Væntingar

virðast miklar hjá fólki til þess að ný ríkisstjórn birtist. Það er eins og einhver barnsleg trú sé ríkjandi í hugum fólks á það, að alger umskipti muni verða á högum hrjáðra og skuldsettra, skattpíndra ráðherra sem styrkþega. Með nýrri ríkisstjórn komi lausnir sem muni gerbreyta stöðu heimilanna og færa öllum björg í bú.

Vissulega eru þessar tilfinningar að vonum. Svo lengi hefur vonleysið þjakað sálirnar síðasta kjörtímabil. En er það varlegt að setja svo miklar væntingar til nýrrar stjórnar? Vita ekki allir að ástandið er grafalvarlegt. Snjóhengjan sem vofir yfir þjóðarbúinu í formi gjaldeyris sem vill yfirgefa landið skiptir þúsundum milljarða. Við eigum þá ekki til. Það er það eina sem við vitum  fyrir víst. Formennirnir okkar á Þingvöllum síðast eru ekki töframenn frekar en ég og þú.

Svo vitum við líka að á þessum tíma sendir slitastjórn Landsbankans út beiðni um að Seðlabankinn reiði fram 200 milljarða sem henni dettur í hug að greiða erlendum kröfuhöfum. Aðeins byrjun á slíkum greiðslum. Seðlabankinn segir skiljanlega nei.

Í fréttum hefur verið að bankastarfsmenn eru hér miklu fleiri  en erlendis gerist og bankaútbú líka miklu fleiri. Getur ekki verið að Landsbankanum sé hreinlega ofaukið. Einfaldast sé að lýsa bæði nýja Landsbankann og þann gamla gjaldþrota og skipa skiptastjóra. Sá fer yfir kröfurnar og greiðir út í hlutfalli. Í íslenskum krónum aðeins því eru þetta ekki íslensk fyrirtæki með skilaskyldu á gjaldeyri?

Féll krónan núna einungis af tilhugsun Seðlabankans einni til 200 milljarðanna sem ekki eru til? Hvað stýrði gengishækkuninni undanfarið? Var það meðvitað hjá einhverjum Guðjóni bak við tjöldin  til að bæta viðskilnað síðustu ríkisstjórnar og gera viðtökubú þeirrar nýju  verra?  Þarf nokkuð að vera að rekast í versluninni að lækka vöruverðið úr því að krónan er að dúndra niður aftur?

Þær voru ekki varanlegar væntingarnar um léttari tíð og lægra vöruverð ef allt stefnir lóðbeint niður aftur.  

Væntingar eru líka um vor í lofti. Birtan og sólskinið vekja ósjálfrátt væntingar í brjóstum okkar.Fuglarnir eru í mklum önnum. Hjá þeim er vorið komið.

Væntum betri tíðar góðir landsmenn, það eitt og sér léttir lundina.

 

 

Athugasemdir

[Júlíus Björnsson, 13.5.2013 kl. 18:44]

Væningar og raunsæi haldast í hendur, láta ekki tilfinngar halupa meðsig í gönur , sýna gott fordæmi gagnvart sínum skulaþrælum  og sýna svo sýnum drottnum auðmýkt og vænta þess sama. Strafmanna fjöldi er ekki vandmálið heldur Meðalaun geirans  og skortur á Prime AAA +++ IRR veðfylkjum hér.  Lítill almenn eftirspurn eftir heima PPP framleiðu til hækka raunvirði svefnbústaða.    Service ríkilögaðilar eru PPP eða ekki PPP.