Jákvætt hugarfar

er það sem við Sjálfstæðismenn eigum að hafa í heiðri á þeim dögum sem í hönd fara.

Ég hef heyrt raddir sem finna öllum viðræðum við Framsóknarmenn allt til foráttu. Við eigum að heimta þetta eða hitt og láta brjóta á einhverjum ófrávíkanlegum skilyrðum.

Ég hef hinsvegar heyrt fleiri raddir sem segja, að við verðum núna þjóðarinnar vegna að nálgast verkefnið með opnum huga.  Það er þjóðin sem býr við skort á fjárfestingum, það þjóðin sem býr við of háa gjaldtöku, það er þjóðin sem býr við atvinnuleysi og landflótta.

Það er þjóðina sem vantar viðfang fyrir krafta sína, ekkert má koma í veg fyrir að við gerum okkar ítrasta til að ná þeim sameiginlegu markmiðum Framsóknarflokksins og Sjálfstæðisflokksins að "heimilin séu hornsteinn samfélagsins" og "atvinna er undirstaða vaxtar og velferðar," og að  "Forgangsverkefni nýrrar ríkisstjórnar verður að tryggja velferð heimilanna.  Þú og þínir geta haft það svo miklu betra."

Ekkert má koma í veg fyrir það að tekið sé á málum í samræmi við yfirlýst markmið flokkanna og nýta það tækifæri sem gefst til að framkvæma í stað þessa venjulega "rabbarbara"- stíls smáflokkanna.

Kappkostum að hafa jákvætt hugarfar við lausn þeirra vandamála sem við blasa. 

Athugasemdir

[Jón Baldur Lorange, 29.4.2013 kl. 21:29]

Sæll Halldór,

Sammála þér í þessu að jákvætt hugarfar er leiðarstjarnan í að leysa skuldavanda heimila, sem hlýtur að vera forgangsmál, og kjósendur kölluðu eftir. Liður í því að auka ráðstöfunartekjur með skattalækkunum, kaupmáttaraukningu og meiri atvinnu fyrir alla. Ég get ekki séð að einmitt eins og þú bendir á með jákvæðu hugarfari að það ætti að vera erfitt að ná saman stjórnarsáttmála með Framsóknarflokknum.

Það eru hins vegar úrtöluraddir sem bergmála með fráfarandi ríkisstjórnarflokkum sem eru búnir að afskrifa skuldaleiðréttingar sem Framsóknarflokkurinn var kosin út á. Sjálfstæðisflokkurinn verður að sýna því skilning, alveg eins og Framsóknarmenn þurfa að sýna skattalækkunarleið Sjálfstæðisflokksins skilning.

Ég vona að skynsemin verði ofan á hjá forystu Sjálfstæðisflokksins og að þeir nálgist þetta viðfangsefni með opnum huga og sterkum vilja.

Baráttukveðjur,

[Júlíus Björnsson, 30.4.2013 kl. 00:58]

Hornsteinar  í merkingunni sofandi fjármagn einkamála sjóða eða banka. Private banking merkir að lykil aðilir [stjórnsýslu ?] láti í firði einkamál milli lánadrottins og skuldunautar, áhætt álag er ekki millfært innbyrðis milli einstaklinga , lögaðila eða geira.  Gordon Brown skyldi ekki að 3 stærstu bankar hér væru ekki Privite: öryggir. 

Private equite  er annað það fær enga ríkisábyrgð.