Varið ykkur vallarvinir

ógn steðjar að.

 Samkvæmt fréttum:

"Gísli Marteinn Baldursson, borgarfulltrúi Sjálfstæðisflokksins, er tilbúinn til að leiða lista flokksins í næstu borgarstjórn ef málin sem hann stendur fyrir fá brautargengi. Hann sagði í viðtali á Rás 2 í morgun ætla að halda áfram í borgarstjórn á næsta kjörtímabili. Gísli Marteinn er nú í 5. sæti á lista Sjálfstæðisflokksins í borginni.

Hanna Birna Kristjánsdóttir var í 1. sæti flokksins í borginni. Júlíus Vífill Ingvarsson tók við stöðu Hönnu Birnu í maí þegar hún varð innanríkisráðherra. " 

Gísli þessi er alkunnur andstæðingur Reykjavíkurflugvallar. Hann styður nýtt aðalskipulag Gnarristanna.

Allir vinir Reykjavíkurflugvallar verða að berjast gegn þessum manni og auknum áhrifum hans,

Vallarvinir varið ykkur á Gísla Marteini. 

Athugasemdir

[Jón Þórhallsson, 13.8.2013 kl. 13:52]

Landsstjórnin verður að grípa í taumana og tryggja áframhaldandi staðsetningu.

[Sigurður M Grétarsson, 13.8.2013 kl. 15:20]

Gísli Marteinn er ekki andstæðingur Reykjavíkurflugvallar. Hann er stuðningsmaður íbúðabyggðar í Vatnsmýri. Reykjavíkurflugvöllur getur án mikils óhagræðis verið á mörgum öðrum stöðum en það er klárlega mjög mikilvægt fyrir heildarskipulag Reykjavíkur að fá landið í Vantnsmýrinni undir íbúðabyggð. Með því að hafa flugvöllin áfram í Vatnsmýrinni er verið að fórna meiri hagsmunum fyrir minni.

[Frosti Heimisson, 13.8.2013 kl. 18:11]

Íbúabyggð nokkurþúsund Reykvíkinga á yfirverði er nú skilgreind sem "meiri hagsmunir fyrir minni". Þar fór nú alþjóð fyrir lítið. Það er ljóst að hér er kosið um hvort leggja eigi niður innanlandsflug eða ekki.

[Jóhann Kristinsson, 13.8.2013 kl. 18:12]

Hver í ósköpunum kemur til með að kjósa þennan kjána Gísla Martein, ég veit ekki hvor þeirra er meiri trúður Gísli Marteinn eða Jón Gnarr.

Burt séð frá flugvallarplaninu, þá er hann hrifinn af moskum ásamt fleirum furðu málefnum.

Kveðja af Nesinu.

[Sigurður M Grétarsson, 13.8.2013 kl. 19:27]

Það er ákvörðunaratriði hvers konar íbúðir verða í Vatnsmýrinni og þar með í hvaða verðflokki. Hitt er annað mál að þetta varður nú eitthvað meira en nokkur þúsund íbúa byggð. Þetta verður sennilega milli 10 og 20 þúsund manna byuggð.

Það er ekkert annað en hræðsluáróður að halda því fram að innanlandsflug leggist niður þó flugvöllurinn fari úr Vatnsmýrinni. Og ef svo væri þá er greinilega ekki mikil þörf fyrir innanlandsflug ef nokkurra kílómetra tilfærsla á flugvellinum verður til þess að það leggist niður.

[Frosti Heimisson, 13.8.2013 kl. 22:43]

Það verður seint ákvörðunaratriði þegar kostnaðurinn við að leggja niður eitt stk. flugvöll hleypur á rúmum 20 milljörðum króna. Byggingarlandið eitt og sér kostar bara svo mikið að erfitt verður annað en að selja fermetrann á yfir 400þús kr (vægt áætlað).

Kannanir sýna að fólk hætti að fljúga innanlands ef það þarf að fara til Keflavíkur til þess (eina raunhæfa lausnin). Ekki nema að Reykjavíkurborg finni einhversstaðar 25ma kr. til að byggja nýjan... og sveigi um leið alþjóða flugöryggisreglur, mengunarreglur (vatnsverndarsvæði) o.s.frv.

[Benedikta E, 14.8.2013 kl. 00:01]

Er nokkur eftirspurn eftir dulbúnum krötum í framboð fyrir Sjálfstæðisflokkinn ?

[Heimir Lárusson Fjeldsted, 14.8.2013 kl. 07:43]

Hann segist sinna sínum hjartans málum í borgarstjórn. Skítt með borgarana sem kusu hann.

