Slökkvum á bullinu

um Evrópusambandið. Drífum þjóðaratkvæðagreiðslu af strax um eftirfarandi spurningu:

 

 "Vilt þú taka upp aðildaviðræður við Evrópusambandið með það fyrir augum að Ísland gangi þar inn?"

Einföld spurning fær einfalt svar:

Já eða Nei.

Annaðhvort eða. Með þessu móti losnum við áframhaldandi pex og bull um pakkagjægur og bjölluat í Brussel. 

 

 

 

 

Athugasemdir

[Gunnar Rögnvaldsson, 23.8.2013 kl. 00:08]

Kæri Halldór

 

Ríki - og alveg sérstaklega smá ríki - þola ekki að igno•min•y (opinber skömm) brjótist til valda undir áföllum og taki sér stöðu við hásæti æðstu lýðræðisstofnunar landsins til þess eins að fremja þar þá igno•min•y sem umsókn Lýðveldisins inn í Evrópusambandið er. Hún er ekkert annað en igno•min•y. Þetta þolir Ísland ekki sem lýðræðisríki. Þetta verður að afmá. AF•MÁ!

 

Vegna þessara skammargjörða og svika stendur Lýðveldi Íslendinga nú fast með höfuð sitt inni í póstkassa Evrópusambandsins. Þessari stöðu bernsks lýðveldis okkar var komið á með því að misnota æðstu stofnun Íslendinga. Þetta er óþolandi

 

Það er þín einkaskoðun á ömurlega tilkominni svika-ESB-umsókn, að það eigi að leyfa fólki að kjósa um hvort að þjóðkjörnir ökumenn lýðveldisins fái áfram að keyra ölvaðir, svikulir og próflausir með Lýðveldi Íslendinga til helvítis í þágu fámenns hóps ESB-krata og ESB-sósíalista

 

Þingmenn sækja umboð sitt til kjósenda. En ekki öfugt. Þeir höfðu ekkert umboð frá kjósendum til að senda þessa ESB-umsókn af stað í upphafi. Ekki frekar en þröng klíka þingmanna hafði undir handjárnaglamri, pólitískum hótunum og valdasmiti neitt umboð fyrir hönd lýðveldis Íslendinga til að sækja um inngöngu í Bandaríkin

 

Umsóknina verður umsvifalaust að afturkalla og draga alveg til baka. Óhæfuna og svikin gagnvart þjóðinni verður algerlega að afmáð og þau verða að hætta. Umsóknina á því umsvifalaust að draga til baka, fella niður og afmá

 

Þeirri Íhlutunarstofu sendisveinaveldis Evrópusambandsins á Íslandi sem hér blandar sér í bæði stjórnmálaumræðu sem og líf íslensku þjóðarinnar og sem heldur uppi starfsemi hér á landi, verður að loka tafarlaust. Evrópusambandinu og skósveinum þess verði gert að loka áróðursskrifstofu sambandsins hér á Íslandi strax!

 

Og önnur umsókn inn í Evrópusambandið má aldrei aftur — ég endurtek; má aldrei aftur — koma á dagskrá hins háa Alþingis Íslendinga fyrr en að einlægur 75 prósenta meirihluti íslensku þjóðarinnar hafi í samfellt 10 ár sýnt að hún af fullri einlægni og heiðarleika vilji sækja um að Lýðveldið Ísland verði innlimað inn í Evrópusambandið og þar með lagt niður. Þetta mál er þess eðlis

 

Sterk rök og hjartahreinar tilfinningar íslenskrar þjóðar ættu hins vegar að krefjast allt að 800 ára umhugsunartíma, eins og síðast. Í faðmi þeirra sterku raka og hreinu tilfinninga fæddist til dæmis stofnun Sjálfstæðisflokksins sem stjórnmálaafls. Hér mega engin þjóðsvik slá rótum og festa sig í sessi, svo lengi sem við drögum andann.

Afmá verður igno•min•y svikahrappa af Lýðveldinu

 

Kveðjur

 

 

[Þorkell Guðnason, 23.8.2013 kl. 00:42]

VIÐRÆÐUR um aðild að ESB standa okkur einfaldlega ekkert til boða. Áframhald á AÐLÖGUNARFERLIS-blekkingaleiknum er það eina sem býðst og það er bara allt annað en samningaviðræður um hugsanlega aðild.

Það væri því ekki um neitt að kjósa í þjóðaratkvæði.

