Ekkert lært

en öllu gleymt var niðurstaða mín af því að hlusta a Steingrím J. útlista stjórnarsnilld sína s.l. 4 ár. Hann hélt fram ágæti Icesave samninga sinna og fullyrti að það hefði veri betri kostur fyrir þjóðina en sú sem varð. Hann sagðist hafa skilað góðu búi og ríkissjóði nær hallalausum. Hann komst upp með þetta því spyrjandinn spurði ekki um 400 milljarðauppsafnaðan ríkissjóðshallann sem ríkisstjórnin skildi eftir sig.

Að öðru leyti fékk Steingrimur að fimbulfamba um hvernig hann af miklum hetjuskap bjargaði þjóðinni frá sjálfri sér með skattahækkunum jafnframt því að verja velferðina. Hann var ekki spurður um það framlag eldri borgara að hafa verið sviptir 13.5 milljörðum af grunnlífeyri frá júlí 2009 né heldur þakkaði hann þeim langlundina.

Steingrímur hafði áður lýst hetjuskap sínum við björgunarstörfin þar sem hópur manna hafði það hlutverk að troða í hann mat þar sem hann hafði ekki tíma til þess sjálfur. Ég hef heyrt um svona aðferðir hjá Svíum sem hafa þennan hátt við jólagæsir sínar og kalla "Proppgås".Hann taldi óráð að lækka skatta á almenningi en gat hugsanlega sætt sig við einhverja lækkun tryggingagjalds á fyrirræki. Annars var allt á uppleið sem afleiðing af hans góða búi, landflótti stöðvarður og atvinna að aukast. 

Hrollvekjan var sú að Steingrímur ætlar hvergi að láta deigan síga á Alþingi og berjast gegn ríkisstjórninni á sinn hátt. Vonandi hafa menn vit á að þegja hann sem mest því hann hefur ekkert lært og öllu gleymt. 

Athugasemdir

[Gunnar Heiðarsson, 2.6.2013 kl. 14:26]

Auðvitað eiga allir að hundsa þennan mann, sérstaklega fjölmiðlar. Hann er ekki lengur í forsvari fyrir kommúnista á Íslandi, þó hann láti sem slíkur, er einungis 4. þingmaður Norðausturkjördæmis með skitin 3700 atkvæði að baki sér.

Þessi maður er útbrunnin. Hans pólitík hefur byggst á orðaskaki og hnefaslætti. Hefur alla tíð treyst á að honum sé svarað.

Ef allir láta orð hans sem vind um eyru þjóta, verður allur vindur úr honum.

Það er vonandi að stjórnarliðar láti vera með öllu að svara hans málflutningi á Alþingi og geri hann með því að engu!