipta stundum á þinginu sem verður máttvana og maðksmogið af hrossakaupum og fríðindaverslun, þar sem þórar og guðmundar þjóta um vellina í von um bitlinga í skiptum fyrir fylgispekt.

Vonandi verður í nýrri stjórnarskrá Íslands þrengdir þeir kostir sem örflokkar hafa á því að komast á þing. Fjórflokkurinn er meira en nóg fyrir Íslendinga, fleiri sérvitringar í enn fleiri hópum hafa engu til leiðar komið nema veseni.

Færum þröskuldinn upp í 7-10 % fyrir framboð til að koma manni á þing. Lítum til Bandaríkjanna sem hefur gengið hvað best af því að þar eru flokkar fáir sem máli skipta. Ítalía eftirstríðsáranna er andstæðan í hina áttina. Ísland hefur stefnt á Ítalíuleiðina seinni árin.

Berlusconi er einn þeirra fáu sem hefur getað komið einhverju skikki á þessa blóðheitu þjóð. Hann á sér auðvitað marga öfundarmenn sakir kvennhylli sinnar og peninga sem sitja um hann. Vonandi fær Sylvío hrundið þessum ásökunum vegna Ítalíu sem varla hefur það betra með Berlusconi í betrunarhúsi heldur en í brjóstvörninni.

Athugasemdir

[Sigurður Kristján Hjaltested, 27.10.2012 kl. 20:33]

Eigum við ekki þá að ganga að því vísu, að þeir

sem hafa fjármagnið og fjölmiðlana í vasanum,

að þeir geti gert hvað sem þeim sýnist...???

Nei, Halldór, nú get ég ekki verið þér sammála.

Vegna þess,  að ef  það er afsökununin á því að

eiga nægja fjármuni, eða eignarhald í fjölmiðlum,

til að koma því á framfæri sem mönnum sýnsist,

þá er illa komið fyrir fólki almennt.

Skiptir ekki máli þá hvar það býr.

M.b.kv.

[Halldór Jónsson, 28.10.2012 kl. 09:22]

Á að útiloka Sylvio af þþví han er ríkur og kvennabósi? Eða spyrja að því hvað hann hefur lagt til málanna Ítalíu til framdráttar. Nú ert þú alltof fastur í kreddunni. Samfylkingin hefur RÚV til einkanota þó ég viti ekki um ástalífið þar innanborðs.