Hver borgar?

frækilega leit að frönsku konunni?

Auðvitað er það gleðiefni að bjarga mannslífi við þær furðulegu aðstæður sem þarna var um að ræða. En þetta kostar mikið fé sem er takmarkað. Ef ekki er fyllt á tanka þyrlunnar flýgur hún ekki. Hvenær er ekki til meira bensín?  Og hvenær dvínar áhugi okkar sjálfboðaliða vegna skilningsleysis okkar hinna?

Er ekki kominn tími til að láta erlenda ferðamenn greiða SAR(Search and Rescue)-gjald við komuna til landsins. Allir erlendir ríkisborgarar sem koma inn í landið séu látnir greiða lítið stimpilgjald til íslenskra björgunarsveita vegna eigins öryggis. Ísland er hættulegt vegna strjálbýlis. Útlendingar munu skilja þetta og greiða. 

Hér innanlands verður einhver að borga á endanum allt sem við gerum. 

Athugasemdir

[Ómar Ragnarsson, 3.6.2013 kl. 08:22]

Því er spáð að á þessu ári muni ferðaþjónustan fara fram úr sjávarútveginum hvað snertir tekjur fyrir þjóðfélagið.

Því má líka spyrja: Hver borgar þegar dýr þyrla er send til að bjarga sjómönnum, sem keyrðu sofandi upp í harða grjót á splunkunýjum báti? Svo að tekið sé nýtt dæmi, sem verðlaunað var fyrir í gær?

Meðan sjór er sóttur munu slík atvik gerast, þótt allir reyni að forðast það.

"Hér innanlands verður einhver að borga á endanum allt sem við gerum."

Hvers vegna ætti annað að gilda um útlendinga en okkur sjálf í því efni?

[Ómar Ragnarsson, 3.6.2013 kl. 08:26]

Viðbót: Við borgum fyrir leit og björgum með sköttunum, sem renna í ríkissjóð af því að sjávarútvegurinn skapar okkur þjóðartekjur.

Meðan útlendingar eru gestir í landinu borga þeir einhvern hæsta virðisaukaskatt í heimi í hvert skipti sem þeir versla eða kaupa vörur og þjónustu.

Helmingurinn af bensínverðinu fer í íslenska ríkiskassann.

Við og þeir borgum fyrir leit og björgun með sköttunum, sem renna í ríkissjóð af því að ferðaþjónustan skapar okkur þjóðartekjur.

[Vilhjálmur Örn Vilhjálmsson, 3.6.2013 kl. 10:39]

Hjálpsemi kostar ekki neitt á Íslandi, en reyndu Ómar að kasta vatni í Þýskalandi án þess að greiða fyrir það.

Auðvitað halda Íslendingar áfram að vera vinaleg þjóð, en fólk sem bíður hættunni heim, sama hvort það er íslenskt eða erlent, verður að bera ábyrgð á gerðum sínum, t.d. menn sem fljúga hættuflug á ferðamannastöðum og aka eins og vitleysingar, bara vegna þess að þeir eru með útlendinga í bílnum. 

[Óskar Helgi Helgason (IP-tala skráð) 3.6.2013 kl. 11:41]

Sælir; Halldór verkfr.; - sem og aðrir gestir, þínir !

Ómar fjölfræðingur; og ferðamála hugsuður !

Viðurkenndu bara; fyrir sjálfum þér - sem öðrum, að Ísland er hreinn og klár VIÐBJÓÐUR, í loftslagi séð - stjórnmálalega, sem og í sívaxandi og óboðlegu okri, á innlendum sem og útlendum ferðamönnum, ágæti drengur.

Væri; Kaliforníu loftslag ríkjandi hér (350 - 360 Sólardagar á ári), mætti réttlæta margt, en séu fleirri uppstyttudagar yfir árið, á Jan Mayen, en hérna, er þetta ósvinna ein, að rukka ferðafólk yfirleitt, fyrir hlutina.

Ætti fremur; að GREIÐA fólki fyrir, að ferðast um þetta ömurlega land, Ómar minn.

Með beztu kveðjum; öngvu að síður - úr Árnesþingi /

[Elle_, 3.6.2013 kl. 18:08]

Jóhann sagði það sem ég hugsaði um ábyrgð ef maður býður hættunni heim.  En get ég verið ósammála um veðrið, Óskar Helgi? 

Veðrið á suðvesturströnd Bandaríkjanna er lítið spennandi, alltof oft dauðhiti.  Nú fyrir utan aurskriður, skýjastróka og skógarelda.  Norðurloftið þar sem fólk nær andanum er dýrðlegt miðað við það.  Prófaðu frekar norðusturströndina við Atlantshafið. 

[Elle_, 3.6.2013 kl. 18:10]

Ekki Jóhann, Vilhjálmur, ruglaði logounum saman.

[Óskar Helgi Helgason (IP-tala skráð) 3.6.2013 kl. 22:41]

Komið þið sæl; á ný !

Elle !

O; jæja. Allt er samt betra; en Andskotans íslenzki hráslaginn, fornvinkona góð.

Jú; líkast til, er Norð- austurströndin ekkert lakari, við nánari athugun, þar vestra.

Ekki síðri kveðjur; - öðrum fyrri /