Valkvætt veglyndi

er eitthvað sem vinstrimenn sérstaklega  mættu velta fyrir sér.

Þeir sem vilja að  Íslendingar leggi fram óbreytt fjárframlag til þróunaraðstöðar og öndvert við ríkisstjórnina, geti fengið að greiða sérstakan tekjuskattsauka þess vegna. Væri þá ekki réttlætinu fullnægt? Þeir góðu myndu borga en hinir vondu ekki. Og allur almenningur gæti fylgst með hvað hver væri góður ef listinn væri birtur. Einkanlega fróðlegt plagg fyrir kosningar til dæmis.

Sama mætti segja um aðrar tillögur hinna góðu í stjórnarandstöðunni.  Þeir sem vilja ekki sætta sig við nðurskurð greiðslna úr sameiginlegum sjóðum til þróunaraðstoðar til dæmis geta undirgengist aukaskatt vegna sérstaks málefnis. Yrði það ekki aldeilis innlegg í kosningaframboð að upplýsa til dæmis að frú Svanaháls hefði látið af sínum launum renna X krónur til blámanna í Afríku og Y krónur til einstæðra mæðra í Ekvador  meðan herra  Digurbarki og alþekkt fíbjakk hefði ekki gert neitt fyrir eymd heimsins?

Af hverju ekki valkvæða skattlagninu fyrir þá sem finnst ríkisstjórnin á rangri braut í þróunaraðstoð eða öðrum góðgerðum?  Ríkissjóður má víst ekki taka meiri lán. Það er allgóð samstaða um það.  Allt sem er umfram fjárlög og kallast ríkissjóðshalli verður að taka að láni erlendis. 400 miljarðar aðeins síðasta kjörtímabili hjá ríkisstjórn jákvæðs frumjöfnuðar og norrænnar velferðar.

Stjórnarsinnar þess kjörtímabils eru núna einna háværastir þeirra sem vilja aukið veglyndi fyrir Ísland á alþjóða vettvangi. 

Valkvætt veglyndi, Er það ekki það sem vantar? 

Athugasemdir

[Jóhannes Laxdal Baldvinsson, 11.12.2013 kl. 08:13]

Þetta er nákvæmlega það sem ég viðraði í bloggfærslu í fyrradag.  Og eftir sem ég hugsa þetta betur, þeim mun betri finnst mér hugmyndin.  Það er mjög einfalt að útfæra þetta.  Bara einn kross á skattaframtal eins og fyrir þá sem óska eftir sérstakri tryggingu við heimilisstörf.  Svo mætti taka þetta enn lengra, gefa fólki val um hvert útvarpsskattur rynni og trúfélagsgjald o.s.frv.

[Guðni Karl Harðarson, 11.12.2013 kl. 17:35]

Eða heimsækja þessa síðu hér og taka þátt? :

http://globalpovertyproject.com/

Sem er linkur sem ég fyrir nokkru síðan setti inn á vefsíðuna mína http://hvetjandi.net

[Halldór Jónsson, 11.12.2013 kl. 20:22]

Sælir báðir heiðursmenn.

Þetta er góð hugmynd hjá Jóhannesi með reitinn á skattframtalinu og fordæmið er komið með slysatryggingunni..

Guðni Karl,

Þú ert með góðgerðasstarfsemi eins og hún gerðist meðan hún var ekki ríkisrekin eins og hér. Kapítalisminn gerði margt valkvætt og meira en nú þegar allir eru orðnir komnir niður í lægsta samnefnara sósíalismans. Slíkt fólk getur ekkert gefið, bara þegið.

[Guðni Karl Harðarson, 12.12.2013 kl. 16:42]

Þetta er ekki Ríkisrekið heldur samtök Halldór

[Halldór Jónsson, 15.12.2013 kl. 12:09]

Já ég sagði það. ÞAð eru margir sem segja að samhjálpin hafi verið mest á fyrri tímum þegar kapítalisminn sá um þetta valkvætt. Svo kom Ayn Rand og prédikaði um grimmd og eigingirni og lifði sjálf eftir því prinsípi skilst mér, gaf ekkert en bara tók. Þín samtök eru því göfug.