[Halldór Jónsson, 14.8.2013 kl. 13:00]

Heimir,

Já ég heyrði hann ekki minnast á fólkið sem kaus hann.

Benedikta

það er nú það með kratismann, hann er lævís og lipur.

Frosti

Þú ert með þetta á hreinu.

Sigurður Grétar,

Þú styður þína menn til enda. Heldurðu að það verði grimmur markaður meðal barnafólks ef fermetrinn kostar 700.000?

Jóhann

Já hann styður moskuna og mínaretturnar með Jóni Gnarr. Enda báðir úr skemmtibransanaum.

Frosti

ég held að innanlandsflug verði ekki mikið frá Keflavík

Sigurður Grétar,

hvaða hagsmunir eru meir í þínum huga, hagsmunir barnafólks eða ríkra geldfugla?

Tölur um fermetraverð á svæðum í Reykjavík þar sem er verið að þétta byggð eru talsvert hærri en menn eiga að venjast í Þorlákshöfn til dæmis.

Jón Þórhallsson

já mannig finnt þetta koma fleirum en Gísla Marteini,Jóni Gnarr og Degi B. við. Infrastrucure ríkisin er málefni þjóðarinnar.

Darios Persakóngur sagði:"Þjóð mín er ekki svo rík að hún hafi efni á slæmum samgöngum." Hann lagði enda áherslu á að greiða þær.

[Ómar Ragnarsson, 14.8.2013 kl. 13:03]

"Nokkurra kílómetra tilfærsla"? Ekki er að sjá neina áætlun um fjáröflun til flugvallar á Hólmsheiði, sem er miklu verri staðsetning veðurfarslega en Skerjafjarðarflugvöllur. (Aðeins 30% vallarins er í Vatnsmýr).

Það þýðir flutning innanlandsflug suður á Miðnesheiði. Það er 50 kílómetra tilfærsla, ekki "nokkurra kílómetra tilfærsla".

Og ferðaleið manns, sem fer fram og til baka milli þungamiðju byggðar á höfuðborgarsvæðinu lengist um 172 kílómetra!  "Aðeins nokkurra kílómetra tilfærsla"?

[Benedikt V. Warén, 14.8.2013 kl. 13:53]

Smáborgaraháttur Dags B. Eggertssonar og Gísla Marteins Baldurssonar er algjör.

Það kallast þráhyggja í venjulegum skilningi þess orðs, að geta ekki hætt að hugsa um aðra kosti, þó ítrekað sé bent á vankanta þess að leggja niður flug úr Vatnsmýrinni.

Að geta ekki með nokkru móti skilið að venjuleg borg sem vill rísa undir því að kallast höfuðborg þegna sinna, er með samgöngur í lagi til og frá borginni. Flestar stærstu borgir heimsins eru byggðar á krossgötum vatna og stórfljóta vegna þess að í öndverður voru það "þjóðbrautir" viðkomandi landa og mikið lagt upp úr því að tengja vatnaleiðir saman með skurðum, skipastigum og jafnvel brúm fyrir skip og báta. Í þá daga skildu menn mikilvægi tengingu borga við landsbyggðina.

Nú hafa áherslur siglinga breyst og þær dregist verulega saman frá því sem var. Aðrir möguleikar eru nú í boði, s.s. bílar, lestir og flugvélar. Þetta skilja stjórnendur borga erlendis. Þar er mikið lagt upp úr því að hafa lestarstöðvar í miðborgum og leitun er að borg, sem vill gera sig gildandi meðal þegna sinna, að ekki sé lestarstöð í miðbænum. Umfang lestarstöðva er eins og Reykjavíkurflugvallar, þegar tekið er tillit til lestarstöðvarinnar og sporanna að henni.

Það sem Degi B., Gísla M. og skoðanabræðrum þeirra er ómögulegt að skilja, að það eru engar lestir á Íslandi. Reykjavíkurflugvöllur er því lestarstöð okkar. Það fylgir vandi vegsemd hverri og það að vera höfuðborg lands, felur ekki eingöngu í sér að soga fjármunina frá landsbyggðinni, stjórnsýsluna eins og leggur sig, allar stofnanir og helstu skóla- og menntastofnanir. Það þarf að byggja brýr fyrir þá sem þjónustuna þurfa, ekki bara í Grafarvoginn.

