Góð ræða hjá Sigmundi Davíð

á Austurvelli í morgun.

Vera kann að einhverjum hafi sviðið undan hreinskilni forsætisráðherrans unga. En þeir sem vilja verja fullveldi Íslands gagnvart hverjum sem er var án efa skemmt.

Fleiri orð þarf ekki að hafa um þetta frábæra dæmi um ræðumennsku stjórnmálaleiðtoga. Öðruvísi manni áður brá. Einkum voru orð hans um hvað á skortir að Evrópusambandið sanni sig gagnvart Íslendingum og líka eigin þegnum athyglisverð. Ríkisútvarpið verður líklega ekki lengi að leita að og kynna álit Össurar eða Steingríms J. á orðum núverandi  forsætisráðherra. 

Sigmundur Davíð flutti frábæra ræðu við þetta tækifæri sem náði ótrúlega vel til þeirra málaflokka sem ríkisstjórnin hefur sett í öndvegi.

 

Athugasemdir

[Halldór Jónsson, 17.6.2013 kl. 12:32]

Það stóð ekki á því hjá RÚV. Ítarlegt viðtal var haft við fyrrverandi sjávarútvegsráherra Steingríms Jóhanns á stöðunni í makríldeilunni og mögulegum refsiaðgerðum ESB. Líklega eru þeir hjá RÚV ekki búnir að læra nafnið á þeim nýja.

[rhansen, 17.6.2013 kl. 12:45]

Frábær ræða Forsætisráðherra !.....En gamla rullann gengur enn  á Rúv .Frosnir fastir til vinstri !!

[Ómar Bjarki Smárason, 17.6.2013 kl. 14:37]

Flott ræða. Og auðvitað gengur ekki að maríllinn gangi hér inn í lögsöguna og aféti alla aðra fiskistofna og við fáum bara einhver nokkur tonn fyrir. Hugsanlega þurfum við að fara með marílmálið fyrir alþjóðlega dómsstóla til að rétta okkar hlut.

[Halldór Jónsson, 17.6.2013 kl. 23:18]

Já og sáuð þið svo þegar RÚV sótti Guðna Jóhannesson sagnfræðing til að úrskurða að allt sem Sigundur hefði sagt væri bara bull og vitleysa og dónaskapur við AGS osfrv.

Þeim er ekki sjálfrátt í hatri sínu á nýju stjórninni þarna á RÚV

[Kristinn Snævar Jónsson, 17.6.2013 kl. 23:41]

Ég hef gerst svo djarfur að velta fyrir mér þeirri ályktun hvort mestu stjórnarandstöðuna núna sé að finna á RÚV. Og er þó nóg um þursgrimma hælbíta og úrtölufólk af öðru tagi á hverju strái sem gerir sér strámenn í óða önn til að hamast á með rökleysu sinni.