"Il faut recolonisier"

las ég í frönsku blaði þar sem þekktur stjórnmálamaður velti fyrir sér vandamálum Afríku.

Þegar maður horfir á myndir frá Egyptalandi þar sem fjöldi tötralega kvenna með fornlega höfuðdúka situr á jörðinni og lesa bænir sínar úr litlum kverum mitt í mótmælum gegn einhverjum yfirvöldum, þá fer maður að hugsa margt um lýðræði og eitthvað arabiskt vor.

Getur allt fólk lifað við lýðræði? Hvaða stöðu fá þessar konur þegar Islamistar eða Bræðralagið  taka völdin? Ég hef lesið það einhversstaðar að bókaútgáfa í Arabaheiminum sé hverfandi miðað við Vesturlönd og læsi ekki mjög útbreitt. Skortur sé á allri tækniþekkingu sem okkur finnst sjálfsögð. Getur þetta fólk yfirleitt lifað við lýðræði eins og við þekkjum það? Er slíkt stjórnarfar nokkursstaðar að finna í múslímaheiminum? Verður ekki Tyrkland að beita brögðum til að halda ofsatrúarhópunum frá völdum?  

Búa Írakar við betri stjórn núna heldur en þegar Saddam verkfræðingur réði ríkjum? Fékk hann ekki verðlaun frá SÞ fyrir afrek sín í heilbrigðismálum?  Tekur eitthvað betra við eftir Assad augnlækni?Trúmálin ein og sér eru ekki eina hindrunin. Í Rhodesíu hefur Mugabe tekist að steypa frjósömu og góðu landi í glötun og allstaðar í Afriku er skelfingarástand þar sem nýlendurnar blómstruðu áður. 

Ættu Vesturlönd hugsanlega að hervæða atvinnuleysingja sína og gera innrásir í sum þessi ríki til að koma íbúunum til hjálpar.? Hefur þetta fólk þroska til að ráða fyrir sér sjálft? Er nokkuð nema stríð og harðstjórn sem fólki í þessum löndum er fært? Yrði ekki heimurinn betri ef Afríka brauðfæddi sig sjál? Eða flytti út matvæli eins og hún gerði á nýlendutímunum?

Gætum við ekki rétt ímyndað okkur hvernig Egill Skallagrímsson hefði fallið inn í nútúmann hefði hann skyndilega dottið þar inn?  Hefði hann skilið lýðræði?

"Il faut recolonisier" ? 

 

Athugasemdir

[Ómar Ragnarsson, 5.8.2013 kl. 22:52]

Afríka flytur ekki út matvæli eins og á nýlendutímanum meðan Vesturlönd reisa tollmúra til að koma í veg fyrir það og guma þó af því að vilja innleiða frelsi í alþjóðaviðskipti.

Í þessum tollmúrum og ríkisstyrktum landbúnaði Vestulanda felst ranglæti, sem er margfalt stærra að umfangi peningalega en öll þróunaraðstoð til samans.

Er nokkur von til þess að franskir bændur sitji kyrrir ef reynt verður að breyta þessu?  

[Halldór Jónsson, 6.8.2013 kl. 07:19]

Já Ómar, verðum við ekki að vernda okkar bændur og ét okkar lambakjöt þó dýrt sé. En mér var ofar í huga hungursneyðirnar í Afríku og villimennskan sem veður þar uppi eins og í Sómalíu og raunar í flestum Afríkusríkjum