Nú stend ég með Birni Vali

þegar fólk er að ráðast á hann fyrir að nota niðrandi orð um forsetann. Ekki hneykslar þessi kjaftur á sjóaranum Birni Vali mig. Þvert á móti stend ég með honum þó að mér kannski finnist ekki borga sig að nota svona kjaft yfirleitt.

"Þingmaður VG: "Forsetabjáninn" nýtur stuðnings og aðdáunar Sjálfstæðisflokksins."

Þessu er slegið upp á Pressunni sem einhverju hræðilegu. "Mæjestetsfornærmelse" eins og langafi Jón Ólafsson var flæmdur úr landi fyrir á þarliðinni öld?

Óli Forseti hegðar sér rammpólitískt með skoðanir á öllu mögulegu þegar honum passar. Þá má hann sannarlega fá á snúðinn eins og aðrir. Það er innifalið í ráðningarskilmála Bandaríkjaforseta að þegnarnir mega segja hvað eina um hann án þess að hann megi bera hönd fyrir höfuð sér."Goes with the job" segja Kanar. Manni getur blöskrað hvernig pakkið getur talað stundum um forsetann sinn.

Er Óli Forseti eitthvað heilagur nema kannski skynheilagur? Er hann eitthvað merkilegri en Bjössi? Þó að ég sé ekki allur Sjálfstæðisflokkurinn, styð ég ekki bara Björn Val í þessu máli þó aðdáunin liggi milli hluta?

Athugasemdir

[Sigurður Þórðarson, 5.1.2013 kl. 18:47]

Einmitt, forsetinn er sttjórnmálamaður en ekki heilög kýr.  Af hverju má forsetinn ekki hafa skoðun?

[Sigurgeir Jónsson, 5.1.2013 kl. 23:37]

Það afsakar ekki kjaftháttinn á Birni Val þótt hann hafi verið sjóari.Ekki frekar en það afsakar kjaftháttin á Halldóri Jónssyni að hann hafi starfað sem verkfræðingur.Birni Vali hefur verið boðin aðstoð geðlæknis,ef einhver fæst til að venja hann af kjafthættinum.Hann hefur þegið aðstoðina.

[Jóhann Kristinsson, 6.1.2013 kl. 03:16]

"Manni getur blöskrað hvernig pakkið getur talað stundum um forsetann sinn."

Hvaða pakk er þetta sem þú ert að tala um Halldór Jónsson, sem talar svona um forsetann sinn og þér blöskrar svona?

Kveðja frá Saudi Arabíu

[H.T. Bjarnason (IP-tala skráð) 6.1.2013 kl. 11:32]

Það er með öllu óviðeigandi þegar þingmaður notar slíkt orðalag um forseta Íslands.  Hins vegar gilda önnur viðmið þegar um er að ræða svokallaður "moggabloggari".

[Landfari, 6.1.2013 kl. 11:51]

Halldór, hvort heldur þú nú að hafi sett meira niður við þessi ummæli, forsetaembættið eða alþingi?

[Halldór Jónsson, 6.1.2013 kl. 12:15]

Siggi, takk fyrir

Sigurgeir, alltaf jákvæður. Ég var ekki að réttlæta Björn ef þú lest fyrstu málsgrein. En ég er ekki að hneykslast á honum í hræsni og þenja mig út af hneykslun um hvernig hann tali um blessaðan glókollinn hann Ólaf. Þetta finnst mér hans mál hvaða orð hann notar. Þekkir þú eitthvað til geðheilsumála sjálfur?

Jóhann. National Enquirer og svoleiðis blöð eru skrifuð af pakki fyrir pakk. Þar las ég um Clinton hjónin að þau væru bara morðingjar. En þeir komast um með aðskrifa svona. Man einhver eftir Louellu Parson?

H.T. Bjarnason, ég segi það að ég er ekki að mæla orðbragðinu bót.

Svona kjaftur lækkar þann meira sem brúkar en þann sem verður fyrir Landfari góður.

[Jóhann Kristinsson, 6.1.2013 kl. 13:50]

Ritfrelsi er í hávegum haft í BNA sem sagt the First Amendment is a sacred cow so to speak í það minnsta til dagsins í dag, sem betur fer.

En svo eru það ekki margir sem kaupa sorpblöð eins og National Enquirer nema sorplýður og illa mentað fólk.

First Amendment gefur fólki rétt að tjá sig en gefur ekki neinn rétt á að fólk hlusti eða lesi.

Þakka fyrir útskýringarnar á hvað þú meintir með þessu "pakki."

Kveðja frá Saudi Arabíu

[Sigurgeir Jónsson, 6.1.2013 kl. 14:34]

Ég þekki ekkert til geðheilsumála, nema á þann veg að ég held að allir eigi að geta bætt geð sitt.Hvort sem hann heitir Björn Valur Gíslason,eða Sigurgeir Jónsson.Og þegar þingmenn eru farnir að hreyta fúkyrðum í fjölmiðlum þá er það mín skoðun að þeir eigi að hætta á þingi,þar til þeir hafi bætt geð sitt.Með hjálp ef menn geta ekki bætt sig sjálfir.

[Halldór Jónsson, 6.1.2013 kl. 17:08]

Nú líkar mig við þig Sigurgeir. Ertu ekki gamli Sigurgeir dísill?

[Halldór Jónsson, 6.1.2013 kl. 17:10]

Ég fékk athugasemd varðandi skynheilagur sem ég skrifaði frá frænda mínum Gústa Hákonar.

Frændi góður. - Skinheilagur er ekki með ypsiloni. Komið af skin- óekta, plat, (pseudo- á grísku). Sögnin skína, skein o.s.frv. Sem sagt plat heilagur.

Kveðja

ÁHB (af Snorrabraut).

Halldor Jonsson

5:07 PM (0 minutes ago)

to Ágúst

Já ég var í miklum vafa með þetta sjálfur, fannst ég þekkja hitt en gerða sam vitlaust. En ég kaupi nú ekki þessa skýringu að skin sé pseudo. Mér finnst að þá muni skína sem eitthvað villuljós, spegill sem endurkastar sólarljósi er er ekki sól, hillir upp . Ég var að velta fyrir mér misskynjun eða gefa í skyn þegar ég setti skynheilagur.