Sýnishorn af prófessor

í Háskóla Íslands er Stefán Ólafsson.

Hann skrifar svo:

"Nú er búið að skýra frjálshyggjumanninn Alan Greenspan “Mesta fífl í sögu bandarískra efnahagsmála”.

Greenspan var seðlabankastjóri Bandaríkjanna frá 1987 til 2006 og ber ábyrgð á afreglun og minnkandi eftirliti og aðhaldi gagnvart fjármálageiranum. Þetta gerði hann vegna ofurtrúar á sjálfstýringarmátt markaðarins.

Nú sjá menn að Alan Greenspan var meiri hugmyndafræðingur en hagfræðingur. Róttæk frjálshyggja leiddi hann afvega og hann leiddi samfélagið út í djúpt skuldafen, brask og fjármálakreppu.

Því fylgdi verulega aukinn ójöfnuður, enda er frjálshyggjustefnan einkum í þágu auðmanna og braskara.

Greenspan er á lista tímaritsins Time yfir þá 25 einstaklinga sem bera mesta ábyrgð á fjármálakreppunni. Þar er líka Davíð Oddsson, fv. seðlabankastjóri og forsætisráðherra Íslands.

Davíð var auðvitað í sama hlutverki og Greenspan, sem hugmyndafræðingur frjálshyggju. Raunar gekk hlutverk Daviðs á Íslandi lengra en hlutverk Greenspans í Bandaríkjunum, því Davíð var bæði pólitískur leiðtogi og æðsti embættismaður fjármálakerfisins, sem hrundi til grunna á hans vakt.

Hér voru líka gerð mun stærri mistök en í Bandaríkjunum, enda bæði bólan og hrunið hér miklu stærra og afdrifaríkara fyrir land og þjóð.

Þeir félagar William Black og Egill Helgason gætu því með sömu rökum og gilda um Alan Greenspan útnefnt Davíð Oddsson sem “mesta fífl í sögu íslenskra efnahagsmála”.

Þeir ættu líka að setja helsta ráðgjafa og vin Davíðs á listann, frjálshyggjuskáldið og vúdú-hagfræðinginn Hannes Hólmstein.

Efnislegu rökin fyrir slíkri nafnbót þeirra félaga eru klárlega til staðar."

Menn hafa misjafnlega sterkar skoðanir á því að Stefán þessi sé æskilegur prófessor við Háskólann yfirleitt og hversu hollur leiðbeinandi hann sé í fræðigrein sinni. Menn hafa efasemdir um að hann geti haldið öfgum sínum í stjórnmálum frá fræðunum sem hann kennir. Auk þess hefur hann að sögn makað krókinn ótæpilega í hverskyns aukavinnu fyrir síðustu ríkisstjórn sem þá kemur niður á kennslutímanum. En af einhverjum ástæðum hefur umfang þessarar aukastarfsemi Stefáns ekki ratað upp á yfirborðið.

Margt má segja um Davíð Oddsson. En að segja hann "mesta fífl í sögu íslenskra efnahagsmála" finnst mér ósanngjarnt af Stefáni gagnvart bæði honum sjálfum og lærimeistara hans Steingrími J. Sigfússyni, sem lagði sig svo fram í störfum sínum að enginn annar hefur unnið annað eins. Niðurstaða kosninganna lýsir svo væntanlega misskilningi og upplýsingaskorti kjósendanna. 

Stefán Ólafsson er prýðisgott sýnishorn af íslenskum prófessor eins og þeir gerast víst nú til dags við Háskóla Íslands. Þar var nú öðruvísi útlits í tíða afa míns Ágústar H. Bjarnason, sem var titlaður "alþýðufræðarinn" vegna þess sem hann lagði á sig til að útbreiða almenna þekkingu. Sýnsihornioð Stefán Ólafsson fær líklega seint slíkan titil.

Athugasemdir

[Jóhann Kristinsson, 14.6.2013 kl. 20:52]

Halldór minn ertu viss um að þessi Stefán Ólafsson sé prófessor við Háskóla íslands?

