Krónan er ónýt?

segir Árni Páll í Silfrinu í dag. Vitnar í samstöðu með formanni ungra Sjáflstæðismanna á fundi í Valhöll.

Það eru mjög margir sem segja í mín eyru að krónan sé ónýt og við skulum kasta henni og taka upp aðra mynt. Fyrir hrunið 2008  höfðum við frelsi til að hafa hvaða mynt sem við vildum í viðskiptum manna á milli. Þetta vill þetta fólk yfirleitt ekki ræða.  Það er búið að dæma þetta allt af segir það. Án þess að skoða hvernig Hæstiréttur hefur kveðið upp dóma í báðar áttir. Orðalag skuldabréfa skiptir þar öllu. Engin allsherjar lausn hefur fengist. Aðeins verðtrygging krónunnar  er vandamálið segja snákaolíukaupmennirnir. Burt með verðtrygginguna og svo krónuna á eftir því. Er þetta ekki björt framtíð?

Það sem ég velti fyrir mér í allri þessari síbylju og spyr þá skiptiglöðu: Á hvaða gengi vilt þú skipta þínu fé og launum yfir í nýjan gjaldmiðil? Haftadollarinn kostar núna segjum 130 kall. Það er það verð sem Már Guðmundsson ákveður að hann kosti. Þetta gengi ræður til dæmis bensínverðinu hjá okkur og innfluttu matvælaverði. En heldur þú að þú fáir það gengi í skiptunum miklu?

Yfir okkur vofir snjóhengja. Það er fullt af krónum sem heimta að breytast í dollara og yfirgefa Sögueyjuna fyrir fullt og allt. Ef við segjum laagóó þá hverfa allir dollarar sem Már hefur í kassanum sem hann hefur fengið að láni mest allt, og krónur koma í staðinn. Enginn dollari verður eftir. Bara fjallháaar skuldir ríkisins. Gengið 130 stóðst þá ekki til lengdar. Við vitum að það er rétt. Höftin eru til þess að reyna að halda í einhvern stöðugleika og finna einhverjar leiðir. Sem hafa ekki fundist,

Ef við segjum að við tökum upp dollara á morgun og allt breytist yfir í dollara á nýju gengi, hvert verður það? Sættir þú þig við að milljónin þín í bankanum sem er núna segjum 7700 dollarar ef þú færð að skipta henni, hún verði aðeins 3300 dollarar á morgun því  gengið verði 330 krónur fyrir dollarann þá. Bensínið hækkar í einn dollar lítrinn, áfengið, bílar og allur innflutningur hækkar um 250 %. En kaupið þitt hefur ekki hækkað.

Ef þú sem opinber starfsmaður eða ljósmóðir gerir skrúfu og  þrefaldar kaupið þitt með því, þá getur ríkið ekki prentað dollara handa þér til þess að gjalda þér líku líkt.(Sem myndi mega kalla: Lausung  við lygi.) Og engir dollarar verða til til að borga eitt né neitt, hvorki bensín né annað.

Svo hvað er Árni Páll að segja þegar hann segir að vegna ónýtu krónunnar sitjum við eftir með lúsarlaunin okkar meðan krónan fellur og fellur. Við verðum að segja okkur tl sveitar hjá ESB og borga með fullveldinu, fiskimiðunum og öllu því sem hér er að finna. Og formaður ungra Sjálfstæðismanna er á sama máli segir Árni. ESB hlýtur að koma okkur til bjargar og borga snjóhengjuna fyrir okkur með evrum

Hvað skeður eftir þessa atburði? Hver borgar hjúkrunarfræðingunum? Hver borgar lögreglunni til verja Alþingishúsið? Skiptir það einhverju máli ? 

Krónan er eins og annað aðeins þess virði sem einhver vill borga fyrir hana. Viltu vinna þér inn eina krónu?

Ef þú vilt það ekki þá það. Þá ertu krónulaus. Standandi fyrir framan matarbúðina gæti læðst að þér grunur að hún hafi ekki verið jafnónýt eins og þér var sagt í kosningunum.

Segjum svo að snjóhengjan fari öll úr landi á 330 krónu genginu og erlendu vogunarsjóðirnir sem eiga Íslandsbanka og Aríon hirði allt sitt og fari á því gengi. Hvað er þá eftir? Enginn dollari til neinsstaðar. Sígarettupeningar eins og var hjá Þjóðverjum eftir stríð? Aðeins vöruskipti eru möguleg. Hvernig á að fá mat? Hver þarf banka?

Treysti ég Árna Páli til að framkvæma peningaskiptin? Kýs ég hann þessvegna?

Eða er hann og Samfylkingin jafn ónýt og þau segja krónuna vera? 

 

 

Athugasemdir

[Ómar Bjarki Smárason, 3.2.2013 kl. 23:08]

Frábær pistill. Hafðu kærar þakkir fyrir.

[Hrólfur Þ Hraundal, 3.2.2013 kl. 23:57]

Hann gæti verið sonur hennar, svo líkt tala þau, en líklega hatast þau.  En það er sérkennilegt með þessa krata, þeir virðas ekki geta lifað nema að hata eitthvað.

Það er Evran sem er ónítt, alla veganna til þess sem hún er hugsuð.  Hún gæti auðvita dugað þjóðverjum ágætlega og frökkum líka þar sem þeir hafa svo gaman af að láta þjóðverja arðræna sig.  Öðrum löndum er þessi plága eins og sprengi efni í höndum hryðjuverka manna.   

[Halldór Jónsson, 4.2.2013 kl. 22:00]

Takk fyrir það vinur Ómar Bjarki.

Hrólfur,

Ég hélt alltaf að hann væri uppalin af henni sem einskonar krónprins, svona eins og margrét var uppalin af Friðrik pabba sínum.