Haldi borgarbúar því til streytu, að leggja niður flug í Vatnsmýrinni og beita þvingunarúrræðum til að koma flugvellinum úr borgarlandinu, verður að gera annað tveggja:

1. Byggja hátæknisjúkrahúsið frá grunni í nágrenni þess flugvallar, sem kemur stað Vatnsmýrarflugvallarins.

2. Finna annað bæjarfélag sem gert verði að höfuðborg landsins og viljugt er að hýsa flugvöll og hátæknisjúkrahús

[Jón Ketilsson, 14.8.2013 kl. 16:56]

Hvernig ætli sé að byggja í Vatnsmýrinni? 

Flugskýlin í Fluggörðum eru reist á súlum sem voru reknar niður og með fljótandi plötum.  Man nú ekki hvað súlurnar voru langar en þær náðu ekki á fast.  Og í mörgum flugskýlanna er töluvert missig á plötunum.

Það var ekki grundvöllur fyrir því að grafa niður á fast. 

Sennilega möguleiki að hafa 4-5 hæða bílakjallara neðanjarðar.  Hvað ætli grunnarnir komi til með að kosta?

Ætli menn séu búnir að gleyma öllum uppgreftrinum í Eiðismýrinni.  Það voru engar smá gryfjur og náðu ekki allsstaðar á fast. Ef ég man rétt þá áttu menn í vandræðum með að fjármagna uppgröftinn.

E.S.  Er ekki nýjasti flugvöllurinn í London (1987) inn í miðri borg, á bökkum Thames?

[Elfar Aðalsteinn Ingvarsson (IP-tala skráð) 14.8.2013 kl. 17:24]

Já, og ef Reykvíkingum væri ekki nett sama um það að vera höfuðborg þá væri það hótun sem hefði áhrif.

Og áður en þú minnist á alla atvinnuna þá er bara lítill hluti þeirra 17.000 stöðugilda ríkisins sem er beint í stjórnsýsluni og líklegast býr ekki nema um helmingur þeirra starfsmanna í Reykjavík sjálfri.

Hvað varðar hátæknisjúkrahús þá er núverandi ríkisstjórn stjórn búin að lýsa því yfir að aðrar leiðir verða farnar og sjúkraþjónustan verður dreyfð um landið og því þurfum við ekki að hafa flugvöll hliðina á LSH er það nokkuð?

[Sigurður M Grétarsson, 14.8.2013 kl. 18:31]

Frosti. Hagsmunir borgarinnar snúast ekki bara um söluverð á lóðum í Vatnsmýrinni heldur mun stytting á meðalvegalengd sem fólk í Reykjavík þarf að fara milli staða mikið hagsmunaatriði sem sparar milljarða á hverju ári. Þar er bæði um að ræða persónulegan sparnað íbúa og einnig sparnað borgarinnar við alla innviði þar með talið almenningssamgöngur. Og þeim mun styttra sem menn þurfa að fara til dæmis í og úr vinnu þeim mun líklegra er að menn fari það gangandi eða á reiðhjóli sem er mikið hagsmunamál fyrir bæði ríki og sveitafélagið.

Heimir. Gísli Marteinn er að hugsa um haga þeirra sem kusu hann þegar hann vill frekar fá Vatnsmýrina undir íbúðabyggð heldur en að hafa flugvöllinn þar áfram.

Ómar Ragnarsson. Vissulega er það möguleiki að það að loka flugvellinum í Vatnsmýri geri það að verkum að innanladsflugið fari upp á Miðnesheiði. En það er þó of fljótt að slá alla aðra valkosti af. En jafnvel þó hann færi þangað þá er óhagræði flugfarþega af því aðeis brota af óhagræði Reykvíkinga af því að þurfa að byggja upp á heiðum sem eins og hefur komið fram er ekki bara til að þenja út borgina og lengja meðalakstursvegalendir heldur eru líka mun verri staðir veðurfarslega eins og hér hefur komið fram. Svo má líka bæta því við að það eru aðeins hluti flugfarþega sem er á leiðinni til eða frá miðborg Reykjavíkur. Hversu miklu munar það fyrir farþega sem er á leið í Hafnafjörð hvort flugvöllurinn er í Vatnsmýri eða á Miðnesheiði?

Benedikt. Það er fjöldi höfuðborga þar sem vegalengd frá flugvelli inn í miðborgina er meiri en frá Miðnesheiði inn í miðborg Reykjavíkur og þykir ekki tiltökumál. Flugvöllur er ekki lestastöð. Það eru ekki flugsamgöngurnar sem hér koma í stað lestarstöðva erlendis heldur rútustöðvar og einkabílar.

Jón. Það hefur margt gerst tæknilega síðan þessi flugskýli voru byggð. Svo er staðan mismunandi eftir því hvar í Vatnsmýrinni er. Það hefur til dæmis ekki verið mikið vandamál að reisa höfuðstöðvar Icelandeair og hótelið þeirra. Heldur ekki að reisa Háskólann í Reykjavík. Þetta er því klárlega ekki mikið vandamál tæknilega.

