Til hamingju Kristján

Loftsson með fyrstu langreyðina. Ég stóla á að þú veiðir mikið af þeim.

Og svo mættirðu líka veiða hundrað stykki af búrhval. Það er aðdáunarvert hvað þú hefur verið seigur að halda hvalveiðiútgerðinni á lífi í gegn um öll þessi mögur og dimmu ára pólitískrar forstokkunar og hótana umhverfisfasistanna. Við verðum að veiða hval vegna okkar sjálfra því þeir aféta okkar útgerð.

Þessir stóru hvalir éta að meira úr sjónum en við veiðum sjálfir. Við eigum að veiða þá hvali sem éta bolfiskinn okkar. Guðmundur Geirdal og félagar hafa endurheimt merki úr þorski sem þeir merktu hér sem einn af tíu í flóanum og var svo étinn af hval. 10 % af þessu úrtaki félaganna endaði í sem sagt hvalsmaga. Enginn veiddist af skipi.   

Til hamingju Kristján Loftsson, þú ert í rauninni landvættur! 

Athugasemdir

[Vilhjálmur Örn Vilhjálmsson, 18.6.2013 kl. 10:06]

10% í hvalinn, en hvert fóru hin 90%in. Er þetta ekki það sem menn kalla ómarktæka rannsókn?

Ég tek fram, að ég er ekki umhverfisfasisti, en tel samt óþarfa að veiða hval til sölu í Japan, þegar fyrirtækið sem ætlaði að nota hvalinn í hundafóður er búið að rifta samningum við Kristján Loftsson. Nú er Kristján bara á frístundaveiðum og veit ekkert hvert hann getur selt það sem hann veiðir.

Hundur Hr. Sakomotos finnur lítinn mun á rottu og hval og seppa er örugglega sama um hvort hvalurinn étur fiskinn sem Hr. Sakomoto notar á sushiið sitt.

[Rafn Haraldur Sigurðsson (IP-tala skráð) 18.6.2013 kl. 17:06]

Þurfa ekki hundarnir líka að éta?? Er hvalkjöt nokkuð verra en kjöt af belju?

[Halldór Jónsson, 18.6.2013 kl. 20:02]

Vilhjálmur

auðvitað er þetta ekki marktæk rannsókn. En hvalafriðunarsinnar keppast við að halda því fram að þeir éti ekki fisk frá okkur, halda helst að þeir lifi á kóki og prins eða svoleiðis. Svona merki kostar 800 þúsund kall stykkið. Öll 10 skiluðu sér og af óravíðu hafsvæði. Þetta voru einkaðailar sem kostuðu þetta. Berðu þennan árangur saman við Hafró og togararallið sem stjórnar aflanum upp á kíló og án áhrifa frá hvölum.

Rafn Haraldur,

Ég hugsa að hundur éti hval með bestu lyst. Það geri ég líka. Ég hef aldrei fengið betra nautagúllas en hrefnugúllas vestur á fjörðum. Og súrsað rengið maður.Ekki tími ég að gefa hundinum það.