Það fjölgar stefnunum

stöðugt og þær færast ofar í aldurshópana sem ég ber út sagði vinur minn sem er stefnuvottur og ég spurði um hvernig gengi. Nú er verið að birta fólki sem alltaf hefur borgað en er núna bara búið með aurana sína. Þetta fólk hefur aldrei beðið um hjálp, bara borgað reikningana umyrðalaust. Nú getur það bara ekki borgað lengur og getur heldur ekki selt húsin sín.

Norræna velferðarstjórnin setti á auðlegðarskatt svonefndan. Hann átti að ná til eignamanna sérstaklega. Þeir sem hann hittir hinsvegar harðast eru eldri borgarar sem hafa nurlað sér saman skuldlausri fasteign, hugsanlega álíka stóru einbýlishúsi og Steingrímur býr í með dreifbýlisstyrk. Eignamennirnir eru flestir löngu flúnir með aurana sína. Gamla fólkið getur ekkert flúið. Verðtryggð lífeyrisréttindi Steingríms uppá hundruðir milljóna eru hinsvegar ekki talin auðlegð í skattalegumum skilningi. Af henni borgar hann sjálfur núll.

Slík fasteign er núna álitin auðlegð sem skal gerð upptæk ef ekki eru til aurar að borga með. Og allir vita hvernig Steingrímur og stjórnin hans hefur leikið ellilífeyrisþegana með nýjum frádráttum ellilífeyrisins. Þar verða ekki eftir aurar til að borga. Þetta er nefnilega ekki auðlegðarskattur heldur eignaupptökuskattur. Þennan skatt myndu Sjálfstæðismenn afnema daginn sem þeir fengju tækifæri.

Þannig færist vansæld borgarana ofar í aldurshópana við vaxandi skattfrekju þessarar óprúttnustu og skelfilegustu ríkisstjórnar lýðveldissögunnar.

Aldrei í lýðveldissögunni hafa jafn fáir skaðað jafnmarga jafnmikið og þau Steingrímur og Jóhanna.

Þessvegna fjölgar stefnunum stöðugt.

Athugasemdir

[Kolbrún Hilmars, 3.11.2012 kl. 13:35]

Það sem verst er að sennilega má ekki fella niður skatta afturvirkt frekar en að leggja þá á afturvirkt. 

Af hversu mörgum eldri borgurum verður þá búið að hirða húseignina með uppboði á "slikk"?  Víst er að ekki getur fólkið bjargað sér með því að selja sjálft á frjálsum markaði - sem varla nokkur er.

Ég sé fyrir mér að fjáðir geti auðgast enn frekar með því að stunda slík eignauppboð. 

Nema velferðarstjórnin hyggist stofna sérstakt Fasteignafélag Skattsins?

[Ragnar L Benediktsson, 4.11.2012 kl. 09:00]

Þið félagarnir treystir því að gamlafólkið sem á ekki lengur aur, sé búið að gleyma því af hverju àstandið er eins og það er í dag. Auðvitað er það helvítinu honum Steingrími að kenna. Hrunið er örugglega honum að kenna líka. Ekki komu þeir félagarnir Dabbi og Dóri nærri því ó seiair nei

[Halldór Jónsson, 4.11.2012 kl. 09:47]

Kolbrún,þín framtíðarsýn er því miður ekki óraunhæf. Hún getur ræzt og er líklegri sem þetta lið er lengur við völd.

Ekki batnar þér kommeríið Ragnar minn gamli vinur. Berðu saman ástandið núna og áratugi Dabba. Ég held að EES hafi valdið miklu um hvernig fór, við misstum tökin á bankaglæpamönnunum og hinum sem spiluðu með þeim. Þeir sleppa líklega allir en þú vilt bara hengja Dabba og Dóra fyrir eitthvað sem þeir gerðu ekki og líka fyrir það sem þeir gerðu í byrjun og vatt svo uppá sig. Ég var aldrei með því að selja undan þér Símann til dæmis og heldur ekki bankana þar sem ég tresyti aldrei kaupendunum. En svona fór þetta. Núverandi stjórnarfar er svo bara plága sem gengur yfir eins og hver önnur skítalykt. Þetta lagast samt líklega ekki almenilega fyrr en við erum báðir dauðir Ragnar minn.