Gera menn sér yfirleitt ljóst

hvað dómur Hæstaréttar í bankamálinu eiginlega þýðir fyrir þjóðina?

Hann þýðir einfaldlega að við erum að bjargast út úr hruninu. Hann þýðir að við sjáum fyrir endann á gjaldeyrishöftunum. Hann þýðir að við erum á leið upp úr öldudalnum. Hann þýðir að við stefnum ekki lengur í annað hrun af völdum lífeyrissjóðanna. Hann þýðir að Nomenklatúran fær ekki að ríkja ein lengur í fjármálum þjóðarinnar. Hann þýðir að ný von hefur kviknað í brjósti hvers einasta Íslendings. 

Nú þyrfti að gera þjóðasátt um það að öll lífeyrisiðgjöld í næstu 5 ár renni inn í ríkissjóð sem framlag fólksins til þess að endurreisnarinnar.Líka ríkisstarfsmenn borgi af launum sínum beint.  Ríkið getur á móti séð betur um hina sjúku og þurfandi á sama tíma.

Lífeyrissjóðirnir eru í lykilstöðu  til þess að geta loksins látið gott af sér leiða til langs tíma.

Gera menn sér yfirleitt ljóst hvílíkt tækifæri við erum með í höndunum?  

 

 

Athugasemdir

[Jóhann Kristinsson, 28.9.2013 kl. 14:42]

Hvenær hefur Ríkið handlað peninga eða starfsemi fyrirtækja betur en hinn frjálsi markaður?

Ekki bara á Íslandi, það má líta vestur um haf til USA, allt sem Ríkið kemur nálægt er illa rekið og peningasóun er gífurleg.

Ég ættla að vona að íslendingar leifi ekki Ríkinu að komast með littla fingur í lífeyrissjóði landsmanna, því þá gufar það fjármagn upp í skítalykt.

Kveðja frá Medina Saudi Arabíu,

[Gunnar Rögnvaldsson, 28.9.2013 kl. 20:39]

Tek undir með þér Halldór - á hóflegum bjartsýnisnótum.

Svona er að vera sjálfstætt fullvalda ríki

Svona er að vera sjálfstætt fullvalda ríki með eigin gjaldmiðil

Svona er að vera sjálfstætt fullvalda ríki með eigin gjaldmiðil og alls ekki í Evrópusambandinu.

Því annars væru skammbyssuhlaup Þríeykisins komin niður í kokið á Hæstarétti (sem þá hefði verið þurrkaður út samfara aðild) og fullveldið í peningamálum sem öðrum málum þjóðarinnar farið til helvítishallar Brasselveldisins og myndi aldrei endurheimtast þaðan aftur.

Kveðjur

Lengi lifi Lýðveldið!

[Ásgrímur Hartmannsson, 28.9.2013 kl. 23:23]

Vertu viss, þetta tækifæri verður notað til einhvers ills. Er örugglega bara fyrirboði næsta hruns.

[Halldór Jónsson, 29.9.2013 kl. 13:17]

Jóhann, borgar þú í íslenska lífeyrissjóði svona alþjóðlegur maður? Er ekki ríkið endlaust að setja lífeyrissjóðunum "tilboð sem þeir geta ekki hafnað " að hætti Don Corleone?

Fyrir mér eru lífeyrissjóðirnir spillingardíki og vil leggja þá alla niður og láta þá renna inn í Seðlabankann á nafni hvers eigand. Spara sér öll þessi töp og furstakostnað sem fylgir þeim.

Ásgrímur, þú ert greinilega búinn að gefa upp alla von um að nokkuð geti lagast. Ég held enn í vonina um að og fullveldið í peningamálum sem öðrum málum þjóðarinnar fari ekki til helvítishallar Brasselveldisins sem það myndi aldrei endurheimtast þaðan aftur svo ég nýti mér orðkyngi vinar mín Gunnars.

[Jóhann Kristinsson, 30.9.2013 kl. 13:38]

Já Halldór ég borga í íslenzkan lífeyrissjóð og séreignarsjóð.

Ástæðan að það er spilling í lífeyrisjóðunum er auðvitað sú að við lífeyrieigendur leifum það.

Ef við værum ekki með brjósk í nefinu heldur bein, þá værum við löngu búin að koma atvinnurekendum út úr sjóðsstjórnum og reka þá sem eru að stjórna þessu og snarlækka launin þeirra sem taka við.

Svo einfallt er það, en ef fólk heldur að Ríkið komi til með að stjórna þessu eitthvað betur en nú er gert, þá er það algjör misskilningur.

Kveðja frá Niamey Niger.