[Helga Kristjánsdóttir, 23.8.2013 kl. 06:06]

Umsóknina verður tafarlaust að draga til baka,mér er sama hversu ákaft þeir hamast,þeir skulu aldrei aftur fá að misnota Alþingi.

[Halldór Jónsson, 23.8.2013 kl. 07:21]

Gunnar, ég er ekki alveg að skilja igno•min•y . En mér skilst að þu viljir heldur lifa áfram vi bullið um ípakkakíkingarnar í Þorvaldi, Benedikt, Össuri og sr.Þóri heldur en að afgreiða þeta með 60% að hætta aðildaviðræðum. Líklega myndu þeir ekki einu sinni þagna við þetta heldur halda áfram og áfram sbr atkvæðagreiðslur aftur og aftur í Írlandi.

Helga og Keli

Gunnar Bragi er búinn að hætta viðræðunum og auðvitað kemur einn köggull frá Þorsteini Pálssyni á morgun vegna þessa.

Hann missir jú kaupið og hans meðreiðarsveinar.

En þetta röfl heldur áfram og áfram, jafnvel þó að ljóst sé núna að málið fellur. Eigum við ekki að nota tækifærið núna? Kannski verður það tæpara síðar ef kreppan dýpkar enn eins og CNN sagði?

[Kristján Þorgeir Magnússon, 23.8.2013 kl. 12:28]

Sæll Halldór.

Því miður eru fjölmargir landsmenn sem telja, að aðildarviðræður snúizt um samninga.  Svo er að sjálfsögðu ekki.  Spurningin þarf því að vera einfaldari, svo sem:

Vilt þú að Ísland gangi í Evrópusambandið?

Já eða Nei.

[Halldór Jónsson, 23.8.2013 kl. 17:40]

Ég hef samúð með þinni tillögu Kristján. En nú er verið að pexa um aðlögunarviðræðurnar og slit á þeim eða frestun. Það er varla hægt að komast fram hjá því.

[Þorkell Guðnason, 23.8.2013 kl. 21:10]

Líkjum þessu við að "fæðast í röngum líkama" og ákveða að láta verða af því að breyta slíku.

Eigum við að geta okkur þess til að ferlið byrjaði á leyfi til að hefja AÐLÖGUNARFERLI sem væri etv. Pappírsfargan, Sálræn aðlögun, breyting á klæðaburði, hormónameðferð og síðan skurðaðgerðir.

Er ekki tilgangslítið að krefjast þjóðaratkvæðis um ESB "kynleiðréttingu" þjóðarinnar að samsvarandi AÐLÖGUNARFERLI loknu??? Ég tel að eftir allan þann sársauka, verði búið að heilaþvo valdamenn og prógramera embættiskerfið auk þess að skera upp og í burtu allt sem skilgreinir okkur sem þjóð utan ESB.

[Halldór Jónsson, 24.8.2013 kl. 10:37]

Já Keli

Ef þjóðin á að ganga inn af nausynlegri einingu þá þarf hún að fara í svona meðferð eins og þú lýsir. Hvað yrðum við að gera til þess að gera til dæmis Gunnar Rögnvaldsson að aðildarsinna?

[Elle_, 24.8.2013 kl. 14:55]

Ekki um neitt að kjósa, Halldór.  Hinn öskrandi mikluminnihluti á ekki að fá að valta lengur yfir okkur hin og lýðveldið sjálft.  Þau munu heldur ekkert þagna.  Það á bæði að stoppa þennan yfirgang þeirra og vinda ofan af öllu sem síðasta stjórn náði fram með blekkingum og óheilindum.

[Halldór Jónsson, 24.8.2013 kl. 15:37]

Það er nokkuð til í þessu Elle. Þeir þagna ekki. Né heldur Nigel Farage, ég eða Gunnar Rögnvaldsson sem trúm því sem við höldum fram.

[Þorkell Guðnason, 24.8.2013 kl. 20:46]

Það er ekki um neitt að kjósa.

Núverandi valdhafar hlutu sitt kjörfylgi ekki síst vegna þess að meirihluti kjósenda hafnaði blekkingunum á bak við "aðildarviðræður" að ESB.

A Ð L Ö G U N A R F E R L I Íslands að ESB var aldrei borið undir atkvæði. Það er einfaldlega hlutverk núverandi meirihluta á alþingi að reka tappann í þessa fúlu eiturflösku.