Getur ekki verið að þessi Stefán Ólafsson sé bara (freshman) nemi í Háskóla íslands og þetta sé ritgerð nema en ekki prófessors?

Prófessorar sem vilja að fólk taki mark á því sem þeir segja eða skrifa nota ekki svoa orðalag.

Hvort sem þessi Stefán Ólafsson er nemi eða prófessor þá mundi lesandi þessarar rigerðar ættla að maðurinn kynnti sér hvernig Ríkisbáknið í BNA virkar.

"Greenspan var seðlabankastjóri Bandaríkjanna frá 1987 til 2006 og ber ábyrgð á afreglun og minnkandi eftirliti og aðhaldi gagnvart fjármálageiranum. Þetta gerði hann vegna ofurtrúar á sjálfstýringarmátt markaðarins."

Þetta getur Greenspan ekki hafa gert af því að það er þingið sem setur lög og reglur og Forsetinn staðfestir það með undiskrift eða neitar að skrifa undir það og þá fer frumvarpið til þingsins aftur og ef að það er vilji í þinginu að ganga framhjá undirskrift Forsetans þá þarf 2/3 atkvæða til að frumvarpið verði að lögum.

Eftir því sem ég bezt veit þá var Greenspan aldrei þingmaður eða Forseti.

Eftir hrunið október 1929 þá voru set á lög the Glass-Steagal Act og Securities Act 1933 sem átti að að skilja að viðskiptabanka frá fjárfestingabanka. 1934 var Security Exchenge Commision (SEC) set á stofn.

Í tíð Jimmy Carter 1977 þá var set á lög the Community Reinvestment Act, Þessi lög urðu til þess að opna hurðina fyrir að veikja reglur um greiðslumat lántaka frá því sem var set á1933. Það líka opnaði glufu á að fjárfestingabanki mætti líka vera viðskiptabanki.

Það leið ekki að löngu þegar svo kölluð Savings & Loan crisis skutu upp kollinum.

The Federal Deposit Insurance Corporation gat staðið undir áfallinu að mestu leiti, auðvitað með fjármagni frá Ríkinu.

Í forsetatíð Bill Clinton´s 1998 voru set á lög the Workforce Investment Act sem að galopnaði fyrir fjárfestingabanka að stunda viðskiptabanka viðskipti. Nokkrum árum seinna 2008 þá hrundu nokkrir fjárfestingabankar og tóku með sér viðskiptabanka.

Síðan var sett á Dodd-Frank Wall Street Reform and Consumer Protection Act 2010, sem að situr í dag og gerir smábönkum erfit fyrir að geta verið í business.

Ekkert af þessu gat Greenspan haft áhrif á meira en hver annar viðskiptaspekúlant, af því að þetta er allt gert í þingi BNA og Forsetinn samþykkir það.

Ekki þurfti ég að vera í Háskóla Íslands til að fá þessar upplýsingar, heldur var Google search notað.

Ekki segir þetta neitt gott um Haskóla Íslands ef þessi nemandi Stefán Ólafsson hefur ekki fengið meiri vitneskju um hvernig frumvörp verða að lögum í BNA.

Ef þessi Stefán Ólafsson er prófessor sem ég trúi varla, þá er frekar lágt risið á prófessorum Háskóla Íslands.

Kveðja frá Houston

[Halldór Jónsson, 16.6.2013 kl. 00:14]

".., þá er frekar lágt risið á prófessorum Háskóla Íslands."

Ég tek undir þetta. mér er sem ég hefði séð hann afa minn kalla td. einhvern samprófessor sinn en í guðfræðideildinni "Wúdú-fræðing". jafnvel þó prófessor Ágúst hafi ekki verið mikill kirkjunnar maður.

Mér er eiginlega óskiljanlegt hvernig þessi Stefán, sem ég sá tala við Milton Friedmann með a m.a. ÓRG og var þá skynsamastur viðmælendanna að mér fannst, hefur orðið að þessum Stefáni Ólafssyni prófessor sem okkur birtist í dag.

Hvað gerðist á leiðinni?