Af hverju Þorsteinn Pálsson?

ertu sífellt að reyna að reka fleyg í stjórnarsamstarfið?

Nú síðast segirðu að Sjálfstæðisflokkurinn sé að svíkja loforð um þjóðaratkvæðagreiðslu um áframhald aðlögunarviðræðnanna við ESB.

Það er kannski skiljanlegt ef þú missir einhvern spón úr aski við stöðvun viðræðnanna.  En hitt er sýnu verra að mér finnst þú afvegaleiða umræðuna.

Ég skildi stefnu flokksins þannig að aðildarviðræðum yrði ekki áfram haldið án þjóðaratkvæðagreiðslu. Vegna þess að þjóðin vill ekki ganga í Evrópusambandið.

Er þetta endilega sama og loforð um að láta þessa atkvæðagreiðslu fara fram núna strax ? Er einhver sérstök þörf á að vera að vesenast í þessu núna? Hversvegna má ekki geyma þetta þangað til einhver ástæða er til.  Er það ekki alveg klárt að þjóðin er ekki að ganga þarna inn?  Hvervegna þá að vera að vera að harpa á þessu?

Það er ljóst að þú ert ekki að gera gamla flokknum þínu greiða með þessum skrifum. Ef svo er þá ertu núna  að gera fyrri ríkisstjórnarflokkum meiri greiða en ríkisstjórn Sjálfstæðisflokksins og Framsóknarflokksins. Enda er Fréttablaðið heldur ekki sérstakur stuðningsaðili núverandi ríkisstjórnarinnar.

Af hverju Þorsteinn Pálsson? 

Athugasemdir

[Rafn Guðmundsson, 17.8.2013 kl. 13:18]

mér finnst þetta nú bara rétt hjá Þorsteini og þessi pistill þinn er nú bara ein stór smjörklípa til að afvegaleiða umræðuna. flestir sjálfstæðismenn skildu loforðin held ég

[Helga Kristjánsdóttir, 17.8.2013 kl. 14:09]

Um þessar mundir gengur allt út á að misskilja og herma loforð, eða (of)-skynja hótanir frá ríkisstjórnarflokkunum. Hafi þessir sigruðu sambandssinnar ekki skilið stefu ríkisstjórnarinnar,þá verðum við að taka ærlega til okkar ráða og fylla undirskriftalistann um tafarlaust afturkall umsóknar. Mb.Kv.

[Helga Kristjánsdóttir, 17.8.2013 kl. 14:11]

Leiðr. stefnu.

[Halldór Jónsson, 17.8.2013 kl. 18:41]

Rafn, lestu bara stjórnarsáttmálan þar sem þetta stendur skýrum stöfum. Ekki verður haldið áfram aðilsarviðræðum nema að udangenginni þjóðaratkvæðagreiðslu.

Það stendur ekkert annað þó að þið Þorsteinn séuð að lesa eitthvað annað sem ekki stendur þar.

[Heimir Lárusson Fjeldsted, 17.8.2013 kl. 18:43]

Þorsteinn er langrækinn.

[Jón Ingi Cæsarsson, 17.8.2013 kl. 18:51]

Hann vill ekki að flokkurinn svíki loforð sína, þó sumir væru alveg til í það.

[Jón Valur Jensson, 17.8.2013 kl. 19:49]

Gott hjá þér, Halldór, og gott og verðug svar þitt til Rafns.

Og Jón Ingi, lestu það svar Halldórs kl. 18.41. Hann stingur alveg upp í þig með þitt Samfylkingarjarm hér.

Það er of seint fyrir ESB-þjónandi stjórnarandstöðuna að bæta sér upp sinn verðskuldaða ósigur í kosningunum í vor með því að reyna að ná -- með "dyggri" hjálp própagandískra Rúvara -- yfirtökunum á pólitískri stefnu landsins næstu 4 árin!

Haldið ykkur úti í horni, landleysingjarnir ykkar!

[Halldór Jónsson, 17.8.2013 kl. 21:35]

Heimir

Ég hef tekið eftir því að margir baráttumenn eiga erfitt með sig þegar eitthvað fer öðruvísi en ætlað er.

Jón Valur,

Berr er hver at baki nema sér bróður eigi. Takk fyrir liðveisluna.

[Jón Valur Jensson, 17.8.2013 kl. 23:59]

Sjálfþakkað, höfðingi og baráttumaður sem þú ert.