STRAX !

á þetta ömurlega Alþingi að hypja sig heim.

Það er skelfilegt að horfa á Alþingi úr fjarlægð. Venjulegur borgari skilur ekki upp né niður til hvers menn eru að geysa sig í ræðustólnum þarna niðurfrá. Það er hamast við að afgreiða einhver mál inni í framtíðina sem er þar með verið að vísa til afgreiðslu alls annars fólks. Allt vegna var sagt að væri vegna einhvers stjórnarskrármáls sem engin bráðaþörf né nauðsynlegur einhugur er um að klára. 

Það er skiljanleg herkænska af stjórnarliðum að reyna að stytta kosningabaráttuna sem allra mest með því að halda fókusnum á sér sem lengst sem ráðamönnum en þurfa ekki að fara að standa í vörn sem óbreytt fólk en ekki ráðherrar.

Össur þeysist um heiminn til að nota síðustu dagana í sínu stjórnmálalífi þar sem hann getur látið eins og einhver taki mark á honum og hlusti á það sem hann segir. Það eru ekki margir dagar eftir fyrir hann, aðeins 30 dagar í dag, 20.mars,  frá afmælisdegi Jóns Ólafssonar skálds, þingmanns og ritstjóra til 20.apríl sem er afmælisdagur  listmálara og þingmanns sem var nokkuð þekktur á sinni tíð. Báðir þessir töluðu og skrifuðu ekki minna en Össur.Þó verður Össur líklega fyrr gleymskunni að bráð en þessir tveir.

Nú er stjórnarskrármálið víst loksins dautt. Er þá eftir einhverju að bíða?Ætti ekki þingið að snauta heim ? Nei, eru  þá ekki ráðherrarnir að hrúga inn málum og halda bullinu áfram við að reyna að framlengja áhrif sín langt inn í framtíðina?

Er ekki búið  að bulla nóg í fjögur ár ? Er ekki sagt að sá lati hreyfist aldrei í vinnunni fyrr en kemur kvöld og hættutími?

Er ekki kominn hættutími? 

STRAX! 

Athugasemdir

[Halldór Jónsson, 20.3.2013 kl. 14:34]

Ég er að fatta það að kosningarnar eru 27.apríl en ekki 20.Það breytir öllu því vika er eins og allir vita langur tími í pólkitík!

[Kolbrún Hilmars, 20.3.2013 kl. 15:54]

Sammála þér, Halldór, það er kominn hættutími!

Þáverandi minnihlutastjórn ásamt þinginu starfaði frá febrúarbyrjun að "viku í kosningar" í apríl 2009.  Og samt var boðið upp á sumarþing af hinni sömu orðinni meirihlutastjórn! 

Áreiðanlega hefur aldrei nein ríkisstjórn haft jafnlangan tíma til aðgerða með jafnumdeildum árangri.

Nú er meira en nóg komið  af hinni starfssömu eilífðarstjórn og stuðningsþingi hennar. 

Kominn tími til þess að fólk fái frið til þess að fylgjast með og taka þátt í kosningabaráttu!