Þrætubókarlist

datt mér í hug þegar ég kíkti á umræður á Alþingi. Þar boðaði menntamálaráðherra Illugi Gunnarsson lagabreytingu um kjör alþingis á öllum fulltrúum í Útvarpsráð. Hver stjórnarandstæðingurin eftir annan kom upp til að þrátta um þetta atriði sem er frágengið mál. Þetta kölluðu þeir málþóf sjálfir þegar þeir voru og hétu.

Illugi kom hvað eftir annað í ræðustól til að útskýra sitt mál. Ég veit ekki hvort hann var að reyna að sannfæra þessa menn eða hvað annað er að baki.  Þeir létu sig auðvitað hvergi, héldu áfram að staglast en svo  þetta verður afgreitt á þann hátt sem Illugi boðar. 

Til hvers var öllum þessum tíma og mannauði eytt í þetta mál?  Einföld breyting sem stjórnarliðar ætla að framkvæma. Hvað á svona málþóf að þýða? Af hverju fengu þessir menn ekki bara að tala að vild og Illugi gat svo hugsanlega svarað einu sinni þegar allar spurningar væru komnar fram. En að þráspyrja og þrástagast á þessu máli finnst mér til lítils. Illugi flutti sitt mál auðvitað einarðlega en til hvers er verið að þessari sýningu?

Menn vilja breyta Útvarpsráði vegna reynslunnar af hinni fyrri skipan sem gafst þannig að RÚV á undir högg að sækja hjá borgaralegri  hugsun í landinu.

Af hverju mega stjórnvöld ekki breyta því ef þau vilja og geta án þess að eyða stórfé í innantómt þras sem kostar stórfé ?

Af hverju þessi þrætubók um svona lítið mál? 

 

Athugasemdir

[Magnús Helgi Björgvinsson, 14.6.2013 kl. 00:05]

Gæti það ekki verið að stjótnarandstaðan hafi lært að því sem fyrir henni var haft á síðasta kjörtímabili. 

En grínlaust þá finnst mér það varla hæfa fjölmiðli sem við viljum að flytji okkur sem hlutalausustu fréttir og sem fjölbreyttasta menningu sé stórnað af einhverjum labba kútum og stúlkum sem eru valdar af flokkunum í þetta. Bendi á nokkuð bitra reynslu af því í gegnum tíðina þegar að fréttastofa RUV var um langt tímabil talin lituð af þeim flokkum sem hafa verið við völd.  Og sjálfsagt að Illugi svari afhverju að hann leyfði ekki lögunum að taka gildi um valnefnd. Flokkarnir hafa haft tilhneigingu til að verðlauna flokkgæðinga með nefndarsetum og stjórnum. En ekki farið eftir því að þeir sem þeir skipa í svona stjónr hafi þá þekkingu sem þarf. 

[Júlíus Björnsson, 14.6.2013 kl. 05:49]

Sem betur fer get ég og geri á hverjum degi hlusta á enskar, þýskar og franskar fréttir. Þær Íslensku eru bestar t.d. hjá Halldóri Jónssyni og á Facebook.  Hlutleysi er nú ekki öllum gefið , því það er tilfinngalaust og rökrétt.    Ritskoðun er ákveðin fræðigrein inna Háskóla í textagreiningu. Þar skiptast textar  í fagurfræðilega=> tilfinninga=> áróður og hina sem eru efnislegir=rökréttir=hlutleysir og vekja því ekki áhuga; fagurkeranna.  

[Halldór Jónsson, 14.6.2013 kl. 08:50]

Magnús Hlegi,

Illugi og stjórnin eru búnir að ákveða að hafa þetta svona. Til hvers að þrasa? Við stuðningsmenn teljum þetta til bóta en þú ekki. Alþingi er þjóðarviljinn Punktur.

Júlíus, ef þú átt við þennan Halldór þá er skylt að þakka en það getur nú verið að fleiri hundar séu svartir en hundurinn prestsins.