Von Íslands

er að ríkisstjórninni takist vel upp. Ef ekki þessari ríkisstjórn tekst að bjarga landinu þá er engin önnur möguleg til þess miðað við það lið sem í framboði er. Þetta er ríkisstjórn þeirra einu sem geta hugsanlega leitt þjóðina fram. Það er sýnilegt öllum sem vilja sjá.

Ég hef lengi velt fyrir mér hverju höfuðmáli það skiptir hvernig sambandið sé á milli Sigmundar Davíðs og Bjarna Bendiktssonar. Nú er samband mitt við þá báða ekki þannig að ég geti spurt þá beint. Til þess eru þeir of fjarlægir mínum hóp trúnaðarvina.

Þessvegna gladdi það mig ótrúlega mikið að lesa það í Morgunblaðinu í dag þegar Sigmundur Davíð segir:"Bjarni er einstaklega fínn maður og viðkunnanlegur...Við eigum hinsvegar gott samband þó að við séum úr ólíkum flokkum og með ólíka sýn á ýmsa hluti. Hann er almennt bara virkilega góður gæi myndi ég segja."

Þetta fellur saman við þá mynd sem ég hef þróað með mér af Bjarna Bendiktssyni  í brotakenndum kynnum úr fjarlægð. Og ég hef þá trú að þetta segir enginn um Bjarna sem ekki stendur undir vináttu við hann sjálfan. Því Sigmund Davíð þekki ég aðeins úr fjölmiðlum og hef aldrei hitt hann sjálfan.

Eftir þetta fyllist ég bjartsýni að þessir tveir ungu menn muni geta leitt þjóðina á þessum erfiðu tímum. Aðrir menn eru einfaldlega ekki í augsýn hvernig sem maður leitar.

Þeir Sigmundur Davíð og Bjarni Benediktsson eru von Íslands. 

 

Athugasemdir

[Helga Kristjánsdóttir, 10.10.2013 kl. 14:07]

Mikilvægt er að áköfum áróðri stjórnarandstöðunnar sé svarað samstundis. Landsmenn settu traust sitt á leiðtoga þessara flokka,eftir hrikalega upplifun stjórnarfars Samf.og Vg.og 4,ra ára glataðra tækifæra. Við komumst ekkert áfram með hlekki biturðar út í það liðna,-- þurfum svo mikið á öllu afli okkar að halda gegn ESb,lausir við þá,fer allt að ganga.

[Elle_, 10.10.2013 kl. 17:40]

Eins gott að muna samt eftir voðaverkum síðustu stjórnar, Helga.  Kannski ekki með beinum hlekkjum en ef við gleymum voðanum andartak mundu þau nota tækifærið, enda ekki tækifærissinnar fyrir ekkert.  Höldum þeim burtu úr stjórn.  Nógu slæmt að nokkur þeirra skuli enn fá að sverta alþingi.  

[Helga Kristjánsdóttir, 10.10.2013 kl. 23:00]

Kæra Elle mín meðan ég skrifaði þetta,hvarflaði hugurinn til þeirra sem ekki geta séð neitt gott í strákunum sem Halldór bloggar um,eingöngu vegna þess að einhverjir ,,Dúddar,, á undan (samflokka) misbuðu þeim pólitískt gróflega,að eigin sögn. Nei Icesave-hryllings selskapurinn bíður færis,þeim ætla ég ekki að gleyma meðan hjartað hrærist,en gömlu Dúddana vona ég að liðsmenn okkar Esb,andstæðinga grafi í stokk svo hefti ekki stuðninginn við að skila umsókn í Esb til baka. Hann er ekki fagur vitnisburður Rauða Krossins um eymdina í Evropu,þótt Esb-sinnum finnist lítið til koma meðan bankarnir bólgna af striti fátækra þar. Eins og skáti ávallt viðbúin,með kveðju til Halldórs og þín Elle.

[Ívar Pálsson, 11.10.2013 kl. 08:51]

Já, Sigmundur Davíð og Bjarni Ben ættu að geta leitt þjóðina saman. Ögrunin stóra eru aðstæðurnar sem þjóðin stendur frammi fyrir. Erfiðast er að fá fólk til þess að kynna sér raunstöðu hagkerfisins, eftir allt sem á gekk. Verst er að svo margir hafi væntingar um að Sigmundur Davíð færi skuldurum fé, sem ekki er innistæða fyrir eða er endilega réttlætanlegt. Stór vitleysa síðustu ára var að afhenda bankana án þess að laga til hjá skuldurunum, en núna er lítið hægt að gera af viti vegna þess.

Við verðum að gefa þeim félögum gott svigrúm til verka.

[Jóhann Kristinsson, 11.10.2013 kl. 12:59]

Það er mikilvægt að talsmenn Ríkisstjórnarinar leifi ekki fleipum og ósannindum frá stjórnarandstöðuni að vera ósvarað.

Það er nú þannig að því lengur sem fleipum og ósannindum er haldið fram án svars, að fólk fer að trúa að fleipurnar og ósannaindi séu sannleikur.

Ég vona að bjartsýni Halldórs á þessum tveimur frekar ungu mönnum sé rétt og verði landi og þjóð til góðs. Time will tell.

Kveðja frá Houston.

[Helga Kristjánsdóttir, 12.10.2013 kl. 03:44]

Það er rétt að ég kunni við að koma einu sinni enn,en þar sem Halldór lætur ekki á sér kræla,leyfi ég mér að taka undir færslur ykkar strákar. Sá á Facebook á Fimmtudag að Bjarni Ben. leiðrétti eina 5 liði,sem stjórnarandstæðingar höfðu látið ganga á netinu.Það er svo mikilvægt að hrekja vitleysur jafnóðum og .þær koma fram,þar hefur Elle staðið sig feikilega vel,allt frá því Jóhönnustjórn for í Esb-leiðangurinn,sem vonandi heyrir bráðum sögunni til.

[Halldór Jónsson, 12.10.2013 kl. 09:49]

En yndislegt að Helga skuli sakna mín. Já ég viðurkenni að ég hef verið latur á blogginu síðustu daga, ég var í öðrum erindum austur í sveitum.

En þið hafið svarað ykkur sjálf og það er aðalatriðið að þið hafði traust  á piltunum eins og ég.