Efnahagsundrið Össur Skarphéðinsson

skrifar í Mogga um ágæti upptöku evru.

 Eins og aðrir kratar þá sér hann heiminn í svarthvítu og aðeins útfrá því að lán verði að taka fyrir öllum lífsins gæðum,

"....En þetta gerist ekki bara í hruni. Verðbólgan hér á Íslandi er viðvarandi langtum hærri en í nágrannaríkjunum. Rannsóknir sérfræðinga Seðlabankans sýna að blessuð krónan okkar ber þar mesta ábyrgð sem bæði sveiflu- og verðbólguvaldur. Því óstöðugra sem efnahagsumhverfið er - því dýrari verða lánin. Skuldamál heimilanna verða því ekki aðskilin gjaldmiðilsmálunum....

Þess vegna auglýsti Sjálfstæðisflokkurinn fyrir kosningarnar 2009 einhliða upptöku evru. Sigmundur Davíð hélt heila ráðstefnu um Kanadadollar. Steingrímur J. varð um hríð ástfanginn af norsku krónunni. En Seðlabankinn sló þá valkosti alla út af borðinu. Í gjaldmiðilsskýrslunni frá síðasta sumri kvað hann skýrt upp úr með að valkosturinn við óstöðuga krónu væri bara einn: upptaka evru....

....Í skýrslu Viðskiptaráðs frá því fyrir jól kemur fram að lántökukostnaður íslenska ríkisins er að meðaltali 4,5% hærri en í samanburðarríkjum árin 1995 til 2012. Þetta er hið svonefnda »Íslandsálag« sem við þurfum að borga umfram aðrar þjóðir með gjaldmiðlinum okkar á skuldir allra heimila, fyrirtækja og hins opinbera. Viðskiptaráð mat það svo, að »Íslandsálagið« gæti numið á bilinu 130 til 230 milljörðum króna á hverju einasta ár..." Gersamlega er svona fólki um megn að skilja það að verðbólgan bætist við vaxtatöluna þegar talað er um vertryggða vexti. Sérstaklega skilur Össur ekki þátt sinn í verðbólguframleiðslunni, Alltof margir trúa því að útlend fyrirtæki búi við mun lægri vexti en íslensk, Þarna er mikil blekking á ferð. Erlendis fer vaxtastig útlána til fyrirtækja miklu mera eftir stærð og styrk þeirra en hér. Skuldugt fyrrtæki verður að staðgreiða meira en 15 % vexti ef það vill fá yfirdrátt. Vextir greiðast í peningum um hver mánaðamót. Það er hvergi slíkt agaleysi sem hér er viðhaft af bankastrákum í löndum þar sem bankamennska leggst gjarnan í ættir og óábyrgir dilletantar íi pólitík hafa minna um það að segja hverjir fá lán og hverjir ekki.

Össur er þó ekki fæddur gersneyddur öllu viðskiptaviti. Hann hafði að sögn vit á því að selja bréfin sín í SPRON í tæka tíð til að græða meðan aðrir töpuðu og sumir fóru í fangelsi fyrir að gera svipaðar ráðstafanir.

Menn töluðu á tíma Erhardts um þýska efnahagsundrið. Hann talaði fyrir hófsemi og sparnaði. Meðan Össur er hið íslenska efnahagsundur og sér heiminn í gegnum lánagleraugu eingöngu er lítil von um að Eyjólfur hressist. 

Athugasemdir

[Gunnar Heiðarsson, 6.4.2013 kl. 13:44]

Össur er um margt undarlegur Halldór, en að hann sé efnahagsundur á ég erfitt með að trú. Hins vegar get ég vel tekið undir að hann sé pólitískt undur.

Það er í sjálfu sér pólitískt undur að afreka það að verða utanríkisráðherra, eftir að hafa borið vitni fyrir rannsóknarnefnd að hafa ekki hundsvit.

[Elle_, 6.4.2013 kl. 15:13]

Efnahagsundur?  Hann hefur verið kallaður andsetinn og heltekinn (Hörður Þór Karlsson) og ég verið sammála.  Hann hefur nokkuð oft verið kallaður veruleikafirrtur. 

Eitt er víst að hann er dýrkeypt undur.  Og landsskömm á erlendum vettvangi.  Hann sagðist sjálfur ekki hafa hundsvit á efnahagsmálum.  Og þykist samt allt vita.

[Jón Valur Jensson, 6.4.2013 kl. 22:41]

Er það ekki rétt, að neyzluvísitalan hefur hækkað um 3,9% síðustu 12 mánuði? Hvað er svona hátt við það? -- Sammála Elle.

[Jón Valur Jensson, 7.4.2013 kl. 22:31]

"Össur er þó ekki fæddur gersneyddur öllu viðskiptaviti. Hann hafði að sögn vit á því að selja bréfin sín í SPRON í tæka tíð til að græða meðan aðrir töpuðu og sumir fóru í fangelsi fyrir að gera svipaðar ráðstafanir."

Hvaðan fekk hann "vitið" til þessa? Var honum sagt eitthvað, sem okkur var ekki sagt?!