Heimir. Það er sjálfstætt ákvörðunaratriði hvernig byggð verður þarna og þar með hversu dýrar íbúðirnar verða. Það er mjög ólíklegt að það verið hægt að selja þúsundir íbúða á 700 þúsund kr. fermeterinn þannig að það er alveg ljóst að um mun ódýrari íbúðir verður að ræða. Vissulega munu íbúðir miðsvæðis verða dýrari en í úthverfum enda felst talsverur sparnaður í því að búa miðsvæðis.

[Benedikt V. Warén, 14.8.2013 kl. 19:27]

SMG.

Helsingfors er með flugvöll í borginni, Malmi.
Í Stokkhólmi er það Bromma.
Í Kaupmannahöfn er Kastrupflugvöllurinn á Amager.
Í London er m.a. einn nýlega byggður, - London City.

Þetta eru bara fá dæmi.

Hins vegar er athyglivert hve margir hrífast af grautargerð Gísla M. og Dags B. og taka þátt í að bera hann fram.  Ísland er eyja, mjög dreyfbýl, en allir íbúar hennar eiga rétt á þeirri þjónustu sem er í boði, hvort það heitir menntun, heilsugæsla eða samskipti við opinberar stofnanir.  Enginn afsláttur, nema síður sé, er gefinn á sköttum né öðrum aðföngum út á landsbyggðina.  Því gildir það sama um aðgengi að áðurnefndri þjónustu, hvort sem þér líkar það betur eða verr. 

Þér mundi einnig bregða mjög, ef þú þyrftir að senda einhvern úr þinni fjölskyldu til Raufarhafnar í tannréttingu, svo ekki sé minnst á þegar alvarleg slys og bráðatilfelli banka uppá.  Þá geta sekúndur skilið á milli lífs og dauða.

Flest lönd státa af nokkrum borgum sem er með íbúa Íslands alls sem úthverfi og með bráðaþjónustu innan seilingar og með vegakerfi að henni sem er í lagi.  Auk heldur hafa þeir yfir þyrluþjónustu að ráða, en þau tæki henta vel á styttri leiðum og geta lent nálægt slysstað og/eða þar sem váleigir atburðir eiga sér stað. 

Þyrlur hafa hins vegar þann annmarka að fljúga hægt og erfitt að fljúga þeim í blindflugsskilirðum og ísingu auk þess eru þær ekki búnar jafnþrýstibúnaði sem lífsnauðsynlegur er í mörgum sjúkraflugum.

Ef þú áttar þig ekki á umfangi lestarstöðva og samanburði við Reykjavíkurflugvöll, segi ég bara: Æ, - veslingurinn.

[Magnús Birgisson, 15.8.2013 kl. 14:12]

Sigurður M Grétarsson..varðandi þéttingu.

En ef þétting á að skila vona miklum ávinningi...afhverju ekki þá að þétta nær landfræðilegri- og lýðfræðilegri miðju höfuðborgarsvæðins sem er miklu austar?

Það myndi skila mikli meiri ávinningi!! Þar er nóg pláss af góðu byggingarlandi og nær fram því markmiði að þétta höfuðborgina!! Það má benda á Mjóddina, Súðarvoginn og þar í kring, Stekkjarbakka, austurbakka Elliðaáa og svæðið við Árbæjarsafn, Bryggjuhverfið og svæðið þar í kring, Keldur og Keldnaholt, svæðið beggja vegna Reykjanesbrautar osfrv...osfrv...

Þetta er bara þráhyggja og rörsjón vaðandi Vatnsmýrina.

Hún mun t.d. ekki taka við nema u.þ.b. 2-3 ára aukningu á íbúðum á höfuðborgarsvæðinu en það þarf að byggja ca. 1500 íbúðaeiningar á ári. Það er talið að bara núverandi skortur á íbúðahúsnæði sé u.þ.b. 8000 íbúðir eftir algera stöðnun síðustu 5 ára.

Vatnsmýrin verður ekki byggð fyrr en eftir 4-5 ár og höfuðborgin mun "þenjast" út sem svarar einum Mosfellsbæ á meðan borgaryfirvöld sitja föst í þessu rugli.

Og allt það fólk mun keyra eftir Ártúnsbrekkunni, Kringlumýrarbrautinni og Miklubrautinni án þess að nokkrar endurbætur verði gerðar á þessum stofnbrautum og slagæðum höfuðborgarsvæðisins.