Þór Saari-frelsa þú oss!

frá því limbói sem mér finnst ég vera að lenda í. Ég hreinlega finn ekkert lengur til að rífa kjaft yfir á þessu bloggi.

Finnst mér  ekki bara svona ákveðið að Steingrímur J. sé  búinn að ljúga því sem hann getur logið á kjörtímabilinu og svíkja allt sem hann getur svikið og gera öll þau heimskupör í bókinni sem hægt er að gera? 

Finnst mér ekki þetta sama  um Jóhönnu ræfilinn?  Eða þá Össur ?.........- Herre-GUD! Ég nenni ekki einu sinni lengur að segja það sem mér finnst um þetta fólk. 

Mér finnst öðru máli gegna um Ögmund. Það örlar stundum fyrir skynsemi í hans tali. Hina sem gegnt hafa ráðherraembættum í mislanga tíma nenni ég ekki einu sinni að tala um meira um, blómaskreytingar meðtaldar.

Það gengur ekkert meira upp þarna niður við Austurvöll. Hvorki kvótafrumvarpið, stjórnarskráin, ESB málið. EKKERT! EKKERT sem getur lyft þessu héðan af.

Fer þetta Alþingi ekki að pakka saman svo maður sé laus við það tilgangslausa pex og Limbó sem þetta fólk stendur þar fyrir? Það er eins og það sé bara að láta tímann líða. Þetta er orðin svona Búnkerstemning í  hálfkæringi.

Ég held bara að ég sé kominn í eitthvað limbó með að skammast í pólitíkinni.

Þór Saari. Frelsa þú oss! 

Athugasemdir

[Jóhann Kristinsson, 13.2.2013 kl. 05:17]

Þór Saari er samvizkulaus auli, og hugsar ekkert nema um sjálfan sig. Lofaði hann ekki að gera raunhæfar lagfæringar á skuldafeni heimilana? Hvað gerðist?

Hann hugasar bara um þingmanna launin og hann vill fá laun í það minsta 2 mánuði í viðbót, enginn vantrausttilaga frá honum það get ég garenterað.

Ögmundur heldur áfram að ljúga, í hvert skipt og hann segir að hann sé ekki sammála um það sem gerðist, þá er hann að ljúga,

Horfum bara á þetta sorgarskuespil næstu 2 mánuðina, og vonandi vekur það þjóðina upp til að fara að kjósa og reka þetta lið.

Kveðja frá Las